Aposel 13:33 - Label

³³ onone ka tolsot pasi tetek dala, na tumtubunla, ning i akamtur ulak pas e Iesu. Larning di ka tumus tari ana areur a Saksak mange, ‘U a Natuklik, onone iau e Tamam.’ Buk Song 2:7

Aposel 13:33 Referencias Cruzadas

Jon 2:22

Lamur ning e Iesu ka laun ulak kusun a minat, anuna kakak a asaerla la nuk pas a warwara ne. Pa la bot tortorot ana Buk Tabu, pa ana warwara ning e Iesu ka atong tari.

Aposel 13:30

Ika e God i akamtur ulaki kusun a minat.

Aposel 13:34

E God ka akamtur pas e Iesu kusun a minat, pa bel ir marase. Larning e God ka atongi mange, ‘A wakak a ututna ning a lele tar onoi tetek e Dewit, ar angisngis mulo onoi. A ngisngis ne i toh pa ir hanot momol ot.’ Ais 55:3

Aposel 13:37

Ika, esaning e God i akamtur pasi kusun a minat bel i marase.

Aposel 2:24

Ika e God i akamtur ulak pasi, pa i kepsen a kankan ona minat kusuni, anasa a minat bel i toh pasi sur ir tong akesi.

Aposel 2:32

E Iesu ot ning, e God i akamtur pasi kusun a minat, pa mila rop mila oroi pa mila warwara talapor onoi.

Aposel 9:20

Pa i turpas a warawai kakat ana rumai lotula anuna tarai Juda, mang e Iesu a Nat e God.

Hibru 5:5

Mang otleng larning, e Karisito bel i aleklek pasi sur ir ningnigo na tena artabar tetek e God. Ika e God i atongi tana larne, “U a Natuklik, pa onone ia ka hanot e Tamam.” Buk Song 2:7