Aposel 16:23 - Label

²³ Ning di ka dapis rakrakai tar diau, di akas diau ting na rumai a dodot, pa di atai a tena tai alar mang ir tai alar rakrakai diau sur gong dia purum.

Aposel 16:23 Referencias Cruzadas

Matiu 26:48

Esaning ir saran tar e Iesu uting na kun a hiruala ka atai nigon tar a kunum a tarai ana akinalang ning ir toli larne, “Esaning ar goro a ris a pahana, i ning. Mulor tong akesi.”

Luk 21:12

“Lanigo ning a ututnala ne belot la hanot, dir dat pas mulo, dir akadik mulo, pa dir dat mulo uting na rumai lotula sur dir warkurai mulo, pa dir akas mulo uting na rumai dodotla. Pa mulor tur na warkurai namatan a kingla, pa tatatnan ningnigola, anasa mulo anuki.

Aposel 12:18

Ana kobot a tena harumla la tai sur e Pita pa a nuknukinla i loklokron mang kanaha i ma.

Aposel 12:4

Ning ka dat pas e Pita, lamur i akasi uting na rumai a dodot. Pa diat a kunum a tarai a harum la tai alari, la areiat ana ning a kunum. E Herot i mang sur ir beni sur dir warkurai i namatana tarai, lamur ana lotu na Han Lakai.

Aposel 16:27

A tena tai alar i mata, pa ning i oroi a tamanla i sapang, i dat pas anuna liwan na harum sur ir umkol i ot onoi, anasa i nuki mang a tarai a dodot la ka liu rop.

Aposel 16:36

Pa a tena tai alar i atai e Pol mange, “A tena warkuraila la arsune sur dir pak sen mu. Onone mur purum, mur han taum ana bal molmol.”

Aposel 5:18

Pa la dat pas a aposella, pa la akas la ting na rumai a dodot.

Aposel 5:23

“Ning mila hanot ting na rumai a dodot, mila oroi mang di ka tagar rakrakai tar ot, pa a tena tai alarla kaning ot la tur ana tamanla, ika ning mila sapang a tamanla, bel ma mila oroi la.”

Aposel 8:3

Ika e Sol i alaulau a tarai a lotula, i kas ana nunla na rumaila, pa i rih a taraila pa gurarala, pa i akas la ting na rumai a dodot.

Aposel 9:2

pa i nunungi mang, “Ur tumus al pas sur ar losi utumo na rumai lotula to e Damaskus. Dir tumusi mang, ning ar pastetek al taraila pa al gurarala ning la mur a Ngas anun e Karisito, ar dat pas la usaot e Jerusalem, sur lar dodot.”

2 Korin 11:23

La na tena titolla ane Karisito, gepi? Iau a wakak a tena titol tanla rop. A warwara arlar lar a longlong. A titol rakrakai kol tanla rop, ia ka kes pas ting na rumai a dodot a galis a taem, na harumla di toli hok i rakrakai kol, a galis a pukakiar milau ar mat. A ututnala rop ning di toli o mila i itna tana utna ning di toli onla.

2 Korin 6:5

Di miras mila pa di akas mila tingui na rumai a dodot. Di balakut tetek mila pa di lu mila. Mila titol rakrakai, bel mila sira borbor ana moromla, pa mila murak.

Epeses 3:1

I maining, iau e Pol, a nunung sur mulo. A kes ting na rumai a dodot anasa a titol ana titol ane Karisito Iesu tetek mulo ning bel na tarai Juda.

Epeses 4:1

A kes ting na rumai a dodot anasa a titol tetek a Leklek. Pa a nunung kol mulo, sur mulor laun arlar ana lalaun ning di ka kabah pas mulo suri.

2 Timoti 2:9

A kilang kankan pa di dot iau otleng arlar ana tena laulau, anasa a warawai ana Wakak a Warwara. Ika a warwara ane God bel dir dot lar pasi.

Pilimon 1:9

Ika a nunung wowon u, anasa a mang sur u. Onone ia ka bun, pa a kes te na rumai a dodot anasa a tortorot o e Karisito Iesu.

Tatatai 1:9

Iau e Jon, a tasimulo pa a halimulo ning dala tur taum o e Iesu ana kankan, pa ana nuna matanitu pa a tuntunur rakrakai ning dala kilang a kankan. A kes na dodot tumo na lolo Patimos, anasa a warawai ana warwara ane God, pa a warwara talapor ane Iesu.

Tatatai 2:10

Gong mulo matatan a kankan ning milau ir hanot tetek mulo. Oroi i, e Satan ir akas tar dingla na tarai o mulo uting na rumai a dodot suir lar mulo, pa mulor kilang a kankan ana ning a bonot a pukakiar. Mulor tur rakrakai ot ana anumulo a tortorot tuk ana pukakiar ning mulor mat ono, par saran tar a lalaun tetek mulo, larning di saran a arlou tetek tik ning i tolsot pas a arsoksok.