Romaned 1:1 - Bibl Koad 21: Ar Bibl e Brezhoneg evit ar Vretoned

¹ Paol, servijer Jezuz-Krist, galvet da vezañ abostol, lakaet a-du evit Aviel Doue

Testamant Nevez 1897 (Jenkins)

¹ Paol, servicher da Jesus‐Christ, galvet da veza abostol, choazet evit annons Aviel Doue,

Romaned 1:1 Referencias Cruzadas

1 Danevelloù 23:13

Mibien Amram a voe: Aaron ha Moizez. Aaron a voe lakaet a-du evit santelaat ar pezh a zo santel-meurbet, eñ hag e vibien, da viken, evit kinnig an ezañs dirak an AOTROU , evit ober e servij, evit bennigañ da viken en e anv.

Izaia 49:1

Selaouit, inizi! Bezit evezhiek, pobloù a-bell! An AOTROU en deus va galvet adalek ar c'hof, meneget en deus va anv adalek askre va mamm.

Jeremiaz 1:5

A-raok ma em boa da stummet er c'hof, em boa da anavezet, a-raok ma oas deuet eus ar mammog, em boa da santelaet ha da lakaet da brofed evit ar broadoù.

Sant Marc 1:14

Goude ma voe bet lakaet Yann er prizon, Jezuz a zeuas e Galilea, o prezeg Aviel rouantelezh Doue

Sant Ian 12:26

Mar servij unan bennak ac’hanon, ra zeuio war va lerc’h, hag e-lec’h ma’z on, eno e vo ivez va servijer. Mar servij unan bennak ac’hanon, an Tad a enoro anezhañ.

Sant Ian 15:15

N’ho kalvan ken servijerien, rak ar servijer ne oar ket petra a ra e vestr, met ho kalvet em eus mignoned, abalamour ma em eus roet deoc’h da anavezout kement am eus klevet gant va Zad.

Sant Ian 15:20

Ho pet soñj eus ar ger am eus lavaret deoc’h: Ar servijer n’eo ket brasoc’h eget e vestr. Ma o deus va gwallgaset, e wallgasint ivez ac’hanoc’h, ha ma o deus miret va ger, e virint ivez hoc’h hini.

Actou an Ebestel 13:9

Met Saol, a oa ivez galvet Paol, leun eus ar Spered-Santel, a sellas start outañ

Actou an Ebestel 20:24

Met n’en em lakaan e poan eus netra ha va buhez n’eo ket prizius din, gant ma peurechuin gant levenez va redadenn hag ar ministrerezh am eus resevet digant an Aotrou Jezuz evit prezeg an Aviel eus gras Doue.

Actou an Ebestel 21:40

P’en doe e aotreet d’ober, Paol en em zalc’has war ar skalieroù hag a reas sin gant e zorn d’ar bobl. Ur sioulded vras o vezañ en em c’hraet, e lavaras e yezh hebraek:

Actou an Ebestel 22:21

Hag e lavaras din: Kae, rak da gas a rin pell bras etrezek ar broadoù.

Actou an Ebestel 22:7

O vezañ kouezhet d’an douar, e klevis ur vouezh a lavare din: Saol, Saol, perak e heskinez ac’hanon?

Actou an Ebestel 26:1

Agrippa a lavaras da Baol: Aotreet eo dit komz evidout da-unan. Neuze Paol, o vezañ astennet e zorn, a gomzas evel-henn evit e zifenn:

Actou an Ebestel 26:14

O vezañ kouezhet holl d’an douar, e klevis ur vouezh a gomze ouzhin hag a lavare e yezh hebraek: Saol, Saol, perak e heskinez ac’hanon? Kalet eo dit herzel a-enep ar broudoù.

Actou an Ebestel 27:23

Rak un ael a-berzh an Doue ez on dezhañ hag emaon o servijañ a zo en em ziskouezet din en noz-mañ

Actou an Ebestel 9:15

Met an Aotrou a lavaras dezhañ: Kae, rak hennezh a zo ul lestr am eus dibabet evit kas va anv dirak ar broadoù, dirak ar rouaned ha dirak mibien Israel,

Romaned 1:16

Rak ne’m eus ket mezh eus Aviel Krist, rak galloud Doue eo evit silvidigezh ar re holl a gred, ar Yuzev da gentañ, ha goude ar Gresian.

Romaned 1:5

hon eus resevet drezañ ar c’hras hag an abostolerezh evit degas d’ar sentidigezh ouzh ar feiz en e anv an holl baganed,

Romaned 1:9

Rak Doue, a servijan em spered en Aviel e Vab, a zo test din penaos e venegan ac’hanoc’h hep ehan,

Romaned 11:13

Me a lavar deoc’h-c’hwi, paganed: O vezañ abostol ar baganed, e roan gloar da’m ministrerezh,

Romaned 15:16

da vezañ servijer Jezuz-Krist e-keñver ar baganed ha da leuniañ ar garg santel eus Aviel Doue, evit ma vo kavet mat gantañ ar prof eus ar baganed, ur prof santelaet gant ar Spered-Santel.

Romaned 15:29

Gouzout a ran penaos pa’z in d’ho kavout, e teuin gant leunder bennozhioù Aviel Krist.

Romaned 16:18

Rak ar seurt tud-se ne servijont ket an Aotrou Jezuz-Krist, met o c’hof o-unan; dre gomzoù dous ha melus, e tromplont kalonoù a re zizrouk.

Romaned 16:25

D’an hini a c’hell ho nerzhañ hervez va Aviel hag hervez ar pezh a zo bet prezeget gant Jezuz-Krist, a glot gant diskuliadur ar mister kuzhet e-pad meur a gantved,

1 Korintiz 1:1

Paol, galvet da vezañ abostol eus Jezuz-Krist dre volontez Doue, hag ar breur Sosten,

1 Korintiz 9:1

Ha n’on ket abostol? Ha n’on ket frank? Ha ne’m eus ket gwelet Jezuz-Krist hon Aotrou? Ha n’oc’h ket va labour en Aotrou?

2 Korintiz 1:1

Paol, abostol Jezuz-Krist dre volontez Doue, hag ar breur Timote, da Iliz Doue a zo e Korint ha d’an holl sent a zo en Akaia a-bezh:

2 Korintiz 11:5

Met krediñ a ran n’on bet e netra izeloc’h eget ar wellañ ebestel.

2 Korintiz 11:7

Ha graet em eus ur pec’hed oc’h en em izelaat va-unan evit ma vijec’h uhelaet, en ur brezeg deoc’h evit netra Aviel Doue?

2 Korintiz 12:11

Foll on bet oc’h en em reiñ gloar, c’hwi eo hoc’h eus va rediet da vezañ. Rak ganeoc’h eo e tleen bezañ meulet, dre ma n’on ket bet izeloc’h e netra eget ar re wellañ eus an ebestel, petra bennak ma n’on netra.

2 Korintiz 2:12

Pa’z on deuet da Droaz evit Aviel Krist, petra bennak m’en doa an Aotrou digoret un nor din,

2 Korintiz 4:5

Ne brezegomp ket ac’hanomp hon-unan, met Krist Jezuz evel an Aotrou, hag ez omp ho servijerien abalamour da Jezuz.

Galated 1:1

Paol, abostol, nann a-berzh an dud na dre un den bennak, met dre Jezuz-Krist ha Doue an Tad en deus e adsavet a-douez ar re varv,

Efeziz 1:1

Paol, abostol Jezuz-Krist dre volontez Doue, d’ar sent a zo en Efez ha d’ar feizidi e Krist Jezuz:

Efeziz 1:13

Ennañ emaoc’h ivez, o vezañ klevet ger ar wirionez, an Aviel eus ho silvidigezh, hag o vezañ kredet ennañ, oc’h bet siellet gant ar Spered-Santel a oa bet prometet,

Efeziz 4:11

Eñ eo ivez en deus lakaet lod da ebestel, lod all da brofeded, lod all da avielourien, lod all da bastored ha doktored,

Adlezenn 10:8

En amzer-se an AOTROU a zispartias meuriad Levi evit dougen arc'h emglev an AOTROU, evit en em zerc'hel dirak an AOTROU, evit e servijañ hag evit bennigañ en e anv, betek hiziv.

Filipiz 1:1

Paol ha Timote, servijerien Jezuz-Krist, d’an holl sent e Jezuz-Krist a zo e Filipi, d’an eskibien ha d’an diagoned:

Filipiz 2:11

ha ma anzavo pep teod ez eo Jezuz-Krist an Aotrou e gloar Doue an Tad.

Koloseiz 1:1

Paol, abostol Jezuz-Krist dre volontez Doue, ha Timote hor breur,

Koloseiz 1:25

anezhi on bet lakaet da vezañ ministr hervez ar garg en deus Doue roet din en ho keñver, evit prezeg ger Doue penn-da-benn,

1 Tesalonikiz 2:2

Petra bennak ma hor boa gouzañvet poanioù diagent ha resevet dismegañsoù e Filipi, evel ma ouzoc’h, hon eus kemeret hardizhegezh en hon Doue evit prezeg deoc’h Aviel Doue e-kreiz stourmoù bras.

1 Tesalonikiz 2:8

evel-se, leun a evezh evidoc’h, hor bije karet reiñ deoc’h nann hepken Aviel Doue, met ivez hor buhez hon-unan, rak hor boa evidoc’h ur garantez vras.

1 Tesalonikiz 2:9

Soñj hoc’h eus, breudeur, eus hol labour hag eus hor poan. En ur labourat noz-deiz evit na vijemp ket ur bec’h deoc’h eo hon eus prezeget deoc’h Aviel Doue.

1 Timote 1:1

Paol, abostol Jezuz-Krist dre c’hourc’hemenn Doue hor Salver hag hon Aotrou Jezuz-Krist hon esperañs,

1 Timote 2:7

ez on bet lakaet evitañ, ar wirionez a lavaran e Krist ha ne lavaran ket ur gaou, da brezegour, da abostol ha da zoktor ar baganed er feiz hag er wirionez.

2 Timote 1:11

ez on bet lakaet evitañ da brezeger, da abostol ha da zoktor ar baganed.

Titus 1:1

Paol, servijer Doue hag abostol Jezuz-Krist evit feiz ar re zibabet gant Doue hag evit anaoudegezh ar wirionez a zo hervez doujañs-Doue,

Hebreed 5:4

Den ne c’hell kemer an enor-se anezhañ e-unan, nemet an hini a zo galvet gant Doue evel Aaron.

Hebreed 7:26

Hag e oa ret deomp kaout un hevelep beleg-meur, santel, digablus, dinamm, dispartiet diouzh ar bec’herien, savet dreist an neñvoù,

S. Jakes 1:1

Jakez, servijer Doue hag an Aotrou Jezuz-Krist, d’an daouzek meuriad a zo stlabezet: Salud!

1 Pêr 4:17

Rak an amzer a zeu ma tle ar varn kregiñ gant ti Doue. Ha mar krog ganeomp-ni, petra a vo diwezh ar re na sentont ket ouzh Aviel Doue?

2 Pêr 1:1

Simon-Pêr, servijer hag abostol Jezuz-Krist, d’ar re o deus resevet da lod ur feiz ken prizius hag hon hini, dre reizhder hon Doue ha Salver Jezuz-Krist:

S. Jud 1:1

Jud, servijer Jezuz-Krist ha breur Jakez, d’ar re a zo bet galvet e Doue an Tad, a zo bet santelaet hag a zo bet miret evit Jezuz-Krist:

Apocalyps 1:1

Diskuliadur Jezuz-Krist, roet dezhañ gant Doue evit diskouez d’e servijerien an traoù a dle c’hoarvezout prest, hag en deus kaset ha roet da anavezout dre e ael d’e servijer Yann,

Apocalyps 22:6

Lavarout a reas din: Ar gerioù-mañ a zo feal ha gwirion. An Aotrou Doue ar brofeded santel en deus kaset e ael evit diskouez d’e servijerien an traoù a dle c’hoarvezout prest.

Apocalyps 22:9

met eñ a lavaras din: Diwall d’ober kement-se. Me eo da genseurt er servij hag hini da vreudeur ar brofeded, hag hini a re a vir gerioù al levr-mañ. Azeul Doue.