Niveroù 27:3 - Bibl Koad 21: Ar Bibl e Brezhoneg evit ar Vretoned

³ Hon tad a zo marvet er gouelec'h, ne oa ket e bodadeg ar re en em savas a-enep an AOTROU, e bodadeg Kora, met marvet eo en abeg d'e bec'hed, ha n'en doa mab ebet.

Niveroù 27:3 Referencias Cruzadas

Ezekiel 18:4

Setu, an holl eneoù a zo din, ene an tad evel ene ar mab, o-daou a zo din. Ene ar pec'her eo an hini a varvo.

Niveroù 14:35

Me, an AOTROU, am eus komzet! Evel-se e rin e-keñver ar vodadenn fall-mañ a zo en em unanet a-enep din; kuzumet e vint er gouelec'h-mañ hag e varvint ennañ.

Niveroù 16:19

Kora a zastumas a-enep dezho an holl vodadenn ouzh digor teltenn an engalv, ha gloar an AOTROU en em ziskouezas d'an holl vodadenn.

Niveroù 16:49

Pevarzek mil ha seizh kant den a varvas dre ar gouli, en tu-hont d'ar re varvet abalamour da Gora.

Niveroù 26:33

Zelofkad mab Hefer n'en doe ket a vibien met merc'hed. Anvioù merc'hed Zelofkad a oa: Mahla, Noa, Holga, Milka, Tirza.

Niveroù 27:2

Int en em zalc'has dirak Moizez, dirak Eleazar an aberzhour ha dirak priñsed an holl vodadenn, ouzh digor teltenn an engalv, hag e lavarjont:

Niveroù 27:4

Perak e vefe lamet anv hon tad a-douez e diegezh dre ma n'en deus bet mab ebet? Ro deomp un dalc'h e-touez breudeur hon tad.

Sant Ian 8:21

Neuze Jezuz a lavaras dezho c’hoazh: Mont a ran kuit hag e klaskot ac’hanon hag e varvot en ho pec’hed. Ne c’hellot ket dont e-lec’h ma’z an.

Sant Ian 8:24

Setu perak em eus lavaret deoc’h e varvot en ho pec’hedoù, rak ma ne gredit ket emaon, e varvot en ho pec’hedoù.

Romaned 5:12

Dre-se, evel ma’z eo dre un den hepken ez eo deuet ar pec’hed er bed ha dre ar pec’hed ar marv, evel-se ivez ar marv a zo deuet d’en em astenn war an holl dud, rak holl o deus pec’het.

Romaned 5:21

hag, evel m’en deus ar pec’hed renet er marv, e reno ar c’hras ivez dre ar reizhder evit reiñ ar vuhez peurbadus dre Jezuz-Krist hon Aotrou.

Romaned 6:23

Rak gopr ar pec’hed eo ar marv, met donezon Doue eo ar vuhez peurbadus e Jezuz-Krist hon Aotrou.