Niveroù 24:6 - Bibl Koad 21: Ar Bibl e Brezhoneg evit ar Vretoned

⁶ En em astenn a reont evel traoniennoù, evel liorzhoù war ribl ar stêr, evel aloez plantet gant an AOTROU, evel sedrez e-kichen an doureier.

Niveroù 24:6 Referencias Cruzadas

Geneliezh 13:10

Lot, o sevel e zaoulagad, a welas holl blaenenn ar Jordan a oa douret penn-da-benn. A-raok ma tistrujas an AOTROU Sodom ha Gomora, o vont etrezek Zoar e oa evel liorzh an AOTROU, evel bro Ejipt.

Salmoù 1:3

Bez' e vo evel ur wezenn plantet war vord doureier-red, a ro e frouezh en e vare ha na c'hoeñv ket he delioù; kement a ra a zeuio da vat.

Salmoù 104:16

Gwez an AOTROU o deus o gwalc'h, hag ivez sedrez al Liban en deus plantet.

Salmoù 45:8

Karout a rez ar reizhder hag e kasaez an drougiezh, setu perak, o Doue, da Zoue en deus da olevet gant un eoul a levenez dreist da genseurted!

Kanenn ar C’hanennoù 6:11

Diskennet on e liorzh ar c'hraoñ evit gwelout ar frouezh a zarev en draonienn, evit gwelout hag-eñ e vount ar winienn, hag-eñ e vleugn ar greunavalenned.

Izaia 41:19

Plantañ a rin er gouelec'h gwez-sedrez, kasia, meurta, gwez-olivez, lakaat a rin el lec'hioù difrouezh gwez-siprez, tilh ha beuz a-gevret,

Izaia 58:11

An AOTROU a reno ac'hanout dalc'hmat, e walc'h a roio da'z ene er sec'hded, reiñ a raio nerzh da'z eskern, hag e vi evel ul liorzh douraet, evel ur vammenn ha na vank ket he doureier.

Jeremiaz 17:18

Ra vo mezhek ar re a heskin ac'hanon, ha ra ne vin ket mezhek! Ra vint spouronet, ha ra ne vin ket spouronet! Degas deiz ar gwalleur warno, ha sko warno gant ur gouli daougementet.

Jeremiaz 31:12

Dont a raint, hag e kanint war uhelenn Sion, hag e teredint da vadoù an AOTROU, d'ar gwinizh, d'ar gwin, d'an eoul, da re vihan an deñved hag ar saout. O ene a vo evel ul liorzh douraet, ha ne vint ken er poanioù.

Ezekiel 47:12

E-kichen ar froud-se, war e ribloù, ouzh an daou du, e kresko gwez-frouezh a bep seurt, na weñvo ket o delioù ha na baouezo ket o frouezh. Bep miz e roint frouezh nevez, rak e teuio an doureier eus ar santual. O frouezh a vo ur boued hag o delioù a vo louzeier.

Joel 3:18

En deiz-se e tevero ar menezioù a win, al laezh a ruilho war ar c'hrec'hiennoù, an dour a redo en holl wazhioù Juda. Un eienenn a zeuio er-maez eus ti an AOTROU hag a zouraio traonienn Sitim.

Niveroù 24:5

Pegen kaer eo da deltennoù, o Jakob! Ha da chomlec'hioù, o Israel!