Aposel 13:42 - Label

⁴² Ning e Pol pa e Barnabas dia purum miting na rumai lotu, a tarai la nunung diau sur diar warwara ulak ana ututnala ne ana Pukakiar Sabat lamur.

Aposel 13:42 Referencias Cruzadas

Matiu 11:21

I atongi mang, “Ir laulau tetek mulo a tarai Korasin, pa ir laulau otleng tetek mulo a tarai Betsaida. Ngandek ning di kar tol tar a ututnala na kulkulan ne tetek a tarai Tair pa tarai Saidon, arlar larning di ka tol tari tetek mulo, la kar lingir kapit a nuknukinla pa lar tobo, lar mermer ana kaenla na bal maris pa lar sabar a palaonla ana kubus a iah. Ika mulo, bel mulo lingir a nuknukim mulo.

Matiu 19:30

Ika a galis ning la nigo anone, lar mur, pa la ning la mur anone, lar nigo.”

Matiu 9:18

Ning e Iesu kaning ot i warwara tetek la, ning a ningnigo i han teteki, pa i kes ana bokona hana sa lanigo tana, pa i atongi mang, “A natuk hane, onokane i mat. Lamut, dar han pa ur suah a kum saot ono, pa ir laun.”

Aposel 10:33

“Pa a arsune kakat sur u. I wakak kol ning u lamut ute. Onone mila rop mila kes namatana e God, sur milar longor a warwarala rop ning a Leklek ka atai tar u sur ur atai mila ono.”

Aposel 13:14

E Pol pa e Barnabas dia han mitimo e Perga sur e Antiok ana papar Pisidia. Pa ana Pukakiar Sabat dia kas uting na rumai lotu anuna tarai Juda, pa dia kes.

Aposel 28:28

“Onone mulor tasmani mang di ka han ana warwara talapor ana arlaun ane God tetek a tarai ning bel a tarai Juda. I wakak, la, lar kibasi.’