Koloseiz 1:9 - Bibl Koad 21: Ar Bibl e Brezhoneg evit ar Vretoned

⁹ Setu perak ivez, abaoe an deiz ma hon eus klevet kement-se, n’hon eus ket paouezet da bediñ evidoc’h ha da c’houlenn ma vefec’h leuniet eus anaoudegezh e volontez, e pep furnez ha klevidigezh speredel,

Testamant Nevez 1897 (Jenkins)

⁹ Dre‐ze ni ive adaleg an deiz ma hon euz klevet kement‐se, n’hon euz ket paouezet da bedi evidoc’h, ha da c’houlen ma viot leun euz an anaoudegez euz he volontez, en pep furnez hag ententamant spirituel;

Koloseiz 1:9 Referencias Cruzadas

Salmoù 119:99

Tremenet em eus e furnez e-biou d'an holl re o deus va c'helennet, rak e prederian war da destenioù.

Salmoù 143:10

Desk din ober da volontez, rak te eo va Doue. Ra reno da Spered mat ac'hanon war an hent eeun!

Sant Ian 7:17

Mar fell da unan bennak ober e volontez, ec’h anavezo hag eo va c’helennadurezh eus Doue pe ha me a gomz ac’hanon va-unan.

Actou an Ebestel 12:5

Pêr eta a oa diwallet er prizon, met an Iliz a rae hep paouez pedennoù da Zoue evitañ.

Romaned 12:2

N’en em blegit ket d’ar c’hantved-mañ, met bezit cheñchet dre nevezidigezh ho klevidigezh, evit ma’c’h anavezot ez eo bolontez Doue mat, plijus ha peurvat.

1 Korintiz 1:5

dre ma’z oc’h bet pinvidikaet ennañ e pep doare, e kement a sell ouzh ar gomz hag ouzh an anaoudegezh,

Efeziz 1:8

en deus skuilhet warnomp gant fonnder dre bep seurt furnez ha skiant,

Efeziz 5:10

Eveshait ouzh ar pezh a zo kavet mat gant an Aotrou,

Efeziz 5:17

Dre-se na vezit ket hep poell, met komprenit petra eo bolontez an Aotrou.

Efeziz 6:6

o servijañ anezho nann zoken dindan o daoulagad, evel ma klaskfec’h plijout d’an dud, met oc’h ober a galon vat bolontez Doue, evel servijerien Krist,

Filipiz 1:4

o pediñ bepred evidoc’h holl gant levenez em holl c’houlennoù,

Koloseiz 1:6

a zo deuet en ho touez evel er bed holl, e-lec’h ma ro frouezh, evel ivez en ho touez abaoe an deiz ma hoc’h eus klevet hag hoc’h eus anavezet gras Doue er wirionez.

Koloseiz 3:16

Ra chomo ger Krist gant fonnder ennoc’h e pep furnez; en em gelennit hag en em aliit an eil egile dre salmoù, meulganoù ha kanaouennoù speredel, o kanañ en ho kalonoù d’an Aotrou gant anaoudegezh vat.

Koloseiz 4:12

Epafraz hag a zo eus ho touez a salud ac’hanoc’h. Ur servijer eus Krist eo, ne baouez ket da stourm evidoc’h en e bedennoù, evit ma viot peurvat ha peurc’hraet en holl volontez Doue.

Koloseiz 4:5

En em renit gant furnez e-keñver ar re a-ziavaez, o tasprenañ an amzer.

1 Tesalonikiz 1:3

o kaout soñj bepred, dirak Doue hon Tad, eus oberenn ho feiz, eus labour ho karantez hag eus started hoc’h esperañs en hon Aotrou Jezuz-Krist.

1 Tesalonikiz 5:17

Pedit hep paouez.

2 Tesalonikiz 1:11

Dre-se ivez e pedomp dalc’hmat evidoc’h, evit ma kavo hon Doue ac’hanoc’h dellezek eus ho kalvidigezh ha ma peurc’hraio gant galloud holl soñjoù hegarat e vadelezh hag oberenn ar feiz,

Filemon 1:4

Trugarekaat a ran va Doue dalc’hmat, o kaout soñj ac’hanout em pedennoù,

Filemon 1:6

evit ma vo efedus oberenn da feiz nerzhus en ur lakaat da c’houzout an holl vat en em ra en ho touez e Jezuz-Krist.

Hebreed 10:36

Ezhomm hoc’h eus a basianted, evit goude bezañ graet bolontez Doue, ma resevot ar pezh a zo bet prometet.

Hebreed 13:21

a rento ac’hanoc’h peurc’hraet e pep ober mat, evit ma reot e volontez, oc’h ober e-unan ennoc’h ar pezh a gav mat, dre Jezuz-Krist, ra vo ar gloar dezhañ e kantvedoù ar c’hantvedoù! Amen.

S. Jakes 1:5

Ma vank furnez da unan bennak ac’hanoc’h, ra c’houlenno digant Doue a ro d’an holl gant largentez hep rebech, hag e vo roet dezhañ.

S. Jakes 3:17

Ar furnez eus an nec’h a zo da gentañ glan, goude peoc’hiek, habask, poellek, leun a drugarez hag a frouezh mat, hep ober van eus diaveazioù hag hep pilpouzerezh.

1 Pêr 2:15

Rak bolontez Doue eo, ma serrot ar genoù da ziouiziegezh an dud dibourvez a skiant-vat en ur ober ar mad,

1 Pêr 4:2

evit na vevo mui hervez droukc’hoantoù an dud, met hervez bolontez Doue, e-pad an amzer a chom gantañ da vevañ er c’hig.

1 Yann 2:17

Ar bed a dremen, e c’hoantegezh ivez, met an hini a ra bolontez Doue a chom da viken.

1 Yann 5:20

Ha gouzout a reomp ez eo deuet Mab Doue, en deus roet deomp skiant evit anavezout an Hini gwirion, hag emaomp en Hini gwirion-se, en e Vab Jezuz-Krist. Eñ eo an Doue gwirion hag ar vuhez peurbadus.

1 Samuel 12:23

Evidon-me, pell diouzhin a bec'hiñ a-enep an AOTROU hag a baouez da bediñ evidoc'h. Met kelenn a rin deoc'h an hent mat hag eeun.