Niveroù 4:10 - Bibl Koad 21: Ar Bibl e Brezhoneg evit ar Vretoned

¹⁰ hag e lakaint anezhañ gant e holl draoù en ur golo krec'hin a liv hiasint, ha neuze e lakaint anezho war ur c'hravazh.

Niveroù 4:10 Referencias Cruzadas

Ermaeziadeg 25:31

Ober a ri ur c'hantolor aour glan. Ar c'hantolor a vo graet gant ar morzhol; e droad, e skourroù, e galiroù, e avaloù hag e vleunioù a vo a-bezh gantañ.

Ermaeziadeg 25:5

krec'hin tourzed livet e ruz ha krec'hin a liv hiasint, koad kasia,

Niveroù 4:11

Astenn a raint ul liñsel limestra war an aoter aour hag e c'holoint anezhi gant ur golo krec'hin a liv hiasint, ha neuze e lakaint ar barrennoù.

Niveroù 4:12

Kemer a raint holl draoù ar servij a vez implijet er santual hag e lakaint anezho en ul liñsel limestra, e c'holoint anezho gant ur golo krec'hin a liv hiasint, ha neuze e lakaint anezho war ur c'hravazh.

Niveroù 4:6

warni e lakaint ur golo krec'hin a liv hiasint hag ec'h astennint dreist ul liñsel, en he fezh gant limestra, ha neuze e lakaint ar barrennoù.

Niveroù 4:9

Kemer a raint ul liñsel limestra hag e c'holoint ganti ar c'hantolor, e lampoù, e c'hevelioù, e bodoù-ludu hag e listri-eoul evit ober ar servij,