Krennlavarioù 10:3 - Bibl Koad 21: Ar Bibl e Brezhoneg evit ar Vretoned

³ An AOTROU ne lezo ket ene an hini reizh da gaout naon, met teurel a ra kuit gwallc'hoant ar re zrouk.

Krennlavarioù 10:3 Referencias Cruzadas

Levr Job 15:23

Redek a ra amañ hag ahont o klask e vara. Pelec'h emañ? Gouzout a ra eo deiz an deñvalijenn kempennet evitañ.

Levr Job 20:28

Leve e di a vo kaset kuit, pep tra a dec'ho da zeiz ar gounnar.

Levr Job 5:20

En amzer an naonegezh e warezo ac'hanout diouzh ar marv, en amzer ar brezel diouzh lavnenn ar c'hleze.

Salmoù 10:14

E welet ec'h eus koulskoude, rak sellout a rez ouzh ar glac'har hag ar boan evit derc'hel kont outo. Warnout-te eo en em harp an hini paour, te eo sikour an emzivad.

Salmoù 112:10

An den drouk a wel anezhañ hag en deus desped, hag e c'hrigoñs e zent hag e tisec'h. C'hoant ar re zrouk a yelo da get.

Salmoù 33:19

evit dieubiñ o ene eus ar marv, hag o lakaat da vevañ e-pad an naonegezh.

Salmoù 37:19

Ne vint ket mezhek da vare ar gwalleur, hag o gwalc'h o devo da zeizioù an naonegezh.

Salmoù 37:25

Yaouank on bet hag on deuet da vezañ kozh, ha ne'm eus ket gwelet an den reizh dilezet, nag e lignez o klask e vara.

Salmoù 37:3

Fiz en AOTROU, gra ar mad, bez o chom war an douar, debr ar wirionez evel boued.

Krennlavarioù 13:25

An den reizh a zebro hag en devo e walc'h, met kof ar re zrouk en devo dienez.

Krennlavarioù 14:32

An hini drouk a zo diskaret en e zrougiezh, met an den reizh en deus esperañs en e varv.

Krennlavarioù 28:25

An hini en deus ar galon c'hwezet a atiz ar stourmadegoù, met an hini a laka e fiziañs en AOTROU en devo e walc'h.

Krennlavarioù 28:9

Mar distro unan bennak e skouarn evit na selaouo ket al lezenn, e bedenn zoken a zo un euzhusted.

Izaia 33:16

hennezh a vo o chom el lec'hioù uhel, kreñvlec’hioù ar reier a vo e repu, bara a vo roet dezhañ, doureier ne vankint ket dezhañ.

Sofonia 1:18

Nag o arc'hant nag o aour ne c'hellint o dieubiñ en deiz kounnar an AOTROU, ha gant tan e warizi e vo kuzumet an douar holl. Rak dre un distruj leun ha trumm e skoio war holl dud an douar.

Sant Lucas 12:31

Klaskit kentoc’h rouantelezh Doue, hag an holl draoù-se a vo roet deoc’h ouzhpenn.