Nahum 1:14 - Bibl Koad 21: Ar Bibl e Brezhoneg evit ar Vretoned

¹⁴ Setu ar pezh a c'hourc'hemenn an AOTROU diwar da benn: Ne vo lignez ebet o tougen da anv. Lemel a rin eus ti da zoueoù ar skeudennoù kizellet hag ar re deuzet. Kempenn a rin da vez, rak deuet out da vezañ disprizet.

Nahum 1:14 Referencias Cruzadas

2 Rouned 19:37

Evel ma oa oc'h azeuliñ e ti Nisrok e zoue, Adrammelek ha Sharezer e vibien a skoas warnañ gant o c'hleze, hag e tec'hjont kuit da vro Ararad. Hag Esar-Haddon e vab a renas en e lec'h.

2 Danevelloù 32:21

An AOTROU a gasas un ael a lazhas an holl vrezelourien galonek, ar pennoù hag an ofiserien a oa e kamp roue Asiria, en doare ma tistroas mezhek d'e vro. Hag ez eas da di e zoue, hag ar re a oa deuet eus e vouzelloù a lakaas anezhañ da gouezhañ eno dre ar c'hleze.

Levr Job 18:17

E eñvor a dec'ho kuit a-ziwar an douar, e anv ne vo ken meneget war ar plasennoù.

Salmoù 109:13

Ra vo e lignez lamet kuit, ra steuzio e anv gant ar rummad da zont!

Salmoù 71:3

Bez evidon ur roc'h a vodenn, e-lec’h ma c'hellin atav en em denn. Urzhiet ec'h eus ma vefen salvet, rak te eo va roc'h ha va c'hreñvlec'h.

Ermaeziadeg 12:12

En noz-se e tremenin dre vro Ejipt hag e skoin war bep kentañ-ganet e bro Ejipt, adalek an dud betek al loened, hag e rin barnadegoù war holl zoueoù an Ejipt. Me eo an AOTROU .

Krennlavarioù 10:7

Eñvor ar re reizh a vo benniget, met anv ar re zrouk a vreino.

Izaia 19:1

Diougan diwar-benn an Ejipt. Setu, emañ an AOTROU douget war ur goabrenn skañv, dont a ra en Ejipt, idoloù an Ejipt a gren dirazañ, ha kalon an Ejipsianed a deuz en he c'hreiz.

Izaia 33:13

C'hwi hag a zo pell, selaouit ar pezh am eus graet, ha c'hwi hag a zo tost, anavezit va nerzh.

Jeremiaz 50:2

Disklêriit e-touez ar broadoù hag embannit kement-se, savit ar banniel, embannit kement-se, na guzhit netra, lavarit: Babilon a zo tapet, Bel a zo mezhekaet, Merodak a zo torret. Hec'h idoloù a zo mezhekaet, he zoueoù a zo torret.

Daniel 11:21

En e lec'h e savo un den disprizet, ha na vo ket roet enor ar roue dezhañ. Dont a raio peoc'hiek hag e kemero ar rouantelezh dre douelloù.

Daniel 5:27

TEKEL: pouezet out bet er valañs ha kavet skañv.

Leviegezh 26:30

me a zistrujo hoc’h uhellec’hioù hag e tiskarin ho peulioù, hag e lakain ho korfoù marv war gorfoù marv hoc’h idoloù, ha va ene en devo euzh ouzhoc’h.

Mika 5:13

e lamin da skeudennoù kizellet ha da beulioù eus da greiz, ha ne stoui ken dirak labour da zaouarn,

Mika 5:14

e tiframmin da Asheraoù, hag e tistrujin da gêrioù,

Habakuk 2:10

Divizet ec'h eus dismegañs evit da di, en ur zistrujañ pobloù niverus, ha pec'het ec'h eus a-enep da ene.

1 Samuel 3:13

Rak e aliet em eus ez aen da gastizañ e di da viken, en abeg d'an direizhder a anavez, rak e vibien a zo en em lakaet euzhus, hep m'en deus o gourdrouzet.