Zakaria 1:19 - Bibl Koad 21: Ar Bibl e Brezhoneg evit ar Vretoned

¹⁹ Hag e lavaris d'an ael a gomze ouzhin: Petra eo ar re-se? Hag e lavaras din: Ar re-se eo ar c'herniel o deus stlabezet Juda, Israel ha Jeruzalem.

Zakaria 1:19 Referencias Cruzadas

1 Rouaned 22:11

Sedesia mab Kenaana, o vezañ graet kerniel houarn dezhañ, a lavaras: Evel-henn e komz an AOTROU: Gant ar c'herniel-mañ e vounti ar Siriz betek o distrujañ.

Ezdra 4:1

Enebourien Juda ha Benjamin a glevas ec'h adsave mibien an harlu templ an AOTROU, Doue Israel.

Ezdra 4:4

Neuze tud ar vro a reas da zaouarn pobl Juda gwanaat, o spontañ anezho pa vañsonent.

Ezdra 4:7

En amzer Artakserksez, e skrivas Bishlam, Mitredad, Tabeel hag e genseurted all da Artakserksez roue Persia. Al lizher a oa skrivet en Aramaeg, troet en Aramaeg.

Ezdra 5:3

En amzer-se, Tatnai gouarnour an tu-mañ d'ar stêr, Shetar-Boznai, hag o c'henseurted, a zeuas d'o c'havout hag a gomzas evel-henn outo: Piv en deus roet deoc'h urzh da sevel an ti-mañ ha d'ober ar mogerioù-se?

Salmoù 75:4

Emañ an douar hag e holl annezidi o krenañ, me am eus startaet e beulioù.  Ehan

Salmoù 75:5

Lavaret em eus d'ar re lorc'hus: Na fougeit ket! Ha d'ar re zrouk: Na savit ket ho korn!

Jeremiaz 48:25

Korn Moab a zo troc'het, hag e vrec'h a zo torret, eme an AOTROU.

Daniel 12:7

Hag e klevis an den gwisket gant lin a oa dreist doureier ar stêr; sevel a reas e zorn dehou hag e zorn kleiz etrezek an neñvoù, hag e touas dre an Hini a vev da viken, e vo a-benn un amzer hag amzerioù hag un hanter-amzer; ha pa vo echuet da stlabezañ nerzh ar bobl santel, an holl draoù-se a vo kaset da benn.

Daniel 7:16

Tostaat a ris ouzh unan eus ar re a oa eno, hag e c'houlennis digantañ ar wirionez war an holl draoù-se. Hag e komzas ouzhin, hag e roas din an disklêriadenn anezho.

Amoz 6:13

Laouenaat a rit er pezh n'eo netra, hag e lavarit: Ha n'eo ket dre hon nerzh hon eus kemeret galloud?

Habakuk 3:14

Toullañ a rez gant da zaredoù penn ar vrezelourien en em daol evel ur barrad-avel evit hor stlabezañ, hag en em laouena evel evit lonkañ ar reuzeudig en o c'hev.

Zakaria 1:18

Goude e savis va daoulagad hag e sellis, hag e welis pevar c'horn.

Zakaria 1:21

Hag e lavaris: Petra a zeu d'ober ar re-mañ? Hag e respontas o lavarout: Ar re-se eo ar c'herniel o deus stlabezet Juda, ken na grede den sevel e benn, hag ar re-mañ a zo deuet d'o spontañ, da ziskar kerniel ar broadoù o deus savet o c'horn a-enep bro Juda evit he stlabezañ.

Zakaria 1:9

Lavarout a ris: Va Aotrou, piv int? Hag an ael a gomze ouzhin a lavaras din: Mont a ran da ziskouez dit petra eo an traoù-se.

Zakaria 2:2

Hag e lavaris: Mont a rez da belec'h? Respont a reas din: Da vuzuliañ Jeruzalem, evit gwelout pegement eo he ledander ha pegement eo hec'h hirder.

Zakaria 8:14

Rak evel-henn e komz AOTROU an armeoù: Evel ma em eus soñjet ober droug deoc'h p'o deus ho tadoù atahinet va brouez, eme AOTROU an armeoù, ha ne'm eus ket bet keuz,