Jozue 1:8 - Bibl Koad 21: Ar Bibl e Brezhoneg evit ar Vretoned

⁸ Ra ne bellaio ket al levr-mañ eus al lezenn diouzh da c'henoù, prederiañ a ri warnañ deiz ha noz, evit ober diouzh kement a zo skrivet ennañ, rak neuze e ri tro-vat ez hent, ha neuze e ri berzh.

Jozue 1:8 Referencias Cruzadas

Geneliezh 24:63

Izaak, o vezañ aet da brederiañ er parkeier d'an abardaez, a savas e zaoulagad, a sellas, ha setu kañvaled a errue.

2 Danevelloù 26:5

En em lakaat a reas da glask Doue e-pad buhez Zakaria, un den a gomprene gweledigezhioù Doue. Hag e-keit ha ma klaskas an AOTROU, Doue a roas berzh dezhañ.

Salmoù 119:11

Dalc'het em eus da c'her em c'halon, evit na bec'hin ket en da enep.

Salmoù 119:15

Prederiañ a rin war da gemennadurioù, hag e sellin ouzh da wenodennoù.

Salmoù 119:97

Pegement e karan da lezenn! Komz a ran diwarni a-hed an deiz.

Salmoù 119:99

Tremenet em eus e furnez e-biou d'an holl re o deus va c'helennet, rak e prederian war da destenioù.

Salmoù 19:14

Mir ivez da servijer diouzh ar pec'hedoù a lorc'h: ra ne vestrognint ket ac'hanon! Neuze e vin eeun ha didamall diouzh pec'hedoù bras.

Salmoù 40:10

Embannet em eus da reizhder er vodadeg vras. Setu, ne zalc'han ket serret va muzelloù, anavezout a rez kement-se, o AOTROU!

Krennlavarioù 3:1

Va mab, n'ankounac'ha ket va lezenn, ha ra viro da galon va gourc'hemennoù,

Izaia 59:21

Hag evidon-me setu an emglev a rin ganto, eme an AOTROU, va Spered hag a zo warnout ha va c'homzoù am eus lakaet ez kenoù, ned aint ket kuit eus da c'henoù nag eus genoù da lignez, nag eus genoù lignez da lignez, eme an AOTROU, adalek bremañ ha da viken.

Mazhev 12:35

An den mat a denn traoù mat eus teñzor mat ar galon, hag an den fall a denn traoù fall eus an teñzor fall.

Mazhev 28:20

hag o teskiñ dezho mirout kement am eus gourc’hemennet deoc’h. Ha setu, emaon ganeoc’h bemdez betek fin ar bed. Amen.

Mazhev 7:21

Kement hini a lavar din: Aotrou, Aotrou, n’aio ket e rouantelezh an neñvoù, met ar re a ra bolontez va Zad a zo en neñvoù.

Mazhev 7:24

Piv bennak eta a glev ar gerioù-mañ a lavaran hag a sent outo, a lakain heñvel ouzh un den fur en deus savet e di war ar roc’h.

Sant Lucas 11:28

Met eñ a lavaras: Nann, eürus eo kentoc’h ar re a selaou ger Doue hag a sent outañ!

Sant Ian 13:17

Mar gouzoc’h an traoù-se, ez oc’h eürus, gant ma sentot outo.

Sant Ian 14:21

An hini en deus va gourc’hemennoù hag a vir anezho, hennezh eo a gar ac’hanon. Hag an hini a gar ac’hanon a vo karet gant va Zad, hag e karin anezhañ hag en em ziskouezin dezhañ.

Efeziz 4:29

Ra ne zeuio ger dizonest ebet eus ho kenoù, met ra vo ho komzoù mat da skoliañ gant talvoudegezh evit ma raint vat d’ar re o c’hlevo.

Adlezenn 29:8

Kemeret hon eus o bro hag he roet hon eus da hêrezh d'ar Rubeniz, d'ar C'hadiz ha da hanter-veuriad Manase.

Adlezenn 29:9

Mirout a reot komzoù an emglev-mañ hag e reot diouto, evit ober berzh e kement a reot.

Adlezenn 30:14

Met ar gomz a zo tost dit, ez kenoù hag ez kalon, evit ma c'helli ober dioutañ.

Adlezenn 31:11

pa zeuio holl Israel d'en em gavout dirak an AOTROU da Zoue el lec'h en devo dibabet, e lenni al lezenn-mañ dirak holl Israel, hag e klevint.

Adlezenn 31:24

P'en doe echu Moizez da skrivañ komzoù al lezenn-mañ war ul levr, betek an diwezh,

Adlezenn 5:1

Moizez a zastumas holl Israel hag a lavaras: Selaou, Israel, ar reolennoù hag ar barnedigezhioù a zisklêrian hiziv d'ho tivskouarn. O deskit, o mirit ha grit diouto.

Adlezenn 5:29

Ra o devo atav an hevelep kalon evit va doujañ hag evit mirout va gourc'hemennoù, hag e vint eürus, int hag o mibien, da viken.

Adlezenn 5:32

Mirit ar pezh en deus gourc'hemennet an AOTROU ho Toue deoc'h ha grit dioutañ, ne zistroiot nag a-zehou nag a-gleiz.

Koloseiz 3:16

Ra chomo ger Krist gant fonnder ennoc’h e pep furnez; en em gelennit hag en em aliit an eil egile dre salmoù, meulganoù ha kanaouennoù speredel, o kanañ en ho kalonoù d’an Aotrou gant anaoudegezh vat.

Jozue 1:7

En em galoneka ha bez kreñv-meurbet, evit ober diouzh an holl lezenn en deus kemennet dit Moizez va servijer; ne zistroi nag a-zehou nag a-gleiz, evit ober berzh dre holl ma'z i.

Jozue 8:34

Goude-se e lennas holl gomzoù al lezenn, ar bennozhioù hag ar mallozhioù, hervez kement a zo skrivet e levr al lezenn.

Apocalyps 22:14

Eürus ar re a vir e c’hourc’hemennoù, evit m’o devo lod er wezenn a vuhez hag e c’hellint mont e-barzh kêr dre an dorojoù.