Nahum 1:7 - Bibl Koad 21: Ar Bibl e Brezhoneg evit ar Vretoned

⁷ An AOTROU a zo mat, ur c'hreñvlec'h eo en deiz an estrenvan. Anavezout a ra ar re en em fiz ennañ.

Nahum 1:7 Referencias Cruzadas

1 Danevelloù 16:34

Kinnigit trugarekadennoù d'an AOTROU rak mat eo, rak e drugarez a bad da viken!

1 Danevelloù 5:20

Skoazellet e voent a-enep dezho, hag an Hagareniz hag an holl re a oa ganto a voe lakaet etre o daouarn, rak er brezel e krijont da Zoue; hag e selaouas anezho, dre m'o doa lakaet o fiziañs ennañ.

2 Danevelloù 13:18

Mibien Israel a voe mezhekaet en amzer-se, ha mibien Juda a zeuas da vezañ kreñv, dre m'o doa en em harpet war an AOTROU, Doue o zadoù.

2 Danevelloù 32:11

Ezekiaz, ha ne vount ket ac'hanoc'h da vont d'ar marv, dre an naonegezh hag ar sec'hed, pa lavar: An AOTROU hon Doue a zieubo ac'hanomp diouzh dorn roue Asiria?

2 Danevelloù 32:21

An AOTROU a gasas un ael a lazhas an holl vrezelourien galonek, ar pennoù hag an ofiserien a oa e kamp roue Asiria, en doare ma tistroas mezhek d'e vro. Hag ez eas da di e zoue, hag ar re a oa deuet eus e vouzelloù a lakaas anezhañ da gouezhañ eno dre ar c'hleze.

2 Danevelloù 32:8

Gantañ emañ brec'h ar c'hig, met ganeomp emañ an AOTROU hon Doue, evit hor sikour hag evit brezeliñ en hor brezel. Hag ar bobl en em fizias war gomzoù Ezekiaz roue Juda.

Ezdra 3:11

Hag e raent ur c'han-ha-diskan, o veuliñ hag o trugarekaat an AOTROU evel-henn: Rak mat eo, rak e drugarez a bad da viken evit Israel! Hag an holl bobl a laoske kriadennoù bras a levenez, o veuliñ an AOTROU dre ma veze diazezet ti an AOTROU.

Salmoù 1:6

rak an AOTROU a anavez hent ar re reizh, met hent ar re zrouk a yelo da goll.

Salmoù 100:5

rak an AOTROU a zo mat, e vadelezh a chom da viken, hag e fealded a oad da oad.

Salmoù 20:1

D'ar mestr-kaner; salm David.

Salmoù 25:8

An AOTROU a zo mat hag eeun, setu perak e kelenno an hent d'ar bec'herien.

Salmoù 27:5

Rak va c'huzhat a raio en e repu en deiz fall, va c'huzhat a raio e sekred e dabernakl. Sevel a raio ac'hanon war ur roc'h.

Salmoù 37:39

Dieubidigezh ar re reizh a zeu eus an AOTROU, eñ eo o nerzh da goulz an estrenvan.

Salmoù 37:40

An AOTROU a sikour anezho hag o dieub, o dieubiñ a ra eus ar re zrouk hag e savete anezho, rak o deus lakaet o fiziañs ennañ.

Salmoù 46:2

Doue eo hor repu hag hon nerzh, ur skoazell en estrenvan, aezet bras da gavout.

Salmoù 50:15

ha va asped en deiz da estrenvan: me a zieubo ac'hanout ha te a roio gloar din.

Salmoù 59:16

Ra ez aint aze hag amañ o klask debriñ, ha ra dremenint an noz hep bezañ leuniet.

Salmoù 71:3

Bez evidon ur roc'h a vodenn, e-lec’h ma c'hellin atav en em denn. Urzhiet ec'h eus ma vefen salvet, rak te eo va roc'h ha va c'hreñvlec'h.

Salmoù 86:7

Da c'hervel a ran en deiz va estrenvan, rak va selaou a rez.

Salmoù 9:10

An AOTROU a zo ur repu evit an hini gwasket, ur repu en amzer an estrenvan.

Salmoù 91:15

Va aspediñ a raio hag e selaouin anezhañ, hag e vin gantañ en anken, hag en tenin ac'hane, hag e roin gloar dezhañ.

Krennlavarioù 18:10

Anv an AOTROU a zo un tour kreñv, an den reizh a red ennañ hag emañ e surentez.

Izaia 25:4

rak bet out ur repu evit an hini gwan, ur repu evit ar paour en e estrenvan, ur goudor ouzh an arnev, ur skeud ouzh an tommder, rak c'hwezh ar re spontus a zo evel un arnev o skeiñ gant ur voger.

Izaia 32:2

Pep hini anezho a vo evel ur gwasked ouzh an avel hag ur vod ouzh ar glav, evel gwazhioù-dour en ul lec'h sec'h, evel skeud ur roc'h vras war un douar kras.

Izaia 50:10

Piv ac'hanoc'h a zouj an AOTROU? Piv a selaou ouzh mouezh e servijer? An hini a gerzh en deñvalijenn ha n'en deus ket a sklêrijenn, ra fizio en anv an AOTROU, ha ra en em harpo war e Zoue!

Jeremiaz 16:19

AOTROU, va nerzh, va c'hreñvder, va repu en deiz an estrenvan, ar broadoù a zeuio da'z kavout eus pennoù an douar, hag e lavarint: Hon tadoù o deus bet da hêrezh gevier ha mogidelloù, traoù hep gounid.

Jeremiaz 17:17

Na vez ket evidon ur spont, va repu ez out da zeiz ar glac'har.

Jeremiaz 24:5

Evel-henn e komz an AOTROU, Doue Israel: Evel ar fiez mat-se, evel-se e tisheñvelain, evit o mad, harluidi Juda am eus kaset eus al lec'h-mañ da vro ar Galdeiz.

Jeremiaz 33:11

mouezh a joa ha mouezh a levenez, mouezh ar paotr-nevez ha mouezh ar plac'h-nevez, mouezh ar re a lavaro: Meulit AOTROU an armeoù, rak an AOTROU a zo mat, rak e drugarez a bad da viken, ha mouezh ar re a zegas aberzhoù a veuleudi da di an AOTROU. Rak re zalc'het ar vro a zegasin en-dro, evel diagent, eme an AOTROU.

Klemmganoù 3:25

An AOTROU a zo mat evit ar re a zo en gortoz dezhañ, evit an ene a glask anezhañ.

Daniel 3:28

Nebukadnezar a gomzas o lavarout: Benniget ra vo Doue Shadrak, Meshak hag Abed-Nego, en deus kaset e ael ha dieubet e servijerien o doa fiziet ennañ, o doa torret urzh ar roue ha kinniget o c'horfoù, evit chom hep servijañ hag azeuliñ doue all ebet nemet o Doue!

Daniel 6:23

Neuze ar roue a voe leuniet a levenez, hag e c'hourc'hemennas ma vefe tennet Daniel eus ar foz. Daniel a voe eta tennet er-maez eus ar foz, ha ne voe kavet gouli ebet warnañ, rak kredet en doa en e Zoue.

Joel 3:16

An AOTROU a yudo eus Sion, hag e vo klevet e vouezh eus Jeruzalem. An neñvoù hag an douar a vo brañsellet, met an AOTROU a vo ur vodenn evit e bobl hag an nerzh evit mibien Israel.

Sofonia 3:12

Lezel a rin ez kreiz ur bobl izel ha dinerzh, a lakaio he fiziañs en anv an AOTROU.

Mazhev 27:43

En em fiziout a rae e Doue, ra zieubo Doue anezhañ bremañ mar kar anezhañ, rak lavaret en deus: Me eo Mab Doue.

Mazhev 7:23

Neuze e lavarin sklaer dezho: Biskoazh ne’m eus hoc’h anavezet, en em dennit diouzhin, c’hwi hag en em ro d’an direizhder.

Sant Ian 10:14

Me eo ar mesaer mat, me a anavez va hini hag anavezet on gant va hini.

Sant Ian 10:27

Va deñved a glev va mouezh, anavezout a ran anezho hag e teuont war va lerc’h.

Romaned 11:22

Laka evezh eta ouzh madelezh hag ouzh garvder Doue: e c’harvder e-keñver ar re a zo kouezhet, met e vadelezh en da geñver, mar kendalc’hez er vadelezh-se, anez e vi lamet kuit ivez.

Galated 4:9

met bremañ pa hoc’h eus anavezet Doue, pe kentoc’h pa’z oc’h bet anavezet gant Doue, penaos e tistroit c’hoazh d’ar c’hentañ kentelioù dinerzh ha paour-se a fell deoc’h en em lakaat dindano a-nevez?

2 Timote 2:19

Koulskoude diazez start Doue a chom, o kaout ar siell-mañ: An Aotrou a anavez ar re a zo dezhañ, ha: Piv bennak a c’halvo anv Krist ra zilezo an direizhder.