Leviegezh 1:3 - Bibl Koad 21: Ar Bibl e Brezhoneg evit ar Vretoned

³ Mar d-eo e brof ul loskaberzh a loened bras, e kinnigo ur par disi. E ginnig a raio a volontez vat, ouzh digor teltenn an engalv, dirak an AOTROU.

Leviegezh 1:3 Referencias Cruzadas

Geneliezh 22:13

Abraham a savas e zaoulagad hag a sellas, ha setu e oa a-dreñv dezhañ ur maout dalc'het dre e gerniel e-touez an drein. Abraham a yeas da gemer ar maout hag a ginnigas anezhañ e loskaberzh e-lec'h e vab.

Geneliezh 22:2

Lavarout a reas: Kemer da vab, da vab nemetañ, an hini a garez, Izaak, ha kae gantañ da vro v-Moria, hag eno kinnig anezhañ e loskaberzh war unan eus ar menezioù a lavarin dit.

Geneliezh 22:8

Abraham a respontas: Va mab, Doue a bourvezo e-unan an oan evit al loskaberzh. Hag e kerzhjont o-daou asambles.

Geneliezh 8:20

Noe a savas un aoter d'an AOTROU. Kemer a reas eus pep loen glan hag eus pep labous glan hag e kinnigas loskaberzhoù war an aoter.

2 Danevelloù 29:32

Niver al loskaberzhoù kinniget gant ar vodadenn a voe dek ejen ha tri-ugent, kant tourz, daou c'hant oan, an holl re-se evel loskaberzhoù d'an AOTROU.

2 Danevelloù 35:12

Lakaat a rejont a-du al loskaberzhoù, evit o reiñ da dud ar bobl hervez kevrennoù o ziegezhioù tadel, evit kinnig anezho d'an AOTROU, evel m'eo skrivet e levr Moizez; hag evel-se e rejont ivez evit an ejened.

Salmoù 110:3

Da bobl a vo ur bobl a volontez vat, en deiz ma'z aio da arme er-maez, gant gwiskamantoù santel. Da soudarded yaouank a vo dirazout evel ur c'hlizhenn o tont e-kreiz gouloù-deiz.

Salmoù 40:8

Neuze em eus lavaret: Setu e teuan, skrivet eo diwar va fenn e roll da levr.

Ermaeziadeg 12:5

Bez' ho po un oan disi, ur par, ganet er bloaz. E gemer a reot a-douez an deñved pe a-douez ar givri.

Ermaeziadeg 24:5

Kas a reas tud yaouank eus mibien Israel da ginnig loskaberzhoù ha da ginnig aberzhoù a drugarekadennoù d'an AOTROU , gant koleoù.

Ermaeziadeg 29:18

Lakaat a ri da vogediñ an tourz a-bezh war an aoter. Ul loskaberzh eo d'an AOTROU , ur c'hwezh dudius, ur prof graet dre an tan d'an AOTROU .

Ermaeziadeg 29:4

Hag e lakai Aaron hag e vibien da dostaat ouzh digor teltenn an engalv, hag e walc'hi anezho gant dour.

Ermaeziadeg 29:42

Ul loskaberzh peurbadus eo, a vo kinniget dalc'hmat a rummadoù da rummadoù ouzh digor teltenn an engalv dirak an AOTROU , el lec'h en em gavin ganeoc'h evit komz ouzhit.

Ermaeziadeg 32:6

Sevel a rejont eta abred an deiz war-lerc'h hag e kinnigjont loskaberzhoù hag aberzhoù a drugarekadennoù. Ar bobl a azezas da zebriñ ha da evañ, ha goude e savjont da laouenaat.

Ermaeziadeg 35:21

Ar re holl a gase o c'halon anezho a zeuas, ar re holl a lakae o spered anezho d'henn ober a zegasas ur prof d'an AOTROU evit oberenn teltenn an engalv, evit hec'h holl servijoù hag evit ar gwiskamantoù santel.

Ermaeziadeg 35:29

Mibien Israel a zegasas d'an AOTROU profoù a volontez vat, ar wazed hag ar gwragez a lakae o c'halon anezho da lodenniñ el labour holl en doa gourc'hemennet an AOTROU dre c'henoù Moizez.

Ermaeziadeg 35:5

Kemerit eus ho traoù ur prof evit an AOTROU . Pep den a galon vat a zegaso profoù d'an AOTROU , aour, arc'hant, arem,

Ermaeziadeg 36:3

hag e kemerjont a-zirak Moizez an holl brofoù o doa degaset mibien Israel d'ober pep tra evit servij ar santual. Hag e voe degaset dezhañ c'hoazh bep beure profoù a volontez vat.

Ermaeziadeg 38:1

Ober a reas aoter al loskaberzhoù e koad kasia, e hirder a oa pemp ilinad hag e ledander pemp ilinad. Karrezek e oa hag e uhelder a oa tri ilinad.

Izaia 1:11

Petra am eus d'ober eus niver bras hoc'h aberzhoù? eme an AOTROU. Leuniet on a loskaberzhoù meot hag a zruzoni leueoù lart; ne gavan plijadur ebet e gwad an tirvi, an deñved hag ar bouc'hed.

Ezekiel 20:40

Met war va menez, war venez uhel Israel, eme an Aotrou AOTROU, eno holl di Israel ha kement a vo er vro am servijo. Eno e kemerin plijadur ganto, eno e klaskin ho profoù, frouezh kentañ ho tonezonoù, gant hoc'h holl draoù santel.

Ezekiel 40:39

E porzh an nor e oa div daol ouzh un tu ha div daol ouzh an tu all evit lazhañ warno al loskaberzhoù, an aberzh-dic'haouiñ hag an aberzh a gablusted.

Leviegezh 1:10

Mar d-eo e brof eus al loened bihan, oaned pe givri, evit ul loskaberzh, e kinnigo ur par disi.

Leviegezh 14:10

D’an eizhvet deiz e kemero daou oan disi hag un dañvadez disi eus ur bloaz, teir dekvedenn efa (3/10 efa   9 l) flour bleud mezet gant eoul evel donezon, hag ul log eoul.

Leviegezh 16:7

Kemer a raio an daou vouc’h hag e lakaio anezho dirak an AOTROU ouzh digor teltenn an engalv.

Leviegezh 17:4

ha n’en devo ket e zegaset ouzh digor teltenn an engalv evit ober ur prof d’an AOTROU dirak tabernakl an AOTROU, ar gwad a vo kontet d’an den-se; ar gwad en devo skuilhet hag an den-se a vo lamet eus e bobl,

Leviegezh 17:8

Lavarout a ri eta dezho: Piv bennak eus ti Israel pe eus an diavaezidi o chom en o zouez, a ginnigo ul loskaberzh pe un aberzh,

Leviegezh 17:9

ha n’en degaso ket ouzh digor teltenn an engalv evit e ginnig d’an AOTROU, an den-se a vo lamet eus e bobl.

Leviegezh 23:12

Da zeiz ma hejot ar feskenn, e kinnigot un oan disi eus ur bloaz evel loskaberzh d’an AOTROU,

Leviegezh 23:18

Gant ar baraoù, e kinnigot seizh oan disi eus ur bloaz, ur c’hole yaouank ha daou dourz; bez’ e vint ul loskaberzh d’an AOTROU gant an donezon hag an evadkinnig, ur prof graet dre an tan, ur c’hwezh dudius d’an AOTROU.

Leviegezh 3:1

Pa ginnig unan bennak un aberzh a drugarekadennoù, mar kinnig ul loen bras, par pe parez, e kinnigo unan disi dirak an AOTROU.

Leviegezh 4:15

Henaourien Israel a lakaio o dornioù war benn ar c’hole dirak an AOTROU, hag e vo lazhet ar c’hole dirak an AOTROU.

Leviegezh 4:23

pa vez anavezet gantañ ar pec’hed en deus graet, ra zegaso e brof, ur bouc’h, ur par disi.

Leviegezh 4:3

mar d-eo un aberzhour olevet an hini en deus pec’het, o lakaat dre eno ar bobl kablus, ra ginnigo d’an AOTROU evit ar pec’hed en devo graet ur c’hole disi evel aberzh-dic’haouiñ.

Leviegezh 4:32

Mar degas un oan evel prof evit an aberzh-dic’haouiñ, e tegaso ur barez disi.

Leviegezh 5:15

Mar en deus graet unan bennak un difealded hag ur pec’hed diratozh e-keñver traoù santel an AOTROU, e kinnigo d’an AOTROU evit e gablusted un tourz disi, kemeret e-touez al loened bihan hervez da brizadur e sikloù arc’hant, diouzh sikl ar santual.

Leviegezh 5:18

Kinnig a raio d’an aberzhour evit e gablusted un tourz disi, kemeret e-touez al loened bihan hervez da brizadur; an aberzhour a raio evitañ dic’haou ar pezh en deus graet diratozh hag hep gouzout, hag e vo pardonet dezhañ.

Leviegezh 6:2

Mar en deus pec’het unan bennak ha graet un difealded e-keñver an AOTROU, en ur lavarout gevier d’e nesañ diwar-benn ur fiziad, un dra da eveshaat warni, un dra laeret pe dilamet dre douell digant e nesañ,

Leviegezh 6:8

An AOTROU a gomzas da Voizez o lavarout:

Leviegezh 7:16

Mar d-eo aberzh unan bennak ur prof evit ur gouestl pe ur prof a youl vat, debret e vo en deiz ma kinnigo e aberzh, hag an nemorant a vo debret betek an deiz war-lerc’h.

Leviegezh 8:18

Degas a reas tourz al loskaberzh, hag e lakaas Aaron hag e vibien o daouarn war benn an tourz.

Leviegezh 8:21

Gwalc’hiñ a reas en dour ar bouzelloù hag an divhar, ha Moizez a lakaas da vogediñ an tourz en e bezh war an aoter. Ul loskaberzh e voe, ur prof graet dre an tan, ur c’hwezh dudius d’an AOTROU, evel m’en doa gourc’hemennet an AOTROU da Voizez.

Leviegezh 9:2

hag e lavaras da Aaron: Kemer ul leue yaouank evit un aberzh-dic’haouiñ hag un tourz evit ul loskaberzh, an eil hag egile disi, ha kinnig anezho dirak an AOTROU.

Zakaria 13:7

Kleze, dihun a-enep va mêsaer, a-enep an den a zo kar din, eme AOTROU an armeoù, sko gant ar mêsaer, hag an deñved a vo stlabezet, hag e troin va dorn a-enep ar re vihan.

Malaki 1:14

Milliget eo an toueller, an hini en deus ur par en e dropell, hag a ouestl hag a aberzh ul loen dic'hlan d'an AOTROU. Rak me a zo ur roue bras, eme AOTROU an armeoù, ha va anv a zo doujet e-touez ar broadoù.

Niveroù 15:3

ha pa reot ur prof dre an tan d'an AOTROU, ul loskaberzh, un aberzh evit seveniñ ur gouestl pe ur prof a-youl-vat, pe en ho kouelioù, evit leuskel ur c'hwezh dudius d'an AOTROU gant loened bras pe gant loened bihan,

Niveroù 15:8

Pa aozi ur c'hole e loskaberzh, en aberzh evit seveniñ ur gouestl pe en aberzh a drugarekadennoù d'an AOTROU,

Niveroù 19:2

Setu ur reolenn eus al lezenn en deus gourc'hemennet an AOTROU o lavarout: Komz da vibien Israel, ma tegasint dit ur vuoc'h rous, didarch ha disi, ha n'he defe ket douget ar yev.

Niveroù 23:19

Doue n'eo ket un den evit gaouiadiñ, nag ur mab-den evit kaout keuz. Lavaret en deus, ha ne raio ket? Komzet en deus, ha ne gaso ket da benn?

Niveroù 23:27

Balag a lavaras da Valaam: Deus eta, me az reno d'ul lec'h all; marteze e kavo mat Doue ma villigi anezho alese.

Niveroù 23:3

Balaam a lavaras da Valag: En em zalc'h tost d'al loskaberzh ha me a yelo kuit. Marteze e teuio an AOTROU da'm c'havout, hag e lavarin dit ar pezh en devo diskouezet din. Hag ez eas war ul lec'h uhel.

Niveroù 23:30

Balag a reas evel m'en doa lavaret Balaam, hag e kinnigas ur c'hole hag un tourz war bep aoter.

Niveroù 28:11

E penn-kentañ ho mizioù, e kinnigot ul loskaberzh d'an AOTROU: daou gole yaouank, un tourz, seizh oan disi eus ur bloaz,

Niveroù 28:19

Kinnig a reot ur prof graet dre an tan evel loskaberzh d'an AOTROU: daou gole yaouank, un tourz, seizh oan disi eus ur bloaz,

Niveroù 28:31

Kinnig a reot an traoù-se ouzhpenn al loskaberzh peurbadus gant e zonezon; disi e vint, gant o evadkinnigoù.

Niveroù 29:13

Kinnig a reot ul loskaberzh, ur prof graet dre an tan e c'hwezh dudius d'an AOTROU: trizek kole yaouank, daou dourz, pevarzek oan disi eus ar bloaz,

Niveroù 29:2

Kinnig a reot ul loskaberzh e c'hwezh dudius d'an AOTROU: ur c'hole yaouank, un tourz, seizh oan disi eus ur bloaz,

Sant Lucas 1:35

An ael a respontas dezhi: Ar Spered-Santel a zeuio warnout ha galloud an Uhel-Meurbet a c’holoio ac’hanout gant e skeud. Dre-se ar bugel santel a vo ganet ac’hanout a vo galvet Mab Doue.

Sant Ian 1:36

hag o welout Jezuz a valee, e lavaras: Setu Oan Doue.

Sant Ian 10:7

Neuze Jezuz a lavaras dezho c’hoazh: E gwirionez, e gwirionez, me a lavar deoc’h, me eo dor an deñved.

Sant Ian 10:9

Me eo an nor. Mar deu e-barzh unan bennak drezon, e vo salvet. Dont ha mont a raio hag e kavo peurvan.

2 Korintiz 8:12

Rak mar d-emañ ar gred ganeoc’h, ez eo plijus hervez ar pezh a zo ha nann hervez ar pezh n’eus ket.

2 Korintiz 9:7

Ra roio pep hini hervez ar pezh ma en deus soñjet en e galon, nann gant keuz na dre ret, rak Doue a gar an hini a ro gant levenez.

Efeziz 2:18

rak drezañ hon eus an eil hag egile un degemer digant an Tad en un hevelep Spered.

Efeziz 5:27

evit he lakaat dirazañ evel an Iliz leun a c’hloar, hep saotr na roufenn na netra eus ar seurt-se, met santel ha divlam.

Adlezenn 12:27

Kinnig a ri da loskaberzhoù, kig ha gwad, war aoter an AOTROU da Zoue; gwad da aberzhoù all a vo skuilhet war aoter an AOTROU da Zoue, hag e tebri ar c'hig.

Adlezenn 15:21

M'en deus ur si bennak, mard eo kamm pe dall, mar en deus ur si fall all, n'aberzhi ket anezhañ d'an AOTROU da Zoue.

Adlezenn 17:1

N'aberzhi ket d'an AOTROU da Zoue ur c'hole pe un oan en defe ur si bennak pe a vefe distumm, rak un euzhusted e vefe d'an AOTROU da Zoue.

Hebreed 7:26

Hag e oa ret deomp kaout un hevelep beleg-meur, santel, digablus, dinamm, dispartiet diouzh ar bec’herien, savet dreist an neñvoù,

Hebreed 9:14

pegement muioc’h gwad Krist, hag a zo dre ar Spered peurbadus en em ginniget e-unan dinamm da Zoue, a c’hlanaio ho koustiañs eus an oberoù marv, evit ma servijot an Doue bev.