Jonaz 1:3 - Bibl Koad 21: Ar Bibl e Brezhoneg evit ar Vretoned

³ Met Jonaz a savas evit tec'hout da Darsiz, pell diouzh dremm an AOTROU. Diskenn a reas da Jafo, hag e kavas ul lestr a yae da Darsiz. Paeañ a reas e dreizh, hag ez eas enni evit mont ganto da Darsiz, pell diouzh dremm an AOTROU.

Jonaz 1:3 Referencias Cruzadas

Geneliezh 3:8

Klevout a rejont trouz an AOTROU Doue a gerzhe el liorzh en aezhenn an abardaez. Adam hag e wreg en em guzhas a-zirak dremm an AOTROU Doue, e-touez gwez al liorzh.

Geneliezh 4:16

Neuze Kain a yeas kuit a-zirak an AOTROU hag a chomas e bro Nod, e sav-heol Eden.

1 Rouaned 19:3

O welout kement-se, Elia a savas hag a yeas kuit evit saveteiñ e vuhez. Dont a reas da Veer-Sheba, a zo e Juda, hag e lezas eno e servijer.

1 Rouaned 19:9

Eno ez eas en ur c'hev, hag e tremenas an noz eno. Ha setu, komz an AOTROU a voe disklêriet dezhañ evel-henn: Petra a rez amañ, Elia?

2 Danevelloù 2:15

Ha bremañ ra gaso va aotrou d'e servijerien ar gwinizh, an heiz, an eoul hag ar gwin en deus lavaret.

2 Danevelloù 2:16

Ha ni a droc'ho koad eus al Liban, kement ha ma vo ezhomm, hag o c'hasimp dit war radelloù dre vor betek Jafo, ha te o zreuzdougo betek Jeruzalem.

2 Danevelloù 9:21

Rak batimantoù ar roue a yae da Darsiz gant servijerien Huram, hag ur wech bep tri bloaz, e teue en-dro batimantoù Tarsiz da zegas aour, arc'hant, olifant, marmouzien ha pauned.

Ezdra 3:7

Hag e rojont arc'hant d'ar venerien ha d'ar gilvizien, ha boued, evajoù hag eoul d'ar Sidoniz ha d'an Diriz, evit degas koad sedrez eus al Liban da vor Jafo, hervez an aotre roet gant Kiruz roue Persia.

Levr Job 1:12

An AOTROU a lavaras da Satan: Setu, kement en deus a zo ez torn, nemetken, na laka ket da zorn warnañ. Ha Satan a yeas kuit a-zirak dremm an AOTROU.

Levr Job 2:7

Ha Satan a yeas kuit a-zirak dremm an AOTROU, hag e reuzias ouzh Job gant ur gouli bev adalek sol e dreid betek krec'h e benn.

Salmoù 107:23

Ar re a ziskenn war ar mor el listri, hag a genwerzh war an doureier bras,

Izaia 2:16

a-enep holl listri Tarsiz, hag a-enep kement a blij d'ar gweled.

Izaia 23:1

Diougan diwar-benn Tir. Huanadit, listri Tarsiz, rak distrujet eo! Ken a diez! Den ne zeuio ken enni! Deuet eo ar c'heloù eus bro Gitim.

Izaia 23:10

Kenred da vro evel ur stêr, o merc'h Tarsiz! N'eus ken a ere.

Izaia 23:6

Tremenit da Darsiz, huanadit, tud a zo o chom war an aod.

Izaia 60:9

Emañ an inizi en gortoz ac'hanon, listri Tarsiz da gentañ, evit degas da vibien a-ziabell gant o arc'hant hag o aour, abalamour da anv an AOTROU da Zoue ha da anv Sant Israel en deus roet gloar dit.

Jeremiaz 10:9

Arc'hant plaket degaset eus Tarsiz, hag aour eus Ufaz, a zo lakaet gant ur c'hizeller ha daouarn un orfebour. Al limestra hag an tane eo o dilhad. Holl int oberennoù tud ijinus.

Ezekiel 2:8

Met te, mab an den, selaou ar pezh a lavaran dit, na vez ket disent evel an ti disent-mañ. Digor da c'henoù ha debr ar pezh a roan dit.

Ezekiel 27:12

Tarsiz he deus graet kenwerzh ganit en abeg da'z pinvidigezhioù a bep seurt, o pourvezañ da varc'hadoù gant arc'hant, houarn, staen ha plom.

Ezekiel 3:14

Ar Spered am savas hag am dezougas, hag ez aen kuit c'hwerv, gant fulor em spered. Met dorn an AOTROU a oa gant galloud warnon.

Jonaz 1:10

An dud-se a voe leuniet eus un aon bras, hag e lavarjont dezhañ: Perak ec'h eus graet kement-se? Rak an dud-se a ouie e tec'he pell diouzh dremm an AOTROU, dre m'en doa en disklêriet dezho.

Jonaz 4:2

Hag e pedas an AOTROU o lavarout: AOTROU! Ha n'eo ket-se a lavaren pa oan c'hoazh em bro? En abeg da-se eo e felle din da gentañ tec'hout da Darsiz. Rak gouzout a raen ez out un Doue trugarezus ha truezus, gorrek da gounnariñ ha fonnus e madelezh, hag ec'h eus keuz d'an droug.

Sant Lucas 9:62

Jezuz a respontas dezhañ: An hini a laka e zorn war an arar hag a sell war e lerc’h, n’eo ket dereat evit rouantelezh Doue.

Actou an Ebestel 15:38

Met Paol ne gavas ket dereat kemer ganto an hini en doa o c’huitaet pa oant e Pamfilia ha n’en doa ket o heuliet en o oberennoù.

Actou an Ebestel 26:19

Dre-se, roue Agrippa, ne’m eus ket enebet ouzh ar weledigezh neñvel,

Actou an Ebestel 9:36

Bez’ e oa e Jope un diskiblez anvet Tabita, da lavarout eo Dorkaz. Ober a rae kalz a oberoù mat hag a aluzenoù.

Actou an Ebestel 9:38

Evel ma’z emañ Lidda tost ouzh Jope, an diskibien, o vezañ gouezet e voe Pêr eno, a gasas daou zen d’e gavout ha d’e bediñ da zont hep dale d’o zi.

Actou an Ebestel 9:42

Kement-se a voe anavezet dre holl gêr Jope ha kalz a gredas en Aotrou.

Actou an Ebestel 9:43

Pêr a chomas meur a zevezh e Jope e ti ur c’hourrezer anvet Simon.

1 Korintiz 9:16

Mar prezegan an Aviel, ne’m eus ket lec’h da dennañ gloar a gement-se, rak dalc’het on d’henn ober ha gwalleur din ma ne brezegan ket an Aviel!

2 Tesalonikiz 1:9

Gouzañv a raint o c’hastiz, ur gollidigezh peurbadus pell diouzh dremm an Aotrou ha diouzh gloar e c’halloud,

Jozue 19:46

Me-Jarkon, Rakkon, hag an harz a oa a-dal da Jafo.