Jozue 1:7 - Bibl Koad 21: Ar Bibl e Brezhoneg evit ar Vretoned

⁷ En em galoneka ha bez kreñv-meurbet, evit ober diouzh an holl lezenn en deus kemennet dit Moizez va servijer; ne zistroi nag a-zehou nag a-gleiz, evit ober berzh dre holl ma'z i.

Jozue 1:7 Referencias Cruzadas

1 Rouaned 2:2

Mont a ran dre hent an holl zouar. En em greñva, ha bez un den.

1 Rouaned 2:3

Mir kefridi an AOTROU da Zoue, en ur gerzhout war e hentoù, en ur virout e reolennoù, e c'hourc'hemennoù, e varnedigezhioù hag e destenioù, hervez ar pezh a zo skrivet e lezenn Moizez, evit ma ri berzh e kement a ri hag e pep lec'h ma'z i,

2 Rouned 22:2

Ober a reas ar pezh a zo reizh dirak daoulagad an AOTROU, o kerzhout war holl hentoù David e dad, hep distreiñ nag a-zehou nag a-gleiz.

1 Danevelloù 22:13

Neuze e ri berzh, mard out evezhiek d'ober diouzh ar reolennoù hag ar barnedigezhioù en deus urzhiet an AOTROU da Voizez evit Israel. En em galoneka ha bez kreñv, na spont ket ha na'z pez ket aon.

2 Danevelloù 15:7

C'hwi eta, bezit kreñv, ra ne vo ket dinerzhet ho taouarn, rak ur gopr a vo evit hoc'h oberoù.

2 Danevelloù 26:5

En em lakaat a reas da glask Doue e-pad buhez Zakaria, un den a gomprene gweledigezhioù Doue. Hag e-keit ha ma klaskas an AOTROU, Doue a roas berzh dezhañ.

Levr Job 1:8

An AOTROU a lavaras da Satan: Hag ec'h eus taolet evezh ouzh va servijer Job? N'eus ket eveltañ war an douar, un den gwirion hag eeun, a zouj Doue hag a zistro diouzh an droug.

Salmoù 80:19

ha ne zistroimp ken diouzhit. Ro deomp ar vuhez, hag ec'h aspedimp da anv.

Krennlavarioù 4:27

na zistro nag a-zehou nag a-gleiz, tenn da droad diouzh an droug.

Krennlavarioù 8:20

Me a ren dre wenodenn ar reizhder, ha dre greiz hentoù ar varnedigezh,

Daniel 10:19

Hag e lavaras din: Na'z pez ket aon, den karet-mat, ra vo ar peoc'h ganit! Kalon! Kalon! Evel ma komze ouzhin e voen kreñvaet hag e lavaris: Ra gomzo va aotrou, rak va c'hreñvaet ec'h eus.

Niveroù 27:23

hag e lakaas e zaouarn warnañ hag e roas dezhañ e garg, evel m'en doa lavaret an AOTROU dre Voizez.

Adlezenn 11:8

Mirout a reot an holl c'hourc'hemennoù a gemennan deoc'h hiziv, evit ma en em greñvaiot ha ma'z eot da berc'hennañ ar vro emaoc'h o vont da berc'hennañ,

Adlezenn 12:32

Mirout a reot an holl draoù a c'hourc'hemennan dit hag e reot diouto, ha ne lakaiot netra ouzhpenn enno ha ne lammot netra diouto.

Adlezenn 28:14

hep distreiñ nag a-zehou nag a-gleiz eus an holl gomzoù a c'hourc'hemennan di hiziv, evit mont war-lerc'h doueoù all hag o servijañ.

Adlezenn 29:8

Kemeret hon eus o bro hag he roet hon eus da hêrezh d'ar Rubeniz, d'ar C'hadiz ha da hanter-veuriad Manase.

Adlezenn 29:9

Mirout a reot komzoù an emglev-mañ hag e reot diouto, evit ober berzh e kement a reot.

Adlezenn 31:7

Moizez a c'halvas Jozue hag a lavaras dezhañ dirak holl Israel: En em galoneka ha bez kreñv! Rak te a yelo gant ar bobl-mañ er vro en deus touet an AOTROU reiñ d'ho tadoù, te a lakaio anezho da berc'hennañ o hêrezh.

Adlezenn 4:2

Ne lakaiot netra ouzhpenn er c'homzoù a gemennan deoc'h ha ne lammot netra diouto, met mirout a reot gourc'hemennoù an AOTROU ho Toue a gemennan deoc'h.

Adlezenn 5:32

Mirit ar pezh en deus gourc'hemennet an AOTROU ho Toue deoc'h ha grit dioutañ, ne zistroiot nag a-zehou nag a-gleiz.

Jozue 1:1

Goude marv Moizez servijer an AOTROU , setu, an AOTROU a gomzas da Jozue mab Nun, servijer Moizez, o lavarout:

Jozue 1:8

Ra ne bellaio ket al levr-mañ eus al lezenn diouzh da c'henoù, prederiañ a ri warnañ deiz ha noz, evit ober diouzh kement a zo skrivet ennañ, rak neuze e ri tro-vat ez hent, ha neuze e ri berzh.

Jozue 1:9

Ha ne'm eus ket gourc'hemennet dit: En em galoneka ha bez kreñv? Na spont ket ha na'z pez ket aon, rak an AOTROU da Zoue a vo ganit dre holl ma'z i.

Jozue 11:15

Evel m'en doa gourc'hemennet an AOTROU da Voizez e servijer, evel m'en doa gourc'hemennet Moizez da Jozue, evel-se e reas Jozue. Ne lamas netra eus ar pezh en doa gourc'hemennet an AOTROU da Voizez.

Jozue 23:6

Dalc'hit start eta, o virout kement a zo skrivet e levr lezenn Moizez hag oc'h ober dioutañ, ne zistroiot nag a-zehou nag a-gleiz,