Izaia 12:4 - Bibl Koad 21: Ar Bibl e Brezhoneg evit ar Vretoned

⁴ Hag e lavarot en deiz-se: Meulit an AOTROU! Galvit e anv! Embannit e-touez ar pobloù e oberoù bras! Degasit da soñj e anv uhel-meurbet!

Izaia 12:4 Referencias Cruzadas

1 Danevelloù 16:8

Meulit an AOTROU , pedit e anv, roit da anavezout e-touez ar pobloù e oberoù bras!

1 Danevelloù 29:11

Dit-te, AOTROU , eo ar vrasted, an nerzh, ar c'hloar, ar beurbadelezh hag ar veurdez, rak kement a zo en neñvoù ha war an douar a zo dit. Dit-te, AOTROU , eo ar rouantelezh, ha te en em sav e pennroue dreist pep tra.

Nehemia 9:5

Hag al Levited Jezua, Kadmiel, Bani, Hashabnia, Sherebia, Hodija, Shebania ha Petakja a lavaras: Savit, bennigit an AOTROU ho Toue a holl viskoazh da holl viken! Ra vo benniget da anv glorius, a zo savet uheloc'h eget pep bennozh ha pep meuleudi!

Salmoù 105:1

Meulit an AOTROU, pedit e anv, roit da anavezout e-touez ar pobloù e oberoù bras!

Salmoù 107:22

Ra ginnigint aberzhoù a drugarekadennoù, ha ma tisklêrint e oberennoù o kanañ gant levenez.

Salmoù 113:5

Piv a zo heñvel ouzh an AOTROU hon Doue, o chom el lec'hioù uhel-meurbet,

Salmoù 148:13

Ra veulint anv an AOTROU, rak e anv hepken a zo uhel. Emañ e veurded dreist an douar hag an neñvoù!

Salmoù 18:46

mibien an diavaeziad a sempl, hag a ya er-maez eus o repu en ur grenañ.

Salmoù 21:13

rak lakaat a ri anezho da dec'hout, stegnañ a ri da wareg a-enep o dremm.

Salmoù 22:31

An diskennidi a servijo anezhañ, ha komzet e vo diwar-benn an Aotrou d'ar rummad da zont.

Salmoù 34:3

Va ene a gavo gloar en AOTROU, ar re hegarat a glevo hag a laouenaio.

Salmoù 40:5

Eürus an den a laka e fiziañs en AOTROU, ha na zistro ket da gavout ar re lorc'hus hag ar re en em ro d'ar gaou!

Salmoù 46:10

Lakaet en deus ar brezelioù da baouez betek penn an douar, terriñ a ra ar gwaregoù ha bruzunañ ar goafioù, deviñ a ra ar c'hirri en tan.

Salmoù 57:5

Va ene a zo e-touez al leoned, emaon o chom e-touez tud o c'hwezhañ flammoù, tud a zo o dent goafioù ha biroù, hag a zo o zeod ur c'hleze lemm.

Salmoù 68:5

Kanit da Zoue, meulit e anv, kempennit hent an hini a zeu er plaenennoù! An AOTROU eo e anv, laouenait dirazañ!

Salmoù 73:28

Met evidon, tostaat ouzh Doue eo va mad. Lakaet em eus va repu en Aotrou, an AOTROU, evit disklêriañ da holl oberennoù.

Salmoù 9:11

Ar re a anavez da anv a fizio ennout, rak ne zilezez ket ar re a glask ac'hanout, o AOTROU!

Salmoù 96:3

Disklêriit e c'hloar e-touez ar broadoù, e vurzhudoù e-touez an holl bobloù!

Salmoù 97:9

Rak te, o AOTROU, te eo ar Pennroue war an douar holl, te a zo savet uhel bras dreist an holl zoueoù.

Ermaeziadeg 15:2

An AOTROU eo va nerzh ha va meuleudi. Bet eo va dieuber. Va Doue eo, e veuliñ a rin. Doue va zad eo, e ganmeuliñ a rin.

Ermaeziadeg 33:19

An AOTROU a lavaras: Lakaat a rin da dremen va holl vadelezh dirak da zremm hag e kriin anv an AOTROU dirazout. Me a raio trugarez d'an hini a rin trugarez dezhañ hag em bo truez ouzh an hini am bo truez outañ.

Izaia 12:1

En deiz-se e lavari: Da veuliñ a ran, o AOTROU, rak kounnaret e oas em enep, met da gounnar a zo sioulaet, ha va frealzet ec'h eus.

Izaia 2:11

An daoulagad rok a vo izelaet, ha lorc'h an dud a vo diskaret, an AOTROU hepken a vo uhelaet en deiz-se.

Izaia 2:17

Lorc'h an dud a vo diskaret, ha rogentez ar re vras a vo izelaet, an AOTROU hepken a vo uhelaet en deiz-se.

Izaia 24:15

Meulit eta an AOTROU e sklêrijenn ar flammoù, hag anv an AOTROU Doue Israel en inizi ar mor.

Izaia 25:1

AOTROU, te eo va Doue! Da ganmeuliñ a rin, meuliñ a rin da anv, rak traoù burzhudus ac'h eus graet, da vennadoù bet divizet abaoe pell 'zo a zo sur ha gwirion.

Izaia 26:8

Ya, da c'hortozomp, o AOTROU, en hent da varnedigezhioù! Da anv ha da eñvor eo c'hoant hon ene.

Izaia 33:5

An AOTROU a zo uhelsavet rak emañ o chom el lec'hioù uhel; leuniet en deus Sion a eeunder hag a reizhder.

Izaia 42:12

Ra vo roet gloar d'an AOTROU, ha ra vo embannet e veuleudi en enezi!

Izaia 48:20

It er-maez eus Babilon, tec'hit diouzh ar Galdeiz! Roit da glevout gant youc'hadennoù, embannit kement-mañ, dougit kement-mañ betek penn an douar, lavarit: An AOTROU en deus dasprenet Jakob e servijer.

Izaia 66:19

Lakaat a rin ur sin en o zouez, hag e kasin o re a vo en em dennet etrezek ar broadoù, etrezek Tarsiz, Pul, Lud, tennerien wareg, Tubal, Javan, hag etrezek an inizi pell n'o deus biskoazh klevet komz diwar-benn va brud, na gwelet va gloar. Embann a raint va gloar e-touez ar broadoù.

Jeremiaz 50:2

Disklêriit e-touez ar broadoù hag embannit kement-se, savit ar banniel, embannit kement-se, na guzhit netra, lavarit: Babilon a zo tapet, Bel a zo mezhekaet, Merodak a zo torret. Hec'h idoloù a zo mezhekaet, he zoueoù a zo torret.

Malaki 1:11

Rak adalek ar sav-heol betek ar c'huzh-heol e vo bras va anv e-touez ar broadoù, hag e pep lec'h ma vo lakaet da vogediñ ha kinniget ur brofadenn c'hlan da'm anv. Rak va anv a vo bras e-touez ar broadoù, eme AOTROU an armeoù.

Sant Ian 17:26

Roet em eus da anavezout dezho da anv hag e roin anezhañ da anavezout dezho, evit ma vo enno ar garantez ac’h eus bet evidon ha ma vin enno.