1 Timoti 1:9 - Label

⁹ Dala tasmani mang a Warkuraila bel di sarani sur a tena tostos. Di sarani ka sur a ngas a taraila mange: la ning la kutus warkurai, a tabun longorla, la ning bel la lotu tetek e God, a tena tol laulaula, la ning bel la mur a nuknuk e God, la ning la mur a toltol mite na rakrakan hanua, la ning la umkol a taraila, pa la ning la umkol na tamtamanla pa na kabatnanla,

1 Timoti 1:9 Referencias Cruzadas

Matiu 10:21

“Tik ir saran sen e tasnalik sur dir umkoli, pa ta barsan ir saran sen e natnalik sur dir umkoli. Pa kakakla lar tur na harum tetek e tamanla pa kabatnanla pa lar saran sen diau sur dir umkol diau.

A Pas ane Pol tetek a tarai Rom 1:30

la arle, la nget e God, la harum, la dat abarah a pukulunla, la iaunan pas la ot. La nuknuk sur a tona ngas sur lar tol a laulauna. La tabun longor tetek na tamtamanla pa kabatnanla.

A Pas ane Pol tetek a tarai Rom 4:13

E God i lele tar e Abaram mang ir saran tar a rakrakan hanua tana pa tetek na tumtubunala otleng. A lele ne e God i tol tari tetek e Abaram bel i kamna ning i mur a Warkuraila. I kamna anasa i tortorot, pa e God i atongi mang i tostos namatana.

A Pas ane Pol tetek a tarai Rom 5:20

E God i saran tar a Warkuraila, sur ir talapor mang a toltol na kutus warkurai anuna tarai i itna amon. A toltol laulau i itna amon, ika a marmaris ane God i itna bolosi.

A Pas ane Pol tetek a tarai Rom 6:14

Anasa bel mulor kes nahai a rakrakai ana toltol laulau, anasa bel mulo kes nahai a Warkuraila. Onone mulo ka kes nahai a marmaris ane God.

Galesia 3:19

E God i saran a Warkuraila sur asa? I sarani sur a tarai lar oroi lalan anunla na toltol laulau. Di mur a Warkuraila tuk a nat e Abaram i hanot, esaning e God i lele tar onoi, e Karisito ot. Ning e God i saran a Warkuraila, i sune a angelola onoi tetek e Moses, esaning i tur potor a taraila pa e God, sur e Moses ir sarani tetek la.

Galesia 5:18

Ika, ning a Talngan Tabu ir nigon mulo, mulor kes langolango kusun a Warkuraila.

Galesia 5:21

a ram sur a utna ana tik masik, a sipak, a kukuk taltal taum ana longlong a toltol, pa al toltol laulau otleng larning. Ia ka atumarang nigon tar mulo kaba, pa ne a atumarang mulo ulak, mang a taraila ning la tol a toltolla ne, bel lar kibas pas a matanitu ane God.

Galesia 5:23

a hanrawai, a toltol ning tik ir warkurai tostos anuna lalaun. Bel ta warkurai ir sairas a toltolla ne.

2 Tesalonika 2:8

Lamur a barsan na kutus warkurai ir hanot talapor, pa a Leklek e Iesu ir kamar seni ana wuwu na pahana, pa ir alaulau i ana matatar ana nuna tinan ot.

1 Timoti 4:7

Ur han masik kusun a asasaer orosla ning bel i topas al utna. Ur alasan u sur ur gomo ana ngas a lalaun ning e God i mang suri.

1 Timoti 6:20

Timoti, ur tai alar wakak a titol ning e God i saran tari tam. Ur han masik kusun la ning la atong a warwarala oros ka ning bel i arlar ana nuknuk ane God. Pa ur han masik otleng kusun la ning la arlak ana utna la atongi mang “a tastasman”, ika bel a tastasman momol.

2 Timoti 2:16

Ur han masik kusun a warwarala ning bel i sot ana nuknuk e God, anasa a tarai ning la molot ana asasaer larning la ka han bakbak kol kusun e God pa la han amon ot.

2 Timoti 3:2

A tarai lar nuk pas la ot, lar mang sur a mani, lar rakan aleklek la, lar aitna pas la ot, lar arle tetek e God pa tetek a taraila otleng, lar tabun longor tetek a tamtamanla taum ana kabatnanla, bel lar lasan sur lar atong wakak tetek e God pa tetek a tarai otleng, pa bel lar hanrawai e God.

Taitus 1:10

Ur aslang pas a ningnigola miting na lotu, anasa a galis a tarai na tabun longor. La awara a tarai ana ututnala oros ka pa la asongo pas la. Dingla na tarai onla, la ning la atongi mang, dir kot talilis a palaon a tarai ning bel a tarai Juda.

Taitus 1:16

La atongi mang la tasman e God, ika anunla a titolla ot i apuasa i mang bel la tasmani. La na laulau a tarai kol, a tabun longorla, pa bel lar tol lar pas ta wakak a titol.

Taitus 1:6

Ur aslang pas tik ning bel di arup sot pasi on ta rongo, ning i taulai ka takai a hane pa na natnatna la na tena tortorot, pa bel ta artitiu i kibas la ana ta toltol, pa bel la tabun longor tetek tik.

Taitus 3:3

Anasa dala otleng lanigo, bel dala mananos, dala na tabun longor, dala han rongo, dala kes ana dodot ana nundala a laulau a nuknuk pa a urmatana ututnala rop ning dala gas suri. Ana nundala a keskes a lalaun, dala tol a laulau a utna, dala ram, a tarai la nget dala, pa dala otleng dala nget la.

Hibru 11:31

Ana tortorot, e Rehap, a pamuk a hane bel i hirua taum ana tarai Jeriko ning bel la longor tetek e God, anasa i gas pas naur a tena tatatai kumna nigo anuna tarai Israel.

Hibru 12:16

Mulor tai alar mulo, sur gong tik i tol a pamuk a toltol, pa gong tik i nuknuk oros ana nuknuk e God teteki, arlar o e Esau. E Esau a ningnigo na nat e Aisak ning lamur ir kibas a galis a gongonla ane tamana, ika i siuran sen anuna keskes a ningnigo sur ning a pelet a utna ka.

1 Pita 2:7

Tetek mulo ning mulo tortorot, a hat ning i wakak, ika tetek la ning bel la tortorot, “A hat ning na tena tol rumai la kepseni, i ot ning a hat kes, ning di tol a rumai saot ono.” Buk Song 118:22

1 Pita 3:20

Na ingun ning, na ingun a tarai tagun nating ot ana raula ane Noa. E God i harnanai pas la sur lar lingir a nuknukinla, ning e Noa i tol a sip. Ika bel la longor teteki. Pa e God i alaun pasi kama a siwal la kusun a lomom.

1 Pita 4:18

A Buk Tabu i atongi larne, “Ir ngangaten sur dir alaun pas na tostos a tarai. Pa ir mangmangasa tetek na laulau a tarai pa la ning bel la tortorot o e God?” Sindaun 11:31

A Pas ane Jut 1:15

sur ir warkurai a tarai rop. Pa la rop ning bel la mur a nuknukna e God, lar hirua ana warkurai, ana anunla na laulau a titol ning la ka tol tari, pa ana laulau a warwara ning a laulau a tarai la ka atong tari ana Leklek.”

Tatatai 21:8

“Na tena matmataut, pa la ning bel la tortorot, pa la ning anunla na toltol i dur, pa na tena um kol a tarai, pa la ning la tol na pamuk a toltol, na tena wah, la ning la lotu tetek a asasongo na godla, taum ana tena asasongo rop, anunla pukna kaning na tnan tung ning i irnga ana iah pa salfa. Ine a munaur a minat.”

Tatatai 22:15

Ika a papla, na tena wah, la ning la tol na pamuk a toltol, na tena um kol a tarai, la ning la lotu tetek a asasongo na godla, pa la ning la mang sur a asasongo pa la toli, la kanumo lapiu na woroh.