Niveroù 11:18 - Bibl Koad 21: Ar Bibl e Brezhoneg evit ar Vretoned

¹⁸ Lavarout a ri d'ar bobl: En em santelait a-benn warc'hoazh, hag e tebrot kig, dre ma hoc'h eus gouelet da zivskouarn an AOTROU o lavarout: Piv a roio deomp kig da zebriñ rak brav e oamp en Ejipt? An AOTROU a roio deoc'h kig hag e tebrot.

Niveroù 11:18 Referencias Cruzadas

Geneliezh 35:2

Jakob a lavaras d'e diegezh ha d'ar re holl a oa gantañ: Lamit an doueoù estren diouzh ho touez, en em c'hlanait ha cheñchit ho tilhad,

Levr Job 20:13

mar espern anezhañ hep e deurel kuit, mar dalc'h anezhañ en e staon,

Levr Job 20:23

Evit leuniañ e gof, Doue a gaso a-enep dezhañ tan e gounnar, a gouezho evel glav warnañ ha war e gig.

Salmoù 78:20

Setu, skoet en deus gant ar roc'h ha doureier o deus redet, gwazhioù a zo en em skuilhet. Daoust hag e c'hello reiñ bara ha kempenn kig d'e bobl?

Ermaeziadeg 16:8

Moizez a lavaras: Pa roio an AOTROU deoc'h fenoz kig da zebriñ ha da veure bara ho kwalc'h, eo en deus klevet an AOTROU ar grozmoloù hoc'h eus graet a-enep dezhañ. Rak petra omp-ni? Ho krozmoloù n'emaint ket a-enep deomp, met a-enep an AOTROU .

Ermaeziadeg 19:10

An AOTROU a lavaras da Voizez: Kae da gavout ar bobl, santela anezho hiziv ha warc'hoazh, ra walc'hint o dilhad.

Ermaeziadeg 19:15

Hag e lavaras d'ar bobl: Bezit prest a-benn tri deiz, na dostait ket ouzh gwreg ebet.

Ermaeziadeg 19:22

An aberzhourien a dosta ouzh an AOTROU , ra en em santelaint ivez gant aon na skofe an AOTROU anezho.

Niveroù 11:1

Ar bobl a c'hrozmolas da zivskouarn an AOTROU; an AOTROU o c'hlevas, e fulor en em danas, tan an AOTROU a c'hwezhas en o zouez hag a guzumas penn ar c'hamp.

Niveroù 11:19

Ne zebrot ket un devezh na daou zevezh na pemp devezh na dek devezh nag ugent devezh,

Actou an Ebestel 7:39

Hon tadoù ne fellas ket dezho sentiñ outañ, met e daoljont kuit hag e tistrojont o galon en Ejipt,

Jozue 7:13

Sav, santela ar bobl ha lavar: En em santelait a-benn warc'hoazh, rak evel-henn en deus lavaret an AOTROU , Doue Israel: Traoù lakaet da verz a zo en da greiz, Israel, ne c'helli ket derc'hel ouzh da enebourien, ken n'ho po lamet an traoù lakaet da verz eus ho touez.

Ar Varnerien 21:2

Ar bobl a zeuas da Vetel, hag e chomjont eno betek an noz dirak Doue. Sevel a rejont o mouezh o ouelañ dourek