Leviegezh 25:41 - Bibl Koad 21: Ar Bibl e Brezhoneg evit ar Vretoned

⁴¹ Neuze ez aio kuit eus da di, eñ hag e vibien gantañ, hag e tistroio d’e diegezh, e perc’henniezh e dadoù.

Leviegezh 25:41 Referencias Cruzadas

Ermaeziadeg 21:3

Mard eo deuet e-unan-penn, ez aio kuit e-unan-penn. Mar en doa ur wreg, e wreg a yelo kuit gantañ.

Leviegezh 25:10

Santelaat a reot an hanter-kantvet bloaz hag ec’h embannot frankiz er vro evit hec’h holl dud. Bez’ e vo evidoc’h ar jubile, hag e tistroio pep hini ac’hanoc’h en e berc’henniezh hag e tistroio pep hini ac’hanoc’h en e diegezh.

Leviegezh 25:28

Ma ne gav ket ar pezh a zo ret evit e reiñ dezhañ, an dra werzhet a chomo etre daouarn an hini en deus e brenet betek bloaz ar jubile. D’ar jubile, ez aio hemañ er-maez hag e tistroio en e berc’henniezh.

Leviegezh 25:40

Bez’ e vo ganit evel un devezhour, evel un ostiziad, hag e servijo ac’hanout betek bloaz ar jubile.

Leviegezh 25:42

Va servijerien ez int, am eus tennet eus bro Ejipt, ha ne vint ket gwerzhet evel ma werzher ur sklavour.

Sant Ian 8:32

Anavezout a reot ar wirionez hag ar wirionez ho tieubo.

Romaned 6:14

Rak ar pec’hed n’en devo ken galloud warnoc’h, dre ma n’emaoc’h ket dindan al lezenn met dindan ar c’hras.

Titus 2:14

a zo en em roet e-unan evit hon dasprenañ a bep direizhder hag evit hor glanaat, evel ur bobl a zo dezhañ e-unan, gredus evit an oberoù mat.