Mazhev 1:11 - Bibl Koad 21: Ar Bibl e Brezhoneg evit ar Vretoned

¹¹ Jozia a voe tad da Jekonia ha d’e vreudeur, da vare an ermaeziadeg e Babilon.

Testamant Nevez 1897 (Jenkins)

¹¹ Joakim a oe tad da Jekonias ha d’he vreudeur, var‐dro an amzer ma oent kasset e captivite da Vabilon.

Aviel revé St. Maheu troeit é Brehonec Guénet 1858

¹¹ Josias tad Jechonias hag é vredér, péré en doé bet en amzér m’é cassent er bobl Juif de Vabylon:

Mazhev 1:11 Referencias Cruzadas

2 Rouned 23:31

Tri bloaz warn-ugent e oa Joakaz pa zeuas da roue, hag e renas tri miz e Jeruzalem. E vamm a oa anvet Hamuta merc'h Jeremiaz, eus Libna.

2 Rouned 24:14

Hag e harluas holl Jeruzalem, an holl bennoù hag an holl vrezelourien galonek, dek mil dalc'had, gant ar gilvizien hag an alc'houezerien. Ne vanas den a nemorant, nemet tud paour ar vro.

2 Rouned 25:11

Nebuzaradan penn ar warded a harluas an nemorant eus an dud a oa chomet e kêr, ar re a oa en em rentet da roue Babilon, hag an nemorant eus an engroez.

2 Danevelloù 36:10

Da zistro bloaz ar roue Nebukadnezar a gasas tud da gerc'hat ha da zegas anezhañ da Vabilon gant listri prizius ti an AOTROU. Hag e lakaas Sedesia e vreur da roue war Juda ha war Jeruzalem.

2 Danevelloù 36:20

Nebukadnezar a zegasas da Vabilon an nemorant lezet gant ar c'hleze; hag e voent sklavourien dezhañ ha d'e vibien, betek aotrouniezh rouantelezh Persia,

Izaia 13:1

Diougan diwar-benn Babilon, en deus gwelet Izaia mab Amoz.

Jeremiaz 27:20

n'en deus ket Nebukadnezar roue Babilon lamet p'en deus harluet eus Jeruzalem da Vabilon Jekonia mab Jojakim roue Juda, gant holl uhelidi Juda ha Jeruzalem,

Jeremiaz 39:9

Nebuzaradan penn ar warded a harluas da Vabilon an nemorant eus ar bobl a oa chomet e kêr, ar re a oa en em rentet dezhañ, hag an nemorant eus ar bobl a vane.

Daniel 1:2

An AOTROU a lakaas etre e zaouarn Jojakim roue Juda ha darn eus listri ti Doue, a gasas da vro Shinear, da di e zoue. Lakaat a reas al listri-mañ e ti teñzor e zoue.

Mazhev 1:12

Ha goude ma voent bet kaset da Vabilon, Jekonia a voe tad da Salatiel. Salatiel a voe tad da Zorobabel.

Mazhev 1:17

Bez’ ez eus eta en holl, eus Abraham betek David, pevarzek rummad, eus David betek an ermaeziadeg e Babilon, pevarzek rummad, hag eus an ermaeziadeg e Babilon betek ar C’hrist, pevarzek rummad.