Niveroù 4:16 - Bibl Koad 21: Ar Bibl e Brezhoneg evit ar Vretoned

¹⁶ Eleazar, mab Aaron an aberzhour, en devo da eveshaat ouzh eoul al lampoù, ouzh an ezañs a c'hwezh-vat, ouzh ar prof peurbad hag ouzh eoul an oleviadur. Eñ en devo da eveshaat ouzh an holl dabernakl hag ouzh an holl bezh a vo e-barzh, ar santual hag e draoù.

Niveroù 4:16 Referencias Cruzadas

Ermaeziadeg 25:6

eoul evit ar c'hantolor, louzoù-frondus evit eoul an oleviadur hag evit an ezañs a c'hwezh-vat,

Ermaeziadeg 30:22

An AOTROU a gomzas da Voizez o lavarout:

Ermaeziadeg 31:11

eoul an oleviadur hag an ezañs a c'hwezh-vat evit al lec’h santel. Ober a raint hervez kement am eus gourc’hemennet dit.

Ermaeziadeg 37:29

Ober a reas an eoul evit an oleviadur santel, hag an ezañs glan a c'hwezh-vat, graet hervez ijin ar fronder.

Leviegezh 24:1

An AOTROU a gomzas da Voizez o lavarout:

Leviegezh 24:2

Gourc’hemenn da vibien Israel ma tegasint dit eoul glan olivez friket evit ar c’hantolor, abalamour da zerc’hel al lampoù enaouet dalc’hmat.

Leviegezh 6:20

Setu ar prof a ginnigo Aaron hag e vibien d’an AOTROU d’an deiz ma vint olevet: un dekvedenn efa (1/10 efa   3 l) flour bleud evel donezon beurbadus, un hanter diouzh ar beure hag un hanter diouzh an abardaez.

Niveroù 3:32

Eleazar, mab an aberzhour Aaron, a voe penn pennoù al Levited; lakaet eo bet war ar re a voe roet dezho karg ar santual.

Niveroù 4:17

An AOTROU a gomzas da Voizez ha da Aaron o lavarout:

Sant Lucas 4:18

Spered an Aotrou a zo warnon, dre-se en deus va olevet da brezeg ar c’heloù mat d’ar beorien. Kaset en deus ac’hanon da yac’haat ar re o deus ar c’halon flastret, da embann an dieubidigezh d’ar re zalc’het ha distro ar gweled d’ar re dall, da gas diere ar re gwasket,

Actou an Ebestel 20:28

Lakait eta evezh ouzhoc’h hoc’h-unan hag ouzh an holl dropell en deus ar Spered-Santel ho lakaet eskibien warnañ, da beuriñ Iliz Doue en deus prenet gant e wad e-unan.

1 Korintiz 4:1

Ra vimp sellet gant pep hini evel servijerien Krist ha merourien misterioù Doue.

1 Timote 2:5

Rak n’eus nemet un Doue hepken, hag un hanterour hepken etre Doue hag an dud, an den Jezuz-Krist,

Hebreed 3:1

Rak-se, breudeur santel o deus lod er c’halvidigezh neñvel, eveshait ouzh an abostol hag ar beleg-meur eus ar feiz a anzavomp, Jezuz-Krist,

Hebreed 3:6

met Krist a zo bet lakaet evel Mab da vestr war e di, ha ni eo e di, gant ma virimp betek an diwezh ar fiziañs start hag an esperañs a dennomp gloar diouti.

1 Pêr 2:25

Rak bez’ e oac’h evel deñved dianket, met bremañ ez oc’h distroet da vesaer ha diwaller hoc’h eneoù.

1 Pêr 5:2

Mesait deñved Doue a zo en ho touez o veilhañ warno, nann dre heg met a volontez vat, nann evit ur gounid mezhus met a c’hrad vat,