Klemmganoù 3:25 - Bibl Koad 21: Ar Bibl e Brezhoneg evit ar Vretoned

²⁵ An AOTROU a zo mat evit ar re a zo en gortoz dezhañ, evit an ene a glask anezhañ.

Klemmganoù 3:25 Referencias Cruzadas

Geneliezh 49:18

Gortozet em eus da silvidigezh, o Aotrou!

1 Danevelloù 28:9

Ha te, Salomon va mab, anavez Doue da dad, servij-eñ gant ur galon eeun hag un ene youlus, rak an AOTROU a furch an holl galonoù hag a anavez pep mennad eus ar soñjoù. Mar klaskez anezhañ, e vo kavet ganit, met mar dilez anezhañ, ez taolo kuit da viken.

2 Danevelloù 15:2

hag ez eas da gavout Asa, hag e lavaras dezhañ: Asa hag holl Juda ha Benjamin, selaouit-me! An AOTROU a vez ganeoc'h pa vezit gantañ. Mar klaskit anezhañ, c'hwi en kavo; met mar dilezit anezhañ, eñ ho tilezo.

2 Danevelloù 19:3

Koulskoude traoù mat a vez kavet ennout, rak lamet ec'h eus an Asheraoù, hag out en em staget ez kalon da glask Doue.

2 Danevelloù 30:19

en deus lakaet e galon da glask Doue, an AOTROU, Doue e dadoù, petra bennak ma n'en defe ket graet hervez glanidigezh ar santual.

2 Danevelloù 31:21

En holl oberennoù a reas evit servij ti Doue, hag evit al lezenn, hag evit ar gourc'hemennoù, e klaskas e Zoue hag e labouras a-greiz e galon, hag e reas berzh.

Ezdra 8:22

Rak mezh am bije bet o c'houlenn soudarded ha marc'hegerien evit hon difenn diouzh hon enebourien e-pad an hent, rak lavaret hor boa d'ar roue: Dorn hon Doue a zo war an holl re a glask anezhañ, met e nerzh hag e gounnar a zo a-enep an holl re a zilez anezhañ.

Salmoù 105:3

Lakait ho kloar en e anv santel! Ra laouenaio kalon ar re a glask an AOTROU!

Salmoù 119:2

Eürus ar re vir e destenioù, a glask anezho a-greiz o c'halon,

Salmoù 22:26

Meulet e vi ganin er vodadeg vras; peurober a rin va gouestloù dirak ar re a zouj ac'hanout.

Salmoù 25:8

An AOTROU a zo mat hag eeun, setu perak e kelenno an hent d'ar bec'herien.

Salmoù 27:14

Esper en AOTROU, chom start, ra en em greñvaio da galon! Ya, esper en AOTROU!

Salmoù 27:8

Va c'halon a lavar din eus da berzh: Klask va dremm! Me a glask da zremm, o AOTROU!

Salmoù 37:34

Bez en gortoz eus an AOTROU ha mir e hent, sevel a raio ac'hanout da berc'hennañ an douar, an dud drouk a vo lamet kuit dirak da zaoulagad.

Salmoù 37:7

Chom sioul o sellout ouzh an AOTROU, ha gortoz anezhañ. Na gounnar ket a-enep an hini a zeu a-benn eus e c'hoantoù.

Salmoù 39:7

Ya, an den a gerzh evel ur skeudenn. Ya, en aner eo e fiñv, daspugn a ra, ha ne oar ket piv a zastumo.

Salmoù 61:1

D'ar mestr-kaner; gant ar binvioù-kerdin; eus David.

Salmoù 61:5

Chom a rin en da deltenn da viken. En em dennañ a rin dindan skeud da eskell.  Ehan

Salmoù 69:32

Kement-se a blijo gwelloc'h d'an AOTROU eget ur c'hole, eget ul leue o kaout kerniel hag an ivin rannet.

Salmoù 71:14

Met me a espero atav, hag e veulin ac'hanout muioc'h-muiañ.

Izaia 25:9

En deiz-se e vo lavaret: Setu, hon Doue eo, esperet hon eus ennañ, hag e saveteo ac'hanomp. An AOTROU eo, esperet hon eus ennañ, tridomp a levenez ha laouenaomp eus e silvidigezh.

Izaia 26:9

Va ene a c'hoanta ac'hanout en noz. Em c'hreizon va spered a glask ac'hanout a-vintin, rak pa vez da varnedigezhioù war an douar, tud ar bed a zesk ar reizhder.

Izaia 30:18

Koulskoude an AOTROU a c'hortoz evit ober trugarez deoc'h, sevel a raio evit kaout truez ouzhoc'h. Rak un Doue reizh eo an AOTROU, eürus eo ar re holl a zo en gortoz anezhañ!

Izaia 40:31

met ar re a zo en gortoz eus an AOTROU a nevesa o nerzh, divaskell a zeu dezho evel d'an erered; redek a reont ha ne skuizhont ket, kerzhout a reont ha ne faezhont ket.

Izaia 55:6

Klaskit an AOTROU e-pad ma en em gav, galvit anezhañ e-pad m'emañ tost.

Izaia 64:4

Biskoazh n'eus bet klevet, n'eo deuet d'ar skouarn, n'en deus gwelet al lagad, o Doue, ez eo bet graet hevelep traoù estregedout, evit ar re a zo en gortoz ac'hanout.

Klemmganoù 3:26

Mat eo gortoz didrouz silvidigezh an AOTROU.

Ozea 10:12

Hadit hervez ar reizhder, medit hervez an drugarez, freuzit douaroù nevez, rak poent eo klask an AOTROU, betek ma teuio ha ma lakaio ar reizhder da c'hlaviañ warnoc'h.

Sofonia 3:8

Setu perak, va gortozit, eme an AOTROU, d'an deiz ma savin evit an diwisk. Rak divizet em eus dastum ar broadoù, ha bodañ ar rouantelezhioù, evit skuilhañ warno va c'hounnar, holl dan va fulor, rak an douar holl a vo lonket dre dan va gwarizi.

1 Tesalonikiz 1:10

hag evit gortoz eus an neñv e Vab en deus adsavet a varv, Jezuz, an hini a zieub ac’hanomp eus ar gounnar da zont.

S. Jakes 5:7

Breudeur, gortozit gant pasianted donedigezh an Aotrou. Setu, al labourer-douar a c’hortoz gant pasianted frouezh prizius an douar, betek ma en devo resevet ar glav eus ar gentañ hag eus an diwezhañ amzer.