Klemmganoù 1:13 - Bibl Koad 21: Ar Bibl e Brezhoneg evit ar Vretoned

¹³ Eus an nec'h en deus kaset em eskern un tan a lonk anezho. Stegnet en deus ur roued dindan va zreid. Graet en deus din kouezhañ en a-dreñv ha bezañ mantret ha dinerzh bemdez.

Klemmganoù 1:13 Referencias Cruzadas

Levr Job 18:8

Tapet e vo er roued dre e dreid, war ar stign e kerzho.

Levr Job 19:6

anavezit eta eo Doue a ziskar ac'hanon, hag en deus astennet e roued en-dro din.

Levr Job 30:30

Va c'hroc'hen duet a gouezh, va eskern a zo devet gant an derzhienn.

Salmoù 129:5

An holl re a gasa Sion a vo mezhekaet ha kaset war-dreñv.

Salmoù 140:5

AOTROU, va diwall diouzh daouarn an hini drouk, ha va mir diouzh an hini taer, a glask va lakaat da gouezhañ.

Salmoù 22:14

Digeriñ a reont o genoù em enep, evel ul leon o trailhañ hag o yudal.

Salmoù 31:10

AOTROU, az pez truez ouzhin dre ma'z on en estrenvan! Va lagad, va ene ha va c'hof a dreuta gant ar glac'har.

Salmoù 35:4

Ra vo mezhek ha toutek ar re a glask diskar va buhez, ra gilo ha ra ruzio ar re a glask va gwalleur!

Salmoù 38:8

rak va divgroazell a zo leun a c'hor, n'eus netra yac'h em c'hig.

Salmoù 66:11

Hon degaset ez poa er roued, lakaet war hon divgroazell ur bec'h pounner,

Ermaeziadeg 12:9

Ne zebrot netra hanter-boazh na bervet en dour, met ra vo rostet en tan, e benn kenkoulz hag e dreid hag e vouzelloù.

Izaia 42:17

Mont a ra war-dreñv ha goloet eo a vezh ar re a fizi er skeudennoù kizellet, hag a lavar d'ar skeudennoù teuzet: C'hwi eo hon doueoù!

Jeremiaz 44:6

Neuze va c'hounnar ha va fulor a zo bet skuilhet, hag o deus entanet kêrioù Juda ha straedoù Jeruzalem, a zo deuet da vezañ ur gouelec'h hag ur glac'har, evel ma vez gwelet hiziv.

Klemmganoù 1:22

Ra zeuio o holl zrougiezh dirazout. Gra dezho evel m'ec'h eus graet din en abeg da'm holl zisentidigezh. Niverus eo va huanadoù ha dinerzh va c'halon.

Klemmganoù 3:11

Distroet en deus va hentoù, roget ac'hanon, va lakaet en glac'har.

Klemmganoù 5:17

En abeg da-se eo klañv hor c'halon, en abeg da-se eo teñvalaet hon daoulagad,

Ezekiel 12:13

Astenn rin va roued warnañ, paket e vo em lasoù, kas a rin anezhañ da Vabilon e vro ar Galdeiz, met ne welo ket anezhi, hag e varvo eno.

Ezekiel 17:20

Astenn a rin va roued warnañ, tapet e vo em antell, hag en kasin da Vabilon, e-lec'h ma varnin anezhañ evit ar pec'hedoù en deus graet em c'heñver.

Ezekiel 32:3

Evel-henn e komz an Aotrou AOTROU: Astenn rin va roued warnout, en un niver bras a bobloù, hag e tennint ac'hanout em roued.

Ozea 7:12

Pa'z aint, ec'h astennin warno va roued, o lakaat a rin da gouezhañ evel laboused an neñvoù, o c'hastizañ a rin, evel m'o deus klevet en o bodadeg.

Nahum 1:6

Piv a bado dirak e fulor? Piv a zalc'ho en e sav dirak tan e gounnar? E fulor en em skuilh evel un tan, hag ar reier a zo bruzunet dirazañ.

Habakuk 3:16

Klevet em eus ha va c'hreizon a zo strafuilhet, d'ar vouezh-mañ va muzelloù a spouron. Ar breinadur a ya e-barzh va eskern, hag e krenan dindanon, dre ma tlean gortoz didrouz deiz an enkrez, pa bigno a-enep ar bobl an hini he zapo.

Adlezenn 28:65

E-touez ar pobloù-se, ne vi ket sioul ha sol da droad n'en devo diskuizh ebet. An AOTROU a roio dit ur galon grenus, daoulagad enkrezet hag un ene trist.

2 Tesalonikiz 1:8

evit tennañ veñjañs eus ar re n’anavezont ket Doue ha na sentont ket ouzh Aviel hon Aotrou Jezuz-Krist.

Hebreed 12:29

rak hon Doue a zo ivez un tan loskus.