Izaia 15:2 - Bibl Koad 21: Ar Bibl e Brezhoneg evit ar Vretoned

² Pignat a reer war-zu Bajid ha war-zu Dibon, war an uhellec'hioù da ouelañ. Moab a hirvoudo war Nebo ha war Nedeba, an holl bennoù a vo touzet, an holl varvoù a vo troc'het.

Izaia 15:2 Referencias Cruzadas

2 Samuel 10:4

Hag Hanun a dapas servijerien David, a douzas dezho an hanter eus o barv, a droc'has an hanter eus o dilhad betek krec'h an divorzhed, hag o c'hasas kuit.

1 Danevelloù 19:4

Hag Hanun a dapas servijerien David, a douzas anezho, a droc'has o dilhad dre ar c'hreiz betek krec'h an divorzhed, hag o c'hasas kuit.

Levr Job 1:20

Neuze Job a savas, hag e rogas e vantell, e touzas e benn, e kouezhas d'an douar, e stouas

Izaia 14:31

Yud, dor! Garm, kêr! Bez holl er spouron, douar ar Filistined! Rak eus an hanternoz e teu ur moged, pep hini o terc'hel e renk ennañ.

Izaia 15:3

Er straedoù o devo gwisket seier, war an toennoù ha war al leurioù pep hini a yudo hag a zirollo da ouelañ.

Izaia 16:12

Moab a zo aet skuizh da vont war an uhellec'hioù, mont a raio er santual da bediñ, met ne c'hello kaout netra.

Izaia 16:7

Ra hirvoudo Moab war Voab, ra hirvoudo pep tra e-barzh! War zistrujoù Kir-Haresed e c'hlac'harint digalonekaet holl.

Izaia 22:12

E-pad ma c'halve an Aotrou, AOTROU an armeoù, da ouelañ en deiz-se, da huanadiñ, da douzañ ho pennoù, da c'hourizañ ar sac'h,

Izaia 3:24

Hag e-lec'h c'hwez-vat e vo flaer, e-lec'h gourizoù e vo kerdin, e-lec'h blev rodellet o devo pennoù moal, e-lec'h saeoù ledan e vint gronnet e seier, saotroù a vo e-lec'h kaerder.

Jeremiaz 3:21

Ur vouezh a voe klevet war an uhellec'hioù, goueladegoù ha garmoù mibien Israel, rak gwashaet o deus o hentoù, hag ankounac'haet o deus an AOTROU o Doue.

Jeremiaz 47:2

Evel-henn e komz an AOTROU: Setu doureier a bign eus an hanternoz; dont a reont da vezañ ur froud o tic'hlannañ, hag e tic'hlannint war ar vro ha war ar pezh a zo enni, ar c'hêrioù hag ar re o chom enno. An dud a laosko kriadennoù, hag holl bobl ar vro a yudo.

Jeremiaz 47:5

Gaza a zo deuet da vezañ moal, Askalon a dav gant nemorant o zraonienn. Betek pegeit en em ri flañchoù?

Jeremiaz 48:1

Diwar-benn Moab, evel-henn e komz AOTROU an armeoù, Doue Israel: Gwalleur da Nebo, rak gwastet eo! Kirjataim a zo mezhek, tapet eo. Ar gêr greñv a zo mezhet ha spontet.

Jeremiaz 48:18

Diskenn eus da c'hloar hag azez war an douar krazet, annezadez, merc'h Dibon! Rak distrujer Moab a bign a-enep dit, diskaret en deus da greñvlec'hioù.

Jeremiaz 48:31

Setu perak e hirvoudin war Voab, garmiñ a rin diwar-ben Moab a-bezh. War dud Kir-Heres e huanador.

Jeremiaz 48:35

Me a raio, eme an AOTROU, na vo den ebet ken e Moab o pignat war an uhellec'hioù evit kinnig ezañs d'e zoueoù.

Jeremiaz 49:3

Yud, Hesbon! Rak Ai a zo distrujet. Garmit, merc'hed Rabba, gwiskit ar sac'h, hirvoudit, redit amañ hag ahont a-hed ar mogerioù! Rak Malkam a yelo d'an harlu gant e aberzhourien hag e bennoù.

Jeremiaz 7:29

Touz da vlev ha taol anezho pell, ha disklêr ur werz war an tosennoù, rak an AOTROU en deus taolet kuit ha dilezet rummad e gounnar.

Ezekiel 27:31

hag e touzint o fenn en abeg dit, hag en em c'hourizint a seier, hag e ouelint warnout gant c'hwervoni en o ene, ha gant ur glac'har bras,

Ezekiel 30:2

Mab an den, ro da brofediezh ha lavar: Evel-henn e komz an Aotrou AOTROU: Yudit: Devezh paour!

Ezekiel 7:18

En em c'hourizañ a raint gant seier, ar spouron o goloio, ar vezh a vo war o holl zremmoù, o holl bennoù a vo touzet.

Leviegezh 13:40

Pa en devo un den e benn dibourvez a vlev, ur moal eo, glan eo.

Leviegezh 21:5

Ne raint ket a lec’hioù moal war o fenn, ne douzint ket kornioù o barv, ne raint flañch ebet en o c’hig.

Amoz 8:10

Treiñ a rin ho kouelioù e kañvoù, hag hoc'h holl ganaouennoù e klemmganoù; lakaat a rin ar sac'h war an holl groazelloù, hag ar moalder war an holl bennoù, hag e lakain ar vro e kañv evel evit ur mab nemetañ, hag an diwezh a vo evel un devezh a c'hwervder.

Niveroù 21:28

Un tan a zo deuet er-maez eus Hesbon, ur flamm eus kêr Sihon, pulluc'het eo bet Ar-Moab, mestroù krec'hioù an Arnon.

Niveroù 21:30

Strinket hon eus warno, Hesbon a zo kollet betek Dibon, distrujet holl hon eus betek Nofak, betek Medeba.

Niveroù 32:3

Atarod, Dibon, Jaezer, Nimra, Hesbon, Eleale, Sebam, Nebo, Beon,

Niveroù 32:38

Nebo, Baal-Meon, a voe cheñchet o anv, Sibma; hag e rojont anvioù d'ar c'hêrioù a savjont.

Adlezenn 14:1

Mibien an AOTROU ho Toue emaoc'h-c'hwi. N'en em reot flañch ebet ha n'en em douzot ket etre ho taoulagad evit unan marv.

Adlezenn 34:1

Moizez a bignas eus plaenennoù Moab war menez Nebo, war-lein ar Pisga, a-dal da Jeriko. An AOTROU a ziskouezas dezhañ an holl vro,