Zakaria 1:8 - Bibl Koad 21: Ar Bibl e Brezhoneg evit ar Vretoned

⁸ E-pad an noz em boe ur weledigezh. Ha setu, e oa un den pignet war ur marc'h rous, hag en em zalc'he e-touez ar gwez-meurta a oa er foñs; war e lerc'h e oa kezeg rous, brizhek ha gwenn.

Zakaria 1:8 Referencias Cruzadas

Geneliezh 20:3

Met Doue a zeuas da gavout Abimelek en noz dre un huñvre hag a lavaras: Setu, te a zo marv abalamour d'ar wreg ac'h eus kemeret, rak ur pried he deus.

Geneliezh 46:2

Doue a gomzas da Israel en ur weledigezh e-pad an noz hag a lavaras: Jakob! Jakob! Eñ a respontas: Setu-me amañ!

1 Rouaned 3:5

E Gabaon, an AOTROU en em ziskouezas en un huñvre da Salomon e-pad an noz, ha Doue a lavaras dezhañ: Goulenn ar pezh a roin dit.

Nehemia 8:15

hag e veze ret embann kement-se hag henn disklêriañ en holl gêrioù hag e Jeruzalem, o lavarout: Kit d'ar menez, ha degasit skourroù olived, skourroù gwez sunek, skourroù meurta, skourroù palmez, ha skourroù gwez stank, evit ober logelloù, evel ma'z eo skrivet.

Levr Job 4:13

E-kreiz va soñjoù e-pad gweledigezhioù an noz, pa gouezh ur c'housk pounner war an dud,

Kanenn ar C’hanennoù 2:16

Va muiañ-karet a zo din ha me a zo dezhañ. Peuriñ a ra e dropell e-touez al lili.

Kanenn ar C’hanennoù 6:2

Va muiañ-karet a zo diskennet en e liorzh, er penn-douar goloet a louzoù frondus, evit peuriñ e dropell el liorzhoù hag evit dastum lili.

Izaia 41:19

Plantañ a rin er gouelec'h gwez-sedrez, kasia, meurta, gwez-olivez, lakaat a rin el lec'hioù difrouezh gwez-siprez, tilh ha beuz a-gevret,

Izaia 55:13

E-lec'h spern e kresko siprez, e-lec'h drez e kresko meurta, ha kement-se a vo evit an AOTROU ur c'hloar, un arouez peurbadus na vo ket dilamet.

Izaia 57:15

Evel-henn e komz an Uhel-Meurbet, hag a zo o chom er beurbadelezh, hag a zo santel e anv: Emaon o chom en ul lec'h uhel ha santel, hag ivez gant an den glac'haret hag uvel a spered, evit bevaat spered ar re zilorc'h hag evit bevaat kalon ar re c'hlac'haret.

Daniel 2:19

Hag an dra guzhet a voe diskuliet da Zaniel en ur weledigezh e-pad an noz. Daniel a vennigas Doue an neñvoù.

Daniel 7:13

Sellout a ris em gweledigezhioù noz, ha setu ma teue gant goabrennoù an neñvoù unan bennak heñvel ouzh Mab an den, a yeas da gavout Henaour an deizioù, hag e voe tostaet outañ.

Daniel 7:2

Daniel a gomzas o lavarout: Me a selle em gweledigezh e-pad an noz, ha setu pevar avel an neñvoù a savas gant nerzh war ar mor bras.

Zakaria 1:10

An den en em zalc'he e-touez ar gwez-meurta a respontas o lavarout: Int eo ar re en deus kaset an AOTROU evit ergerzhout an douar.

Zakaria 1:11

Hag e komzjont ouzh ael an AOTROU en em zalc'he e-touez ar gwez-meurta o lavarout: Ergerzhet hon eus an douar, ha setu, an douar holl a zo sioul hag e peoc'h.

Zakaria 1:7

D'ar pevare deiz warn-ugent eus an unnekvet miz, a zo miz Shebad, en eil bloaz eus Dariuz, komz an AOTROU a voe disklêriet d'ar profed Zakaria mab Berekia, mab Iddo, o lavarout:

Zakaria 13:7

Kleze, dihun a-enep va mêsaer, a-enep an den a zo kar din, eme AOTROU an armeoù, sko gant ar mêsaer, hag an deñved a vo stlabezet, hag e troin va dorn a-enep ar re vihan.

Niveroù 12:6

Lavarout a reas: Selaouit mat va c'homzoù: Ma'z eus ur profed en ho touez, me an AOTROU en em roio da anavezout dezhañ dre weledigezh ha me a gomzo outañ dre huñvre.

Jozue 5:13

Hag e c’hoarvezas, evel ma oa Jozue e-kichen Jeriko, ma savas e zaoulagad ha ma sellas, ha setu: un den en em zalc'he en e sav dirazañ, e gleze dic'houinet en e zorn. Jozue a yeas d'e gavout hag a lavaras: Eus hor re ez out, pe eus hon enebourien?

Apocalyps 2:1

Skriv da ael Iliz Efez: Setu ar pezh a lavar an hini a zalc’h ar seizh steredenn en e zorn dehou, an hini a gerzh e-kreiz ar seizh kantolor aour:

Apocalyps 6:2

Me a sellas ha setu, ur marc’h gwenn en em gavas. An hini a oa pignet warnañ en doa ur wareg, roet e voe dezhañ ur gurunenn, hag ez eas kuit evel un trec’her evit trec’hiñ.

Apocalyps 6:4

Dont a reas er-maez ur marc’h all liv tan. An hini a oa pignet warnañ en doa ar galloud da gas ar peoc’h kuit a-ziwar an douar ha d’ober ma en em lazhfe an dud an eil egile. Ur c’hleze bras a voe roet dezhañ.