Sant Ian 1:1 - Bibl Koad 21: Ar Bibl e Brezhoneg evit ar Vretoned

¹ Er penn-kentañ e oa ar Ger, hag ar Ger a oa gant Doue, hag ar Ger a oa Doue.

Testamant Nevez 1897 (Jenkins)

¹ Er pen‐kenta e oa ar Ger, hag ar Ger a oa gant Doue, hag ar Ger a oa Doue.

Sant Ian 1:1 Referencias Cruzadas

Geneliezh 1:1

Er penn-kentañ e krouas Doue an neñvoù hag an douar.

Salmoù 45:6

Da viroù a zo lemm, mont a raint da galon enebourien ar roue, pobloù a gouezho dindanout.

Izaia 7:14

Setu perak an AOTROU e-unan a roio deoc'h ur sin: Setu, ar werc'hez a vo brazez hag a c'hano ur mab, a vo anvet Emmanuel.

Izaia 9:6

Kreskiñ e c'halloud, reiñ ur peoc'h diziwezh da dron David ha d'e rouantelezh, evit en startaat hag en harpañ er varnedigezh hag er reizhder, adalek bremañ ha da viken, gred AOTROU an armeoù a raio kement-se.

Mazhev 1:23

Setu, ar werc’hez a vo brazez hag a c’hano ur mab a vo galvet Emanuel, da lavarout eo: Doue ganeomp.

Sant Lucas 24:53

hag e oant dalc’hmat en templ, o veuliñ hag o vennigañ Doue. Amen.

Sant Ian 1:14

Ar Ger a zo bet graet kig hag en deus chomet en hon touez, leun a c’hras hag a wirionez, ha gwelet hon eus e c’hloar, ur gloar evel hini ar Mab nemetañ deuet eus an Tad.

Sant Ian 1:18

Den n’en deus biskoazh gwelet Doue. Ar Mab nemetañ a zo en askre an Tad, eo an hini en deus e roet da anavezout.

Sant Ian 1:2

Er penn-kentañ e oa gant Doue.

Sant Ian 16:28

Me a zo deuet eus an Tad hag on deuet er bed. Lezel a ran a-nevez ar bed hag ez an da gavout an Tad.

Sant Ian 17:5

Bremañ, Tad, ro gloar din ennout da-unan, eus ar gloar-se am boa ennout a-raok ma voe graet ar bed.

Sant Ian 20:28

Tomaz a respontas dezhañ: Va Aotrou ha va Doue!

Sant Ian 8:58

Jezuz a lavaras dezho: E gwirionez, e gwirionez, me a lavar deoc’h, a-raok ma voe Abraham, emaon.

Romaned 9:5

a zo deuet eus lignez an tadoù, ha diouto eo deuet Krist hervez ar c’hig, an hini a zo Doue dreist an holl draoù, benniget da virviken. Amen.

Efeziz 3:9

hag evit lakaat gwelus dirak an holl roidigezh ar mister kuzhet a bep amzer e Doue en deus krouet an holl draoù dre Jezuz-Krist,

Filipiz 2:6

o vezañ e stumm Doue, n’en deus ket sellet evel ur preizh da dapout bezañ par da Zoue,

Koloseiz 1:15

Eñ eo skeudenn an Doue diwelus, ar c’hentañ-ganet eus an holl grouadelezh.

Koloseiz 1:17

Emañ a-raok pep tra, ha pep tra en em gendalc’h drezañ.

1 Timote 3:16

Hep arvar bras eo mister an doujañs-Doue: Doue a zo en em ziskouezet er c’hig, reishaet dre ar Spered, gwelet gant an aeled, prezeget e-touez ar broadoù, kredet er bed, savet er gloar.

Titus 2:13

o c’hortoz an esperañs benniget hag emziskouez gloar hon Doue bras ha Salver Jezuz-Krist,

Hebreed 13:8

Jezuz-Krist a zo an hevelep hini, dec’h, hag hiziv, ha da viken.

Hebreed 7:3

a zo hep tad, hep mamm, hep lignez, hep deroù a zeizioù na ziwezh a vuhez, met a zo rentet heñvel ouzh Mab Doue, a chom beleg da viken.

2 Pêr 1:1

Simon-Pêr, servijer hag abostol Jezuz-Krist, d’ar re o deus resevet da lod ur feiz ken prizius hag hon hini, dre reizhder hon Doue ha Salver Jezuz-Krist:

1 Yann 5:20

Ha gouzout a reomp ez eo deuet Mab Doue, en deus roet deomp skiant evit anavezout an Hini gwirion, hag emaomp en Hini gwirion-se, en e Vab Jezuz-Krist. Eñ eo an Doue gwirion hag ar vuhez peurbadus.

1 Yann 5:7

Rak bez’ ez eus tri a ro testeni en neñv, an Tad, ar Ger hag ar Spered-Santel, hag an tri-se a zo unan.

Apocalyps 1:11

a lavare: Me eo an Alfa hag an Omega, ar c’hentañ hag an diwezhañ, ar pezh a welez, skriv eñ en ul levr ha kas anezhañ d’ar seizh Iliz a zo en Azia, da Efez, da Smirna, da Bergam, da Diatira, da Sardiz, da Filadelfia ha da Laodikea.

Apocalyps 1:17

Pa welis anezhañ, e kouezhis d’e dreid evel marv. Lakaat a reas e zorn dehou warnon o lavarout din: Na’z pez ket aon! Me eo ar c’hentañ hag an diwezhañ,

Apocalyps 1:2

en deus disklêriet ger Doue ha testeni Jezuz-Krist, ha kement en deus gwelet.

Apocalyps 1:8

Me eo an Alfa hag an Omega, ar penn-kentañ hag an diwezh, eme an Aotrou Doue, an hini a zo hag a oa hag a zeu, an Holl-C’halloudeg.

Apocalyps 19:13

Gwisket eo gant ur vantell livet gant gwad. E anv a zo Ger Doue.

Apocalyps 2:8

Skriv da ael Iliz Smirna: Setu ar pezh a lavar ar c’hentañ hag an diwezhañ, an hini a zo bet marv hag a zo deuet adarre d’ar vuhez:

Apocalyps 21:6

Lavarout a reas din: Graet eo. Me eo an Alfa hag an Omega, ar penn-kentañ hag an diwezh. D’an hini en deus sec’hed, e roin evit netra eus mammenn an dour a vuhez.

Apocalyps 22:13

Me eo an Alfa hag an Omega, ar c’hentañ hag an diwezhañ, ar penn-kentañ hag an diwezh.

Apocalyps 3:14

Skriv da ael Iliz Laodikea: Setu ar pezh a lavar an Amen, an test feal ha gwirion, ar penn-kentañ eus krouidigezh Doue: