Jeremiaz 1:17 - Bibl Koad 21: Ar Bibl e Brezhoneg evit ar Vretoned

¹⁷ Te eta, gouriz da zivgroazell ha sav, lavar dezho kement a c'hourc'hemennin dit. Na'z pez ket spont dirazo, gant aon na spontfen ac'hanout dirazo.

Jeremiaz 1:17 Referencias Cruzadas

1 Rouaned 18:46

Dorn an AOTROU a voe war Elia, a c'hourizas e zivgroazell hag a redas dirak Akab betek mont-tre Jizreel.

2 Rouned 1:15

Ael an AOTROU a lavaras da Elia: Diskenn gantañ, na'z pez ket aon dirazañ. Sevel a reas eta, hag e tiskennas gantañ da gavout ar roue.

2 Rouned 4:29

Elizea a lavaras da C'hehazi: Gouriz da zivgroazell, kemer va bazh ez torn, ha kae. Mar kavez unan bennak, n'en saludi ket, mar salud unan bennak ac'hanout, ne responti ket dezhañ, hag e lakai va bazh war zremm ar bugel.

2 Rouned 9:1

Ar profed Elizea a c'halvas unan eus mibien ar brofeded hag a lavaras dezhañ: Gouriz da zivgroazell, kemer ez torn ar vuredad eoul-mañ, ha kae da Ramod-Galaad.

Levr Job 38:3

Gouriz da lounezhi bremañ evel un den kalonek, rak da c'houlennata a rin hag am c'helenni.

Ermaeziadeg 3:12

Hag e lavaras: Me a vo ganit, ha setu amañ evit sin dit eo me a gas ac'hanout: Pa ez po degaset va fobl kuit eus an Ejipt, e servijot Doue war ar menez-mañ.

Ermaeziadeg 7:2

Te a lavaro kement a c'hourc'hemennin dit, hag Aaron da vreur a gomzo da Faraon, evit ma lezo mibien Israel da vont er-maez eus e vro.

Jeremiaz 1:18

Rak setu, e lakaan ac'hanout hiziv evel ur gêr greñv, evel ur peul houarn, evel ur voger arem, a-enep an holl vro, a-enep rouaned Juda, a-enep e bennoù, a-enep e aberzhourien, a-enep pobl ar vro.

Jeremiaz 17:18

Ra vo mezhek ar re a heskin ac'hanon, ha ra ne vin ket mezhek! Ra vint spouronet, ha ra ne vin ket spouronet! Degas deiz ar gwalleur warno, ha sko warno gant ur gouli daougementet.

Jeremiaz 23:28

Ur profed en deus bet un huñvre, ra zisklêrio e huñvre, hag an hini en deus bet va c'homz, ra lavaro va c'homz e gwirionez. Petra en deus ar plouz d'ober gant ar gwinizh? eme an AOTROU.

Jeremiaz 26:12

Jeremiaz a gomzas ouzh an holl briñsed hag ouzh an holl bobl o lavarout: An AOTROU eo en deus va c'haset da brofediñ a-enep an ti-mañ hag a-enep ar gêr-mañ an holl gomzoù hoc'h eus klevet.

Jeremiaz 26:2

Evel-henn e komz AOTROU: En em zalc'h war leurenn ti an AOTROU, ha lavar da holl gêrioù Juda a zeu da stouiñ e ti an AOTROU an holl gomzoù am eus gourc'hemennet dit lavarout dezho; na lam ket ur ger.

Jeremiaz 36:8

Ha Baruk mab Nerija a reas kement en doa gourc'hemennet dezhañ ar profed Jeremiaz, hag e lennas el levr komzoù an AOTROU e ti an AOTROU.

Klemmganoù 3:57

En deiz ma em eus da c'halvet, tostaet ec'h eus en ur lavarout: Na'z pez ket aon!

Jonaz 3:2

Sav, kae da Ninive ar gêr vras, hag embann enni ar c'hemennad a lavaran dit.

Sant Lucas 12:35

Ra vo ho tivgroazell gourizet hag ho lampoù war enaou.

Actou an Ebestel 20:20

Gouzout a rit penaos ne’m eus kuzhet netra eus an traoù a oa talvoudus deoc’h, ha ne’m eus ket manket d’o disklêriañ deoc’h ha d’ho kelenn dirak an holl hag eus an eil ti d’egile,

Actou an Ebestel 20:27

rak disklêriet em eus deoc’h holl guzul Doue, hep kuzhat netra.

1 Korintiz 9:16

Mar prezegan an Aviel, ne’m eus ket lec’h da dennañ gloar a gement-se, rak dalc’het on d’henn ober ha gwalleur din ma ne brezegan ket an Aviel!

1 Tesalonikiz 2:2

Petra bennak ma hor boa gouzañvet poanioù diagent ha resevet dismegañsoù e Filipi, evel ma ouzoc’h, hon eus kemeret hardizhegezh en hon Doue evit prezeg deoc’h Aviel Doue e-kreiz stourmoù bras.

1 Pêr 1:13

Dre-se gourizit divgroazell ho klevidigezh, bezit poellek, gortozit gant un esperañs peurvat ar c’hras a vo degaset deoc’h da emziskuliadur Jezuz-Krist,