Mika 1:13 - Bibl Koad 21: Ar Bibl e Brezhoneg evit ar Vretoned

¹³ Stag ar marc'h ouzh ar c'harr, plac'h Lakish! Te eo bet penn-kentañ ar pec'hed evit merc'h Sion, rak ennout o deus kavet torfedoù Israel.

Mika 1:13 Referencias Cruzadas

Geneliezh 19:17

Raktal, evel ma o doe lakaet anezho er-maez, unan a lavaras: Savete da vuhez, na sell ket war da lerc'h ha na zale e lec'h ebet eus ar blaenenn. En em savete war ar menez, gant aon na vefes kollet.

1 Rouaned 14:16

Hag e teroio Israel en abeg da bec'hedoù Jeroboam, en deus pec'het ha lakaet Israel da bec'hiñ.

1 Rouaned 16:31

Evel ma vije bet nebeut a dra dezhañ kerzhout e pec'hedoù Jeroboam mab Nebad, e kemeras da wreg Jezabel merc'h Etbaal, roue ar Sidoniz, hag ez eas da servijañ Baal ha da stouiñ dirazañ.

1 Rouaned 4:28

Degas a raent ivez heiz ha plouz evit ar c'hezeg-tenn hag ar c'hezeg-red, e-lec'h ma vezent, pep hini hervez e garg.

2 Rouned 14:19

Un irienn a rejont a-enep dezhañ e Jeruzalem, hag e tec'has da Lakish. Met e kasjont war e lerc'h da Lakish, hag en lazhjont eno.

2 Rouned 18:17

Roue Asiria a gasas Tartan, Rabsariz ha Rabshake, eus Lakish da Jeruzalem, gant un arme vras, a-enep ar roue Ezekiaz. Pignat a rejont hag e teujont da Jeruzalem. P'o deus pignet, e teujont hag en em zalc'hjont e-kichen ar gorzenn dour eus ar stank uhelañ, war hent park ar c'hommer.

2 Rouned 8:18

Kerzhout a reas war hent rouaned Israel, evel m'en doa graet ti Akab, rak merc'h Akab en doa da wreg. Ober a reas ar pezh a zo fall dirak daoulagad an AOTROU.

2 Danevelloù 11:9

Adoraim, Lakish, Azeka,

2 Danevelloù 32:9

Goude-se, Sankerib roue Asiria, e-pad ma oa dirak Lakish hag e holl nerzhioù gantañ, a gasas e servijerien da Jeruzalem etrezek Ezekiaz roue Juda hag etrezek holl re Juda a oa e Jeruzalem, da lavarout:

Levr Job 39:10

Ha stagañ a rez ar bual gant ur gordenn evit arat? Hag e freuz moudennoù an traoniennoù evidout?

Ermaeziadeg 32:21

Moizez a lavaras da Aaron: Petra he deus graet ar bobl-mañ dit, ma ec'h eus tennet warni ur pec'hed ken bras?

Izaia 10:31

Strewet eo Madmena, tud Gebim a glask ur gwasked.

Izaia 36:2

Goude-se roue Asiria a gasas Rabshake eus Lakish da Jeruzalem gant un arme bras, a-enep roue Ezekiaz. Hag en em zalc'has e-kichen ar gorzenn dour eus ar stank uhelañ, war hent park ar c'hommer.

Izaia 37:8

Rabshake a zistroas hag a gavas roue Asiria oc'h argadiñ Libna, rak klevet en doa e oa aet kuit eus Lakish.

Jeremiaz 3:8

Hag em eus gwelet penaos, petra bennak ma em eus kaset kuit Israel an adfeilherez en abeg d'hec'h avoultriezh, ha ma em eus roet dezhi he skrid a dorr-dimeziñ, Juda ar c'hanazez n'he deus ket bet aon, hag eo en em roet d'ar gasterezh hi ivez.

Jeremiaz 34:7

Arme roue Babilon a vrezele a-enep Jeruzalem hag a-enep holl gêrioù Juda a vane, a-enep Lakish hag a-enep Azeka; ar re-se a oa kêrioù-kreñv hag a vane a-douez kêrioù Juda.

Jeremiaz 4:29

An holl gêrioù a dec'h gant trouz ar varc'hegerien hag ar waregerien. Mont a reont er c'hoadegi, pignat a reont war ar reier, an holl gêrioù a zo dilezet, ne chom den ebet enno.

Ezekiel 23:11

He c'hoar Oholiba a welas kement-se, ha gwashoc'h e voe egeti, en ur ober muioc'h a c'hastaouerezh eget he c'hoar en he riboderezh.

Mika 1:5

Kement-se holl en abeg da bec'hed Jakob, en abeg da bec'hedoù ti Israel. Pehini eo pec'hed Jakob? Ha n'eo ket Samaria? Pere eo uhellec'hioù Juda? Ha n'int ket Jeruzalem?

Jozue 10:3

Adoni-Zedek roue Jeruzalem a gasas da gavout Hoham roue Hebron, Piram roue Jarmud, Jafia roue Lakish ha Debir roue Eglon, da lavarout:

Jozue 15:39

Lakish, Bozkad, Eglon,

Apocalyps 2:14

Met traoù bennak am eus a-enep dit: bez’ ec’h eus aze tud hag a zalc’h kelennadurezh Balaam, a zeske da Valag lakaat ur maen-kouezh dirak mibien Israel evit ma tebrjent traoù aberzhet d’an idoloù ha ma kouezhjent er c’hadaliezh.

Apocalyps 2:20

Met traoù bennak am eus a-enep dit: lezel ar wreg Jezabel, en em lavar profedez, da gelenn ha da douellañ va servijerien evit o lakaat da gouezhañ er c’hadaliezh ha da zebriñ traoù aberzhet d’an idoloù.