1 Timoti 3:2 - Label

² Pa ning tik i mang sur ir ningnigo ana lotu i wakak sur a ginina ir manglarne: gong ta ararup i kes onoi, ir taulai ka takai a hane, ir tai alar anuna lalaun, ir tai alar anuna nemnemla, i a ngas a barsan ning a taraila la hanrawai i, ir sira gas pas a taraila uting na nuna rumai, pa i a wakak a tena asaer.

1 Timoti 3:2 Referencias Cruzadas

Luk 1:6

Dia naur a tena tostos namatana e God, dia mur wakak a Warkuraila rop anuna Leklek.

Luk 2:36

Pa ning a hane, a propet, a risana e Ana, ano otning i hanot tetek ditol. A hane ne a nat e Panuel, tagun a mangis a tarai e Aser. Ka wan laulau, ka siwal a bonot pa pisir diat a rau anunai pa ka lao. Dia taulai pas ka mais a rau pa lamur anuna barsan i mat. A hane ne bel i han kusun a rumai a artabar, i lotlotu ana kamkamis pa ana morom, i sira tamai pa i sira nunung. Ning i hanot tetek ditol i atong wakak tetek e God, pa i warwara ana kaklik tetek la rop ning la harnanai sur e God ir alaun pas a tarai Jerusalem.

A Pas ane Pol tetek a tarai Rom 12:13

Ning a tarai ane God la kapan sur ta utna, mulor nangan la. Mulor gas pas na wasira ting na numulo na rumai.

Pilipai 2:15

sur bel dir arup sot pas mulo on ta rongo pa mulor totoh, na natnat e God, ning bel ta rongo o mulo, arpotor tan a tarai ning bel la tostos pa a gininla i laulau kol. Ning mulor artabar ana warwara na lalaun, mulor talapor arpotor tanla arlar ana nangnangla ning la talapor te na rakrakan hanua. Ning mulor toli larne, ar gas o mulo ana pukakiar ning e Karisito ir hanot ulak ono, anasa ir talapor mang bel a dun oros ka, pa anuka titol bel i utna oros ka.

1 Timoti 3:12

A tena harnangai ting na lotu ir taulai ka takai hane, pa ir nigon wakak na natnatnala, pa la rop ting na nuna rumai.

1 Timoti 3:8

Mang otleng larning tetek a tena harnangai ana lotu, i wakak sur la a ngas a barsan ning a tarai la hanrawai la, lar momol ana nunla warwara, gong la na tena gang pa gong la mang sur a galis a mani.

1 Timoti 4:3

A ngas a tarai ne, la sairas a tinaulai pa la sairas a tarai sur gong la ien al ngas a utna na hangan. A utna na hangan ning, e God i akes tari, sur a tarai a tortorot ning la tasman a momolna, lar atong wakak tetek e God onoi pa lar ieni.

1 Timoti 5:10

pa a taraila rop la tasman anuna wakak a titolla, larning i lawat wakak a kakakla, pa i sira gas pas a tarai ting na nuna rumai, pa i gos sen a kubus kusun a hana tarai ane God, pa i nangan a tarai ning a mamahatla i kibas la, pa i saran tar anuna lalaun sur ir tol a urmatana wakak a titol.

1 Timoti 5:22

Gong u suah kapit naur kum saot on tik pa u angisi sur a titol anuna Leklek. Pa gong u mur a taraila ana toltol laulau. Ur tai alar anuma lalaun sur ir totoh.

1 Timoti 5:9

Gong u tumus akes a risana laola ning belot i diono na bonot a rau anunla sur a tarai a lotu lar nangan la. Lar nangan ka a ngas a hane ning i taulai ka takai a barsan,

2 Timoti 2:24

A tena titol anuna Leklek gong i arlak, ir wakak a tena asaer. Ir tol a wakakna tetek a tarai rop, pa ir asangan anuna molmol a toltol tetek a tarai ning i atostos la.

Taitus 2:2

Ur asaer a barsanla ning di agon nigon la tam, sur lar tai alar wakak anunla na toltol, lar kibas a ngas a lalaun ning a tarai lar hanrawai la ono, lar warkurai tostos anunla lalaun, lar momol ana nunla na tortorot, anunla a marmaris pa anunla na tuntunur rakrakai ning la pastetek a mamahat.

Hibru 13:2

Mulor sira gas pas a wasirala ting na numulo na rumai. Anasa dingla na tarai ning la tol a toltol ning, la ka gas pas a angelola, ika bel la tasmani.

Hibru 3:14

Dala o e Karisito, ning dalar tur rakrakai ana tortorot tuk ana araropna, arlar larning dala turpasi nating.

1 Pita 4:7

A ararop ana ututnala rop ka milau. I maining mulor nuknuk wakak pa mulor warkurai tostos anumulo a lalaun, sur mulor tol sot sur mulor nunung.

1 Pita 4:9

Mulor gas artalai pas mulo ting na numulo na rumai, pa gong mulo toli ana ururai.

1 Pita 5:8

Mulor tumarang pa mulor warkurai tostos anumulo a lalaun, anasa anumulo a hirua, e Satan, i han taltal arlar ana laion, ning i kukukuk, pa i tai sur al tarai sur ir ien la.