Romaned 1:13 - Bibl Koad 21: Ar Bibl e Brezhoneg evit ar Vretoned

¹³ Hogen, breudeur, ne fell ket din e tremenfec’h hep gouzout em eus alies lakaet em soñj da vont d’ho kavout, da zastum ur frouezh bennak en ho touez evel e-touez ar broadoù all, met miret eo bet kement-se ouzhin betek vremañ.

Testamant Nevez 1897 (Jenkins)

¹³ Hogen, breudeur, ne fell ket d’in e tremenfec’h heb gouzoud em euz alies lakeat em sonj mond d’ho kavoud, evit gallout dastum eur frouezen‐benag en ho touez, evel e‐touez an nationou all; mes beteg‐hen eo bet harzet ouzin kement‐se.

Romaned 1:13 Referencias Cruzadas

Izaia 27:6

Un deiz Jakob a wrizienno, Israel a vleunio hag a daolo bountoù, hag e vo leuniet gant o frouezh dremm an douar.

Sant Ian 12:24

E gwirionez, e gwirionez, me a lavar deoc’h, ma ne varv ket ar c’hreunenn winizh a gouezh d’an douar, e chom hec’h-unan. Met mar marv, e toug kalz a frouezh.

Sant Ian 15:16

N’eo ket c’hwi hoc’h eus va dibabet, met me eo am eus ho tibabet hag am eus ho lakaet, evit ma’z eot ha ma tougot frouezh, ha ma vo ho frouezh kendalc’hus, hag evit ma roio va Zad deoc’h kement a c’houlennot em anv digantañ.

Sant Ian 4:36

An hini a ved resev ur gopr hag a zastum frouezh evit ar vuhez peurbadus, evit m’en em laouenaio an hini a had ivez gant an hini a ved.

Actou an Ebestel 1:15

En deizioù-se, Pêr, a savas e-kreiz an diskibien, dastumet asambles e niver a war-dro kant ugent den, hag a lavaras:

Actou an Ebestel 14:27

Pa voent erruet, e tastumjont an Iliz hag e kontjont an holl draoù en doa Doue graet ganto ha penaos en doa digoret d’ar broadoù dor ar feiz.

Actou an Ebestel 15:12

An holl vodadenn a davas hag e selaouent Barnabaz ha Paol o kontañ pebezh mirakloù ha pebezh burzhudoù en doa Doue graet drezo e-touez ar baganed.

Actou an Ebestel 19:21

Goude ma voe c’hoarvezet an traoù-se, Paol a lakaas en e spered da dreuziñ Makedonia hag Akaia ha da vont da Jeruzalem, o lavarout: Goude ma vin bet eno, e vo ret ivez din gwelout Rom.

Actou an Ebestel 21:19

Goude bezañ o saludet, e kontas dezho dre ar munud kement en doa graet Doue e-touez ar baganed dre e vinistrerezh.

Actou an Ebestel 28:14

Kavout a rejomp eno breudeur a bedas ac’hanomp da chom ganto seizh devezh. Hag evel-se ez ejomp etrezek Rom.

Romaned 1:12

da lavarout eo, o vezañ en ho touez, ma vimp kalonekaet asambles dre ar feiz a zo kumun etrezomp holl deoc’h kenkoulz ha din-me.

Romaned 11:25

Rak ne fell ket din, breudeur, na oufec’h ket ar mister-mañ, evit na viot ket fur d’ho taoulagad hoc’h-unan, penaos ul lodenn eus Israel a zo kouezhet er galeted betek ma vo holl bobl ar baganed deuet e-barzh;

Romaned 7:1

Breudeur, ha n’ouzoc’h ket, rak komz a ran ouzh tud a anavez al lezenn, penaos al lezenn n’he deus galloud war an den nemet e-pad ma’z eo bev?

1 Korintiz 1:10

Ho pediñ a ran, breudeur, en anv hon Aotrou Jezuz-Krist, da zerc’hel holl an hevelep komzoù ha da ziwall na vefe ket a zizunvaniezh etrezoc’h, met da vezañ unanet en un hevelep soñj hag en un hevelep mennozh.

1 Korintiz 10:1

Breudeur, ne fell ket din e vefec’h hep gouzout eo bet hon tadoù holl dindan ar goabrenn, o deus tremenet holl a-dreuz ar mor,

1 Korintiz 12:1

E-keñver an donezonoù speredel, ne fell ket din, breudeur, e vefec’h diouiziek.

1 Korintiz 14:20

Breudeur, na vezit ket bugale er pezh a sell ouzh ho prederioù, met bezit bugale vihan e-keñver an droug hag, e-keñver ho prederioù, bezit tud c’hraet.

1 Korintiz 14:26

Petra eta a zo d’ober, breudeur? Pa en em vodit, pep hini ac’hanoc’h ha bez’ en deus ur c’hantik, ur gelennadurezh, ur yezh, un diskuliadur, ur jubennadur? Ra vo graet pep tra evit kenteliañ.

1 Korintiz 9:2

Ma n’on ket abostol evit ar re all, ez on da nebeutañ evidoc’h, rak c’hwi eo siell va abostoliezh en Aotrou.

2 Korintiz 1:8

Rak, breudeur, ne fell ket deomp n’oufec’h ket diwar-benn ar glac’har a zo deuet deomp en Azia, penaos omp bet gwall vec’hiet, dreist hon nerzh, en hevelep doare m’hon doa zoken kollet an esper da zerc’hel hor buhez.

2 Korintiz 2:14

Grasoù ra vo roet da Zoue, dre ma laka ac’hanomp atav da drec’hiñ e Krist hag e skuilh drezomp c’hwezh-vat e anaoudegezh e pep lec’h.

Galated 3:15

Breudeur, komz a ran e doare an dud, pa vez startaet un emglev zoken gant tud, ne zeu den all ebet d’e derriñ pe da lakaat un dra bennak ouzhpenn warnañ.

Galated 6:18

Breudeur, ra vo gras hon Aotrou Jezuz-Krist gant ho spered! Amen.

Filipiz 1:22

Met mar d-eo mat evit va labour bevañ er c’hig, n’ouzon ket ar pezh a dlean c’hoantaat.

Filipiz 4:17

N’eo ket e klaskfen an donezonoù, met klask a ran ar frouezh a gresk evit ho talvoudegezh.

Koloseiz 1:10

en hevelep doare ma en em renit en un doare dellezek eus an Aotrou, evit plijout dezhañ en holl draoù, o tougen frouezh e pep seurt oberoù mat hag o kreskiñ en anaoudegezh Doue,

Koloseiz 1:6

a zo deuet en ho touez evel er bed holl, e-lec’h ma ro frouezh, evel ivez en ho touez abaoe an deiz ma hoc’h eus klevet hag hoc’h eus anavezet gras Doue er wirionez.

1 Tesalonikiz 2:18

Fellet eo bet deomp ur wech ha zoken div mont d’ho kavout, da vihanañ me Paol, met Satan en deus miret ouzhimp d’henn ober.

1 Tesalonikiz 4:13

Ha ne fell ket din, breudeur, e viot hep gouzout ar pezh a sell ouzh ar re a zo kousket, evit na viot ket glac’haret evel an dud all ha n’o deus ket esperañs.

2 Tesalonikiz 2:7

Rak mister an direizhder a labour dija, o c’hortoz hepken ma vo aet kuit an hini a harz outañ.

2 Timote 4:17

Met an Aotrou a zo en em zalc’het tost din hag en deus va c’hreñvaet, ken ma em eus prezeget gant nerzh hag an holl baganed o deus klevet. Ha dieubet on bet eus genoù al leon.