Кердипэ 18:1 - Библия опэр крымски романи чиб

¹ Десе, кана тхарэлас о кхам, паш ко тэрэкя тэрэбинтя Мамрэ, кана о Авраам сас бэшло ангал пэ катунатэ, лэски сикавдяспэс о Сагбус о Яхвэ.

Кердипэ 18:1 Referencias Cruzadas

Кердипэ 12:7

О Сагбус о Яхвэ сикавдяспэс э Аврамески тай пхэнляс: — Мэ кан дав адая пху тэ пуен. О Аврам кердяс отхэ алтари э Сагбуски э Яхвэски, Саво сикавдяспэс лэски.

Кердипэ 13:18

О Аврам кидиняс о катунэс тай гело тэ бэшэл надур катар тэрэкя тэрэбинтя вэш Мамрэ андэ Хеврон. Ов тхэдяс отхэ алтари э Сагбуски э Яхвэски.

Кердипэ 14:13

Екх андар одолэндэ, кон кутардыпэс, ало тай пхукавдяс адалэстар э евреески э Аврамески. О Аврам бэшэлас надур катар тэрэкя тэрэбинтя, савэ сас э амореески э Мамрэски. О Эшкол тай о Анэр сас пхрала лэса. О Аврам тай он сас амала.

Кердипэ 15:1

Пал атхэ о Сагбус о Яхвэ сикавдяспэс э Аврамески тай пхэнляс: — Ма траша, Аврам. Мэ — то кутардима. То башладима кан овэл бут баро.

Кердипэ 17:22

О Дэл бытэрды тэ зборизэл э Авраамеса тай ваздиндило лэстар.

Кердипэ 18:22

О мурша болдинэпэс тай гелэ ко Садом, ай о Авраам ачило ангал Сагбус ко Яхвэ.

Кердипэ 20:1

Отхар о Авраам гело андэ Негев тай ачило тэ бэшэл машкарэ ко Кадэш тай Шур. Ов саво-то вахыти бэшэлас андэ Герар.

Кердипэ 26:2

О Сагбус о Яхвэ сикавдяспэс э Исаакески тай пхэнляс: — Ма джя андэ Египти, бэш опэр одолэ пхуятэ, катэ Мэ кан пхэнав туки тэ бэшэс.

Кердипэ 35:27

О Яков ало пэ дадэстэ ко Исаак андэ Мамрэ, кай пашэ Кирьят-Арба (самким Хеврон), катэ бэшэнас о Авраам тай о Исаак.

Кердипэ 48:3

О Яков пхэнляс э Иосифески: — Андэ Луз, ки пху Ханаан, манги сикавдяспэс о Дэл о Баро-Зорало тай алгышты ман.

Delja 7:2

О Стэфан пхэнляс: — Пхралалэн тай дадалэн! Шунэн ман. О Дэл э намеско сикавдяс Пэс амарэ дадэски э Авраамески, кана ов бэшэлас дага андэ Месапатамия, ангал отхэ, сар ов ало андэ Харран.