Sofonia 1:10 - Bibl Koad 21: Ar Bibl e Brezhoneg evit ar Vretoned

¹⁰ En deiz se, eme an AOTROU, e vo klevet kriadennoù eus dor ar Pesked, yudadennoù eus an eil karter, hag un diskar bras eus ar c'hrec'hiennoù.

Sofonia 1:10 Referencias Cruzadas

2 Samuel 5:7

Met David a dapas kreñvlec'h Sion, hag a zo kêr David.

2 Samuel 5:9

David a annezas er c’hreñvlec’h, a anvas ker David. Sevel a reas tro-dro dezhi adalek Milho betek an diabarzh.

2 Rouned 22:14

Hilkija an aberzhour, Ahikam, Akbor, Shafan hag Asaja a yeas da gavout Hulda ar brofedez, gwreg Shallum mab Tikva mab Harhaz, diwaller an dilhad. Hi a oa e chom e Jeruzalem, en eil karter. Hag e komzjont outi.

2 Danevelloù 3:1

Salomon a stagas da sevel ti an AOTROU e Jeruzalem, war Venez Moria a oa bet diskouezet da Zavid e dad, el lec'h end-eeun kempennet gant David, war leur Ornan ar Jebuzad.

2 Danevelloù 32:22

Evel-se an AOTROU a saveteas Ezekiaz ha tud Jeruzalem diouzh dorn Sankerib roue Asiria, ha diouzh dorn an holl, hag e tiwallas anezho a bep tu.

2 Danevelloù 33:14

Goude-se e savas ur voger a-ziavaez evit Kêr David, ouzh ar c'huzh-heol, eus ar Gihon, en draonienn, betek dor ar Pesked, tro-dro da Ofel, hag e savas anezhi uhel-tre. Lakaat a reas penngadourien en holl gêrioù kreñv Juda.

2 Danevelloù 34:22

Hilkija hag ar re anvet gant ar roue a yeas da gavout Hulda ar brofedez, gwreg Shallum mab Tokad mab Hasra, diwaller an dilhad. Hi a oa e chom e Jeruzalem, en eil karter. Hag e komzjont outi diwar-benn an traoù-se.

Nehemia 12:39

ha dreist dor Efraim, dreist an nor Gozh, dreist dor ar Pesked ha tour Hananeel ha tour Mea, betek dor an Deñved, evit chom a-sav e-tal dor an Toull-bac'h.

Nehemia 3:3

Mibien Senaa a adsavas dor ar Pesked; he goleiñ a rejont, hag e lakajont he stalafioù, he morailhoù hag he frennoù.

Izaia 59:11

Grognal a reomp holl evel arzhed, hag ec'h huanadomp dibaouez evel koulmed: Gortoz a reomp ar varnedigezh ha ne zeu ket, ar silvidigezh hag emañ pell diouzhimp.

Jeremiaz 39:2

D'an unnekvet bloaz eus Sedesia roue Juda, d'ar pevare miz, d'an navet deiz eus ar miz, un toull-freuz a voe graet da gêr.

Jeremiaz 4:31

Klevet em eus evel kriadenn ur vaouez er poanioù, evel enkrez ur vaouez en he c'hentañ gwilioud, kriadenn merc'h Sion o huanadiñ, oc'h astenn he daouarn: A! Gwalleur din! Rak va ene a bleg dindan ar vuntrerien.

Ezekiel 6:13

Hag e ouiot ez on me an AOTROU pa vo o lazhidi gourvezet e-touez o idoloù, en-dro d'o aoterioù, war bep krec'hienn uhel, war bep lein menez, dindan pep gwezenn c'hlas, dindan pep dervenn dev, e pep lec'h ma kinnigent c'hwezh-vat d'o holl idoloù.

Amoz 8:3

En deiz-se kanaouennoù ar palez a vo klemmvanoù, eme an Aotrou AOTROU. E pep lec'h e vo kalz a gorfoù marv a vo taolet didrouz.

Sofonia 1:15

Un deiz a gounnar eo an deiz-se, un deiz a dristidigezh hag a anken, un deiz a zistruj hag a c'hlac'har, un deiz a deñvalijenn hag a zic'houloù, un deiz a goabr hag a vrumenn,

Sofonia 1:7

Chom peoc'h dirak an Aotrou AOTROU! Rak tost eo deiz an AOTROU, rak an AOTROU en deus aozet un aberzh, ha santelaet en deus e re bedet.