Izaia 26:7 - Bibl Koad 21: Ar Bibl e Brezhoneg evit ar Vretoned

⁷ Hent an hini reizh a zo eeun, hag e plaenaez e hent d'an den reizh.

Izaia 26:7 Referencias Cruzadas

1 Danevelloù 29:17

Gouzout a ran, va Doue, e furchez ar galon hag e kavez plijadur en eeunder. En eeunder va c'halon eo em eus kinniget a-youl-vat an holl draoù-se, ha gwelet em eus gant levenez da bobl en em gav amañ, kinnig dit profoù a-youl-vat.

Levr Job 31:6

ra bouezo Doue ac'hanon gant ur valañs just, hag ec'h anavezo va eeunder.

Salmoù 1:6

rak an AOTROU a anavez hent ar re reizh, met hent ar re zrouk a yelo da goll.

Salmoù 11:4

An AOTROU a zo e templ e santelezh. An AOTROU en deus e dron en neñvoù, e zaoulagad a sell, e valvennoù a furch mibien an dud.

Salmoù 11:7

Rak an AOTROU reizh a gar ar reizhder; an dud eeun a sello ouzh e zremm.

Salmoù 25:4

AOTROU, ro din da anavezout da hentoù, kelenn din da wenodennoù.

Salmoù 25:5

Gra din kerzhout en da wirionez ha va desk, rak te eo Doue va dieubidigezh, ha bemdez emaon en gortoz ac'hanout.

Salmoù 27:11

AOTROU, desk din da hent, va ren dre ar wenodenn eeun, abalamour da'm enebourien.

Salmoù 5:9

AOTROU, va ren dre da reizhder abalamour da'm enebourien, plaena da hent dirazon.

Krennlavarioù 11:5

Reizhder an den mat a ra eeun e hent, met an hini drouk a gouezho en abeg d'e fallagriezh.

Krennlavarioù 20:7

An den reizh a gerzh en e eeunder, e vibien a zo benniget war e lerc'h.

Krennlavarioù 21:8

Hent an hini kablus a zo troidellus, met an den didamall a labour gant eeunder.

Krennlavarioù 3:6

anavez-eñ ez holl hentoù, hag e reno da wenodennoù.

Krennlavarioù 4:18

met gwenodenn ar re reizh a zo evel ar sklêrijenn lugernus, a gresk he sked betek an deiz peurvat.

Izaia 30:18

Koulskoude an AOTROU a c'hortoz evit ober trugarez deoc'h, sevel a raio evit kaout truez ouzhoc'h. Rak un Doue reizh eo an AOTROU, eürus eo ar re holl a zo en gortoz anezhañ!

Izaia 35:8

Eno e vo un hent, ur wenodenn, a vo anvet hent ar santelezh, na dremeno ket drezañ an hini dic'hlan. Bez' e vo evito o-unan, hag ar re a gerzho en hent-se, zoken ar re ziskiant, n'en em ziankint ket.

Izaia 42:16

Lakaat a rin an dalled da gerzhout dre un hent n'anavezont ket, o renin dre wenodennoù dianav dezho, dirazo e trein an deñvalijenn e sklêrijenn, an traoù kamm e traoù eeun; kement-se a rin dezho, ha ne zilezin ket anezho.

Izaia 52:12

Ned eot ket er-maez gant hast, ha ne gerzhot ket en ur dec'hout, rak an AOTROU a yelo dirazoc'h, ha Doue Israel a vo ho kward a-dreñv.

Izaia 57:2

Mont a raio er peoc'h. Diskuizhañ a raio war e wele an hini en devo kerzhet war an hent eeun.

Jeremiaz 10:23

AOTROU, gouzout a ran n'eo ket dioutañ hent an den, ha n'eo ket e galloud an hini a gerzh da ren e gammedoù.

Ozea 14:9

Piv a zo fur? Ra gompreno an traoù-mañ! Piv a zo skiantek? Ra anavezo anezho! Rak hentoù an AOTROU a zo eeun, ar re reizh a gerzho enno, met ar re disent a gouezho enno.

Sofonia 3:5

An AOTROU a zo reizh en he c'hreiz, ne ra ket a zireizhder. Bep mintin e laka e varnedigezhioù er sklêrijenn, ha ne vank ket d'henn ober, met an den direizh n'anavez ket ar vezh.

1 Korintiz 4:5

Dre-se na varnit netra a-raok an amzer, betek ma teuio an Aotrou, a lakaio da vezañ sklaer an traoù kuzhet en deñvalijenn hag a ziskulio soñjoù ar c’halonoù. Neuze Doue a roio da bep hini e veuleudi.

2 Korintiz 1:12

Rak ar pezh a ra hor gloar eo en testeni-mañ eus hor c’houstiañs penaos omp en em renet er bed, ha dreist-holl en ho keñver, gant eeunder ha gwirionded dirak Doue, nann gant ur furnez kigel, met gant gras Doue.

Efeziz 2:10

Rak ni a zo e labour, o vezañ bet krouet e Jezuz-Krist evit an oberoù mat en deus Doue kempennet diaraok, evit ma kerzhimp enno.

1 Yann 3:10

E kement-mañ eo e teu bugale Doue ha bugale an diaoul d’en em reiñ da anavezout: piv bennak ne ra ket ar reizhder n’eo ket eus Doue, na kennebeut an hini na gar ket e vreur.

1 Yann 3:7

Bugale vihan, ra ne douello den ac’hanoc’h. An hini a ra ar reizhder a zo reizh evel ma’z eo e-unan reizh.