Sant Ian 1:38 - Bibl Koad 21: Ar Bibl e Brezhoneg evit ar Vretoned

³⁸ Jezuz o vezañ distroet hag o welout e heulient anezhañ, a lavaras dezho: Petra a glaskit? Respont a rejont dezhañ: Rabbi, da lavarout eo Mestr, pelec’h e chomez?

Testamant Nevez 1897 (Jenkins)

³⁸ Jesus, o veza distroet, hag o velet ec’h heullient anezhan, a lavaraz dezhe: Petra a glaskit‐hu? Ar re‐man a respontaz: Rabbi, (da lavaret eo, mestr,) peleac’h emoud o choum?

Sant Ian 1:38 Referencias Cruzadas

1 Rouaned 10:8

Eürus eo da dud! Eürus da servijerien en em zalc'h bepred dirazout hag a selaou da furnez!

Salmoù 27:4

Goulennet em eus un dra hepken digant an AOTROU, hag e klaskin anezhi: Eo ma chomin e ti an AOTROU holl zeizioù va buhez, evit arvestiñ ouzh splannder an AOTROU, hag evit selleta e balez.

Krennlavarioù 13:20

An hini a ya gant ar re fur a zeuio fur, met keneil ar sodien en em gollo.

Krennlavarioù 3:18

Ar wezenn a vuhez ez eo evit ar re a stag outi, hag an holl re a vir anezhi a zo eürus.

Krennlavarioù 8:34

Eürus an den a selaou ac'hanon, a evesha war va dorioù bemdez, hag a vir postoù dor va zi!

Klemmganoù 5:19

Met te, AOTROU, te a chomo da viken, ha da dron a bado a oad da oad.

Sant Lucas 10:39

Houmañ he doa ur c’hoar anvet Mari, en em zalc’has azezet ouzh treid Jezuz hag a selaouas e gomzoù.

Sant Lucas 14:25

Evel ma yae ul lod bras a dud gantañ, e tistroas hag e lavaras dezho:

Sant Lucas 15:20

Sevel a reas hag ez eas da gavout e dad. Evel ma oa c’hoazh pell, e dad a welas anezhañ hag en doe truez outañ; o teredek, e lamas d’e c’houzoug hag e pokas dezhañ.

Sant Lucas 19:5

Jezuz, o vezañ deuet el lec’h-se hag o sevel e zaoulagad, a welas anezhañ hag a lavaras dezhañ: Zake, diskenn buan, rak ret eo din lojañ hiziv en da di.

Sant Lucas 22:61

An Aotrou, o vezañ distroet, a sellas ouzh Pêr. Ha Pêr en doe soñj eus komz an Aotrou ha penaos en doa lavaret dezhañ: A-raok ma kano ar c’hilhog, te az po va dinac’het teir gwech.

Sant Lucas 8:38

An den a oa aet kuit an diaouled anezhañ en pedas d’e lezel da vont gantañ. Met Jezuz a lakaas anezhañ da vont en-dro o lavarout:

Sant Ian 1:37

An daou ziskibl en klevas o komz evel-se hag a heulias Jezuz.

Sant Ian 1:39

Eñ a lavaras dezho: Deuit ha gwelit. Mont a rejont hag e weljont pelec’h e chome, hag e chomjont gantañ an deiz-se. War-dro an dekvet eur e oa.

Sant Ian 1:49

Natanael a respontas dezhañ: Mestr, te eo Mab Doue, te eo roue Israel.

Sant Ian 12:21

Dont a rejont da gavout Filip eus Betsaida e Galilea hag e c’houlennjont dioutañ: Aotrou, ni a garfe gwelout Jezuz.

Sant Ian 18:4

Jezuz, o c’houzout kement a dlee c’hoarvezout gantañ, a yeas en o raok hag a lavaras dezho: Piv a glaskit?

Sant Ian 18:7

Goulenn a reas c’hoazh outo: Piv a glaskit? Hag int a lavaras: Jezuz a Nazared.

Sant Ian 3:2

Hemañ a zeuas en noz da gavout Jezuz hag a lavaras dezhañ: Mestr, ni a oar ez out un doktor deuet a-berzh Doue, rak den ne c’hell ober ar mirakloù-se a rez, nemet e vefe Doue gantañ.

Sant Ian 3:26

Dont a rejont da gavout Yann hag e lavarjont dezhañ: Mestr, an hini a oa ganit d’an tu all d’ar Jordan hag ac’h eus roet testeni dezhañ, setu, e vadez hag an holl a ya d’e gavout.

Sant Ian 4:31

Koulskoude e ziskibien a dostaas outañ hag a lavaras: Mestr, debr.

Sant Ian 6:25

O vezañ e gavet en tu all d’ar mor, e lavarjont dezhañ: Mestr, pegoulz out en em gavet amañ?

Actou an Ebestel 10:21

Pêr a ziskennas da gavout an dud degaset dezhañ a-berzh Korneli hag a lavaras: Setu, me eo an hini a glaskit, evit petra hoc’h eus deuet?

Actou an Ebestel 10:29

Dre-se, o vezañ bet galvet, on deuet hep arvar. Goulenn a ran eta ouzhoc’h evit petra hoc’h eus va lakaet da zont.

Levr Rud 1:16

Ha Rud a lavaras: Na zoug ket ac'hanon da'z lezel, evit pellaat diouzhit, rak el lec'h ma'z i ez in, el lec'h ma chomi e chomin, da bobl a vo va fobl, ha da Zoue a vo va Doue,