Niveroù 1:4 - Bibl Koad 21: Ar Bibl e Brezhoneg evit ar Vretoned

⁴ Hag e vo ganeoc'h un den dre veuriad, pep hini o vezañ penn-bras eus ti e dadoù.

Niveroù 1:4 Referencias Cruzadas

1 Rouaned 8:1

Neuze Salomon a zastumas henaourien Israel, holl bennoù ar meuriadoù, ha pennoù-tadoù mibien Israel, e Jeruzalem dirak ar roue Salomon, evit dougen arc'h emglev an AOTROU eus kêr David, a zo Sion.

Ermaeziadeg 18:21

Dibab a-douez ar bobl holl tud barrek o toujañ Doue, tud leal o kasaat ar gounid dizonest, ha laka anezho warno evel renerien a vilieroù, renerien a gantoù, renerien a hanter-kantoù ha renerien a zegoù.

Ermaeziadeg 18:25

Moizez a zibabas a-douez holl Israel tud barrek hag o lakaas renerien war ar bobl, renerien a vilieroù, renerien a gantoù, renerien a hanter-kantoù ha renerien a zegoù.

Niveroù 1:16

Setu aze ar re a voe galvet d'ar vodadenn, priñsed meuriadoù o zadoù, pennoù milieroù Israel.

Niveroù 1:44

Setu aze an niveradeg, penaos Moizez hag Aaron a niveras ar bobl gant an daouzek den, priñsed Israel, pep den evit ti e dad.

Niveroù 17:3

hag e skrivi anv Aaron war wialenn Levi, rak ur wialenn a vo evit pep penn-bras eus ti e dadoù.

Niveroù 25:14

Anv an den eus Israel a zo bet lazhet a-unan gant ar Vadianadez a oa Zimri mab Salu, priñs eus un ti tadel a-douez ar Simeoniz.

Niveroù 25:4

An AOTROU a lavaras da Voizez: Kemer holl bennoù ar bobl ha kroug dirak an AOTROU, a-dal d'an heol, evit ma tistroio gwrez kounnar an AOTROU diouzh Israel.

Niveroù 30:1

Moizez a lavaras da vibien Israel kement en doa gourc'hemennet an AOTROU da Voizez.

Niveroù 4:34

Moizez, Aaron ha priñsed ar vodadenn a niveras mibien Kehad, hervez o ziegezhioù, hervez tiez o zadoù,

Niveroù 7:2

Priñsed Israel, pennoù tiez o zadoù, priñsed ar meuriadoù, ar re o doa pennrenet an niveradeg, a reas o frof.

Adlezenn 1:15

Kemeret em eus neuze pennoù ho meuriadoù, tud fur hag anavezet, ha lakaet em eus anezho evel pennoù warnoc'h: kabitened a vilieroù, kabitened a gantoù, kabitened a hanter-gantoù, kabitened a zegoù hag ofiserien e-touez ho meuriadoù.

Jozue 22:14

ha dek priñs gantañ, ur priñs dre bep ti tadel eus pep meuriad Israel. Pep hini anezho a oa ur penn eus e di tadel e-touez milieroù Israel.