Leviegezh 19:37 - Bibl Koad 21: Ar Bibl e Brezhoneg evit ar Vretoned

³⁷ Mirout a reot va holl reolennoù ha va holl varnedigezhioù, hag e reot hervezo. Me eo an AOTROU.

Leviegezh 19:37 Referencias Cruzadas

2 Rouned 17:37

Ar reolennoù, ar barnedigezhioù, al lezenn hag ar gourc'hemennoù en deus skrivet evidoc'h, a virot, hag e reot diouto da viken, ha ne zoujot ket doueoù all.

Salmoù 119:34

Ro din skiant, hag e virin da lezenn, hag e heuilhin anezhi a-greiz va c'halon.

Salmoù 119:4

Urzhiet ec'h eus da gemennadurioù, evit ma vint miret gant evezh.

Leviegezh 19:19

Mirout a reot va reolennoù. Ne goubli ket loened eus daou spesad disheñvel. Ne hadi ket da bark gant daou spesad disheñvel. Ne lakai ket warnout un dilhad gwiadet gant daou spesad neud disheñvel.

Leviegezh 19:36

Balañsoù leal, mein da bouezañ leal, un efa leal hag un hin leal ho po. Me eo an AOTROU ho Toue, en deus tennet ac’hanoc’h eus bro Ejipt.

Leviegezh 20:1

An AOTROU a gomzas da Voizez o lavarout:

Leviegezh 22:31

Mirout a reot va gourc’hemennoù hag e reot hervezo. Me eo an AOTROU.

Adlezenn 5:1

Moizez a zastumas holl Israel hag a lavaras: Selaou, Israel, ar reolennoù hag ar barnedigezhioù a zisklêrian hiziv d'ho tivskouarn. O deskit, o mirit ha grit diouto.

Adlezenn 8:1

Mirout a reot an holl c'hourc'hemennoù a gemennan dit hiziv hag e reot diouto, evit ma vevot ha ma kreskot, ha ma'z eot da berc'hennañ ar vro en doa touet an AOTROU d'ho tadoù.