Nahum 1:6 - Bibl Koad 21: Ar Bibl e Brezhoneg evit ar Vretoned

⁶ Piv a bado dirak e fulor? Piv a zalc'ho en e sav dirak tan e gounnar? E fulor en em skuilh evel un tan, hag ar reier a zo bruzunet dirazañ.

Nahum 1:6 Referencias Cruzadas

1 Rouaned 19:11

Hag e lavaras: Deus er-maez, en em zalc'h war ar menez dirak an AOTROU. Ha setu an AOTROU a dremene. Un avel vras ha kreñv a faoute ar menez hag a dorre ar reier dirak an AOTROU, met an AOTROU ne oa ket en avel. Goude an avel e voe ur c'hren-douar, met an AOTROU ne oa ket er c'hren-douar.

Levr Job 26:11

Peulioù an neñvoù a zo brañsellet ha souezhet pa c'hourdrouz.

Levr Job 40:11

skuilh koummoù da gounnar, izela gant da sell an holl re lorc'hus,

Levr Job 9:5

Dilec'hiañ a ra ar menezioù, hag int n'ouzont ket, o eilpennañ a ra en e fulor.

Salmoù 130:3

AOTROU, ma taolez evezh ouzh an direizhder, Aotrou, piv a bado?

Salmoù 2:12

Enorit ar mab, gant aon na zeufe droug ennañ ha na marvfec'h en hoc'h hent, pa entano e gounnar a-greiz-holl. Eürus eo an holl re a laka o fiziañs ennañ!

Salmoù 76:7

Da'z kourdrouz, Doue Jakob, kirri ha kezeg a zo bet skoet a vorgousk.

Salmoù 76:8

Te a zo burzhudus, piv a c'hell padout dirazout adalek ma en em ziskouez da gounnar?

Salmoù 90:11

Piv a anavez nerzh da gounnar ha da vuanegezh, hervez an doujañs a zo dleet dit?

Izaia 10:16

Setu perak an Aotrou, AOTROU an armeoù, a gaso an distruj war e dud kreñv, ha dindan e veurded e vo enaouet ur flammad, evel flammad un tan.

Izaia 13:13

Lakaat a rin an neñvoù da grenañ, an douar a vo dilec'hiet gant kounnar AOTROU an armeoù, en deiz e gounnar entanet.

Izaia 27:4

N'eus ket a gounnar ennon. Pa vo roet din drez pe spern da stourm outo, kerzhout a rin warno, hag o deviñ a rin a-unvan,

Izaia 33:14

Ar bec'herien a zo spouronet e Sion, ar grenijenn he deus kroget ar re fall. Piv ac'hanomp a c'hello derc'hel gant un tan loskus? Piv ac'hanomp a c'hello derc'hel gant flammoù peurbadus?

Izaia 66:15

Rak setu ma teuio an AOTROU en un tan, e girri a vo evel ur barr-avel, evit treiñ e imor e fulor hag e c'hourdrouz e flammoù tan.

Jeremiaz 10:10

Met an AOTROU eo Doue ar wirionez, an Doue bev hag ar Roue peurbadus. An douar a gren dirak e gounnar, hag ar broadoù ne c'hellont ket gouzañv e zroug.

Jeremiaz 21:12

Ti David, evel-henn e komz an AOTROU: Roit gwir adalek ar beure, dieubit an hini gwasket eus daouarn ar mac'homer, gant aon na zeufe va c'hounnar da darzhañ evel un tan, ha na entanfe hep ma vefe den d'e vougañ, en abeg da zrougiezh hoc'h oberoù.

Klemmganoù 2:3

Bruzunet en deus holl nerzhioù Israel en e gounnar entanet. Tennet en deus en a-dreñv e zehou dirak e enebourien. Enaouet en deus e Jakob un tanflamm o lonkañ a bep tu.

Klemmganoù 2:4

Stegnet en deus e wareg evel un enebour. Dalc'het en deus e zehou evel hini un argader, lazhet en deus kement hini a oa plijus d'al lagad. E teltenn merc'h Sion en deus skuilhet e gounnar evel un tan.

Klemmganoù 4:11

An AOTROU en deus sevenet e fulor, stlabezet e gounnar entanet, hag enaouet e Sion un tan en deus lonket he diazezoù.

Ezekiel 21:31

Evel-henn e komz an Aotrou AOTROU: Ra vo lamet an diarenn ha tennet ar gurunenn, cheñchet e vo an traoù, ar pezh a zo izel a vo uhelaet, ar pezh a zo uhel a vo izelaet.

Ezekiel 30:16

An tan a lakain en Ejipt, Sin a vo tapet gant glac'haroù bras, No a vo roget gant freuzoù a bep seurt, ha Nof a vo argadet e kreiz an deiz.

Ezekiel 39:6

Kas a rin tan e Magog hag e-touez ar re a zo o chom e surentez en inizi, hag e ouezint ez on me an AOTROU.

Ezekiel 7:8

Bremañ emaon o vont da skuilhañ va fulor warnout ha da deurel va c'hounnar a-enep dit, hag e varnin ac'hanout hervez da hentoù, hag e lakain warnout da holl euzhusterioù.

Nahum 1:2

An AOTROU a zo un Doue gwarizius ha veñjer. En em veñjiñ a ra an AOTROU, hag ar fulor a zo e c'hourc'hemenn. En em veñjiñ a ra an AOTROU eus e enebourien, hag e vir e gounnar ouzh e eneberien.

Sofonia 2:2

a-raok ma c'hano an urzh, ha ma tremeno an deiz evel ur bellenn, a-raok ma teuio deiz kounnar an AOTROU warnoc'h, a-raok ma teuio deiz kounnar an AOTROU warnoc'h!

Malaki 3:2

Piv a c'hello gouzañv deiz e zonedigezh, piv a c'hello chom en e sav pa en em ziskouezo? Rak bez' e vo evel tan an teuzer, evel soavon ar gwenner.

Malaki 4:1

Rak setu e teu an deiz gwrezus evel ur forn; hag an holl re lorc'hus hag an holl re a ra an droug a vo evel plouz. An deiz-se a zo o tont hag o entano, eme AOTROU an armeoù, ha ne lezo ganto na gwrizienn na skourr.

Apocalyps 16:1

Klevout a ris ur vouezh kreñv a zeue eus an templ hag a lavaras d’ar seizh ael: It ha skuilhit war an douar an hanafoù eus kounnar Doue.

Apocalyps 16:8

Ar pevare ael a skuilhas e hanaf war an heol. Roet e voe dezhañ ar galloud da zeviñ an dud dre an tan.

Apocalyps 6:17

rak deuet eo deiz bras e gounnar; ha piv a c’hello chom en e sav?