Кердипэ 32:10 - Библия опэр крымски романи чиб

¹⁰ Мэ на керав одоя мила тай о лачипэ, савэ кердян Ту Тэ иргатески. Мандэ ништо на сас, булуб катар ровли, кана мэ накхлём о Иордани, ай акана мэ авав палэ до табуренца .

Кердипэ 32:10 Referencias Cruzadas

Кердипэ 18:27

Дэчи о Авраам пхэнляс генэ: — Аки, динём ман зор тэ зборизав э Сагбуса, хоч мэ прахос тай катрани.

Кердипэ 24:12

Ов пхэнляс: — О Сагбус о Яхвэ, о Дэл мэ сагбуско э Авраамеско! Дэ ман авдес лачипэ тай кер мила мэ сагбуски э Авраамески.

Кердипэ 24:27

пхэнляс: — Махтадипэ э Яхвэски, Дэвлэски мэ сагбускерэски э Авраамески, Саво на ачявдяс би Пэ милако тай би чячимаско мэ сагбус! О Сагбус о Яхвэ андяс ман доврус андэ кхер ко тухумя мэ сагбускерэндэ.

Кердипэ 28:13

Опэр латэ сас тэрдо о Сагбус о Яхвэ тай пхэнэлас: — Мэ — о Сагбус о Яхвэ, о Дэл тэ дадэско э Авраамеско тай о Дэл э Исаакеско. Э пху, опэр савятэ ту анкха пашло, Мэ кан дав тут тай тэ пуен.

Кердипэ 28:15

Мэ туса тай кан кутардияв тут, кай ту тэ на джяс, тай кан анав тут андэ адая пху. Мэ на кан ачявав тут тай кан керав алаи, со пхэнлёмас туки.

Кердипэ 30:43

О Яков лиляс тэ барвалёл, лэстэ акана сас барэ атарэс, тай генэ иргатинкес, иргатя, камилэс тай джёрэ.

Кердипэ 31:3

О Сагбус о Яхвэ пхэнляс э Яковески: — Джя ки пху ки дадэнги, тэ тухумендэ, тай Мэ кан овав туса.

Кердипэ 32:5

Мандэ си гурува, джёрэ, бакрэ тай бузнэ, иргатя тай иргатинкес. Мэ бичялав адава габэри мэ сагбуски, тэ аракхав мила андэ тэ якхендэ».

Кердипэ 32:7

Барэ трашаса тай прастаимаса о Яков паляшты до табуренги э манушэн, савэ сас лэса, тай о атарэс э барэ тай э тикнэ гайваненца тай э камилэн.

Лука 17:10

Аякха ли тумэ, кана кан керэн алаи, со тумэнги сас пхэнло, пхэнэн: «Амэ сам иргатя, савэ на керэн лэн тэ махтадиес. Амэ кердям екх одова, со камэлас тэ керас».

Лука 5:8

Кана о Симон Пётар адава дикхляс, ов пэло ко чянга ки Исусески тай пхэнляс: — Наш мандар, Сагбуса, вай мэ мануш бэзяло!