Mika 1:5 - Bibl Koad 21: Ar Bibl e Brezhoneg evit ar Vretoned

⁵ Kement-se holl en abeg da bec'hed Jakob, en abeg da bec'hedoù ti Israel. Pehini eo pec'hed Jakob? Ha n'eo ket Samaria? Pere eo uhellec'hioù Juda? Ha n'int ket Jeruzalem?

Mika 1:5 Referencias Cruzadas

1 Rouaned 11:7

Salomon a savas un uhellec'h evit Kemosh euzhusted ar Voabiz war ar menez a zo a-dal da Jeruzalem, hag evit Molok euzhusted mibien Ammon.

1 Rouaned 13:32

rak sevenet e vo a-dra-sur ar gomz en deus kriet, a-berzh an AOTROU, a-enep an aoter a zo e Betel hag a-enep an holl diez uhellec'hioù a zo e kêrioù Samaria.

1 Rouaned 16:24

hag e prenas menez Samaria digant Shemer evit daou dalant arc'hant. Sevel a reas war ar menez-se, hag ec'h anvas ar gêr en doa savet Samaria, diwar anv Shemer, aotrou ar menez.

2 Danevelloù 34:3

D'an eizhvet bloaz eus e ren, evel ma oa c'hoazh yaouank, en em lakaas da glask Doue David e dad. Ha d'an daouzekvet bloaz e krogas da c'hlanaat Juda ha Jeruzalem eus an uhellec'hioù, eus an Asheraoù, eus ar skeudennoù kizellet hag eus ar skeudennoù teuzet.

2 Danevelloù 34:4

Distrujet e voe dirazañ aoterioù ar Baaloù, hag eñ a ziskaras ar peulioù-heol a oa warno. Bruzuniñ a reas an Asheraoù, ar skeudennoù kizellet hag ar skeudennoù teuzet, hag o fuzuilhas, hag e stlabezas ar poultr war-c'horre bezioù ar re o doa aberzhet dezho.

Izaia 7:9

Kêrbenn Efraim eo Samaria, penn Samaria eo mab Remalia. Ha ma ne gredit ket, ne badot ket.

Jeremiaz 2:17

Kement-se, ha ne c'hoarvez ket ganit dre ma ec'h eus dilezet an AOTROU da Zoue, e-pad ma rene ac'hanout dre an hent?

Jeremiaz 2:19

Da zrougiezh az kastizo, da zianzavadur az kourdrouzo, hag e ouezi hag e weli ez eo un dra fall ha c'hwerv, ma az pefe dilezet an AOTROU da Zoue, ha ma ne vefe ket va doujañs ennout, eme an Aotrou AOTROU an armeoù.

Jeremiaz 23:13

E profeded Samaria em eus gwelet kalz a follentez, profediñ a reont dre Vaal, ha dianket o deus va fobl Israel.

Jeremiaz 23:14

Met e profeded Jeruzalem em eus gwelet traoù euzhus, avoultriñ a reont hag e kerzhont er gaou. Kennerzhañ a reont daouarn ar re fall, evit na zistroio hini ebet eus e zrougiezh. Evidon ez int holl evel Sodom, ha tud kêr evel Gomora.

Jeremiaz 4:18

Da hent ha da oberoù o deus degaset an traoù-se dit, frouezh da zrougiezh eo. Kement-se a zo c'hwerv, ya, tizhout a ra betek da galon.

Jeremiaz 5:25

Ho tireizhder en deus pellaet ar roidigezhioù-se, ho pec'hedoù o deus forc'het ac'hanoc'h eus ar madoù-se.

Jeremiaz 6:19

Selaou, douar! Setu ez an da zegas war ar bobl-mañ un droug a vo frouezh o soñj, rak n'o deus ket selaouet ouzh va c'homzoù, ha taolet o deus kuit va lezenn.

Klemmganoù 5:16

Kurunenn hor penn a zo kouezhet. Gwalleur deomp, rak pec'het hon eus.

Ezekiel 16:46

Da c'hoar henañ eo Samaria; hi hag he merc'hed a zo o chom a-gleiz dit. Da c'hoar yaouankañ hag a zo o chom a-zehou dit, eo Sodom hag he merc'hed.

Ozea 7:1

Pa felle din yac'haat Israel, direizhder Efraim ha drougiezh Samaria a zo en em zispaket. Rak graet o deus faosoni, al laer a zo deuet e-barzh hag ar vandenn he deus skrapet er-maez.

Amoz 6:1

Gwalleur d'ar re a zo sioul e Sion ha d'ar re a zo e surentez war venez Samaria, lec'hioù kentañ e-touez ar broadoù. Ti Israel a zo deuet betek enno.

Amoz 7:9

Lec'hioù uhel Izaak a vo gwasted, santualioù Israel a vo distrujet, hag e savin a-enep ti Jeroboam gant ar c'hleze.

Amoz 8:14

Ar re a dou dre bec'hed Samaria hag a lavar: Ra vevo da zoue Dan! Ra vevo hent Beer-Sheba! a gouezho ha n'adsavint ken.

Mika 1:13

Stag ar marc'h ouzh ar c'harr, plac'h Lakish! Te eo bet penn-kentañ ar pec'hed evit merc'h Sion, rak ennout o deus kavet torfedoù Israel.