Niveroù 23:3 - Bibl Koad 21: Ar Bibl e Brezhoneg evit ar Vretoned

³ Balaam a lavaras da Valag: En em zalc'h tost d'al loskaberzh ha me a yelo kuit. Marteze e teuio an AOTROU da'm c'havout, hag e lavarin dit ar pezh en devo diskouezet din. Hag ez eas war ul lec'h uhel.

Niveroù 23:3 Referencias Cruzadas

Geneliezh 22:13

Abraham a savas e zaoulagad hag a sellas, ha setu e oa a-dreñv dezhañ ur maout dalc'het dre e gerniel e-touez an drein. Abraham a yeas da gemer ar maout hag a ginnigas anezhañ e loskaberzh e-lec'h e vab.

Geneliezh 22:2

Lavarout a reas: Kemer da vab, da vab nemetañ, an hini a garez, Izaak, ha kae gantañ da vro v-Moria, hag eno kinnig anezhañ e loskaberzh war unan eus ar menezioù a lavarin dit.

Geneliezh 8:20

Noe a savas un aoter d'an AOTROU. Kemer a reas eus pep loen glan hag eus pep labous glan hag e kinnigas loskaberzhoù war an aoter.

Ermaeziadeg 18:12

Jetro tad-kaer Moizez a gemeras ul loskaberzh hag aberzhoù evit o c'hinnig da Zoue. Aaron hag holl henaourien Israel a zeuas da zebriñ ar bara gant tad-kaer Moizez, dirak Doue.

Leviegezh 1:1

An AOTROU a c’halvas Moizez hag a gomzas dezhañ eus teltenn an engalv o lavarout:

Niveroù 23:12

Respont a reas o lavarout: Ha n'eo ket dleet din lavarout ar pezh en deus lakaet an AOTROU em genoù?

Niveroù 23:15

Balaam a lavaras da Valag: En em zalc'h amañ tost d'al loskaberzhoù ha me a yelo pelloc'h a-ziarbenn.

Niveroù 23:2

Balag a reas evel m'en doa lavaret Balaam. Balag ha Balaam a ginnigas ur c'hole hag un tourz war bep aoter.

Niveroù 23:26

Balaam a lavaras da Valag: Ha ne'm boa ket lavaret: Ober a rin kement a lavaro an AOTROU?

Niveroù 23:4

Doue en em gavas gant Balaam, a lavaras dezhañ: Aozet em eus seizh aoter ha kinniget em eus ur c'hole hag un tourz war bep aoter.

Niveroù 24:1

Balaam a welas penaos e kave mat an AOTROU bennigañ Israel, n'eas ket da glask strobinelloù evel ar gwechoù all, met war-zu ar gouelec'h e troas e zremm.

Mazhev 4:8

An diaoul en kasas c’hoazh war ur menez uhel meurbet, a ziskouezas dezhañ holl rouantelezhioù ar bed hag o gloar,

Jozue 24:10

Met ne fellas ket din selaou Balaam, ho pennigañ a reas ha me a zieubas ac'hanoc'h eus e zorn.