Hebreed 13:4 - Bibl Koad 21: Ar Bibl e Brezhoneg evit ar Vretoned

⁴ Ra vo an dimeziñ enoret gant an holl hag ar gwele hep hudurnez, rak Doue a varno ar c’hadaled hag an avoultrerien.

Testamant Nevez 1897 (Jenkins)

⁴ Ra vezo ar briedelez henoret gant an holl, hag ar gwele disouillet; rag Doue a varno an dud libertin hag an avoultrerien.

Hebreed 13:4 Referencias Cruzadas

Geneliezh 2:21

Neuze an AOTROU Doue a lakaas ur morgousk bras war Adam, hag e kouskas. Kemer a reas unan eus e gostezennoù hag e stardas ar c'hig en he lec'h.

Geneliezh 2:24

Setu perak an den a guitaio e dad hag e vamm hag en em stago ouzh e wreg, hag e vint ur c'hig hepken.

2 Rouned 22:14

Hilkija an aberzhour, Ahikam, Akbor, Shafan hag Asaja a yeas da gavout Hulda ar brofedez, gwreg Shallum mab Tikva mab Harhaz, diwaller an dilhad. Hi a oa e chom e Jeruzalem, en eil karter. Hag e komzjont outi.

Levr Job 31:12

un tan eo hag a lonk betek an distruj leun, hag en defe distrujet va holl c'hounid.

Izaia 8:3

Tostaet em eus ouzh ar brofedez, hag e koñsevas hag e c'hanas ur mab. An AOTROU a lavaras din: Galv anezhañ Maher-Shalal-Hash-Baz.

Leviegezh 15:18

Pa gousko ur vaouez gant un den a zeuio dioutañ sper kediadenn, en em walc’hint en dour, hag e vint dic’hlan betek an noz.

Leviegezh 18:20

Ne’z po ket darempred reizhel gant gwreg da nesañ evit en em saotrañ ganti.

Malaki 3:5

Hag e tostain ouzhoc'h evit ar varnedigezh, hag ec'h hastin testeniañ a-enep ar sorserien, a-enep an avoultrerien, a-enep ar re a dou e gaou, ar re a zalc'h gopr al labourer, a wask an intañvez hag an emzivad, a noaz d'an diavaeziad, ha na zouj ket ac'hanon, eme AOTROU an armeoù.

1 Korintiz 5:13

Diwar-benn re an diavaez, Doue o barn. Lamit an den fall eus ho touez.

1 Korintiz 6:18

Tec’hit diouzh an hudurniezh. Kement pec’hed a ra un den a zo er-maez eus ar c’horf, met an hini a ra hudurniezh a bec’h a-enep e gorf e-unan.

1 Korintiz 6:9

Ha n’ouzoc’h ket penaos an dud direizh n’o devo ket rouantelezh Doue da hêrezh? Arabat deoc’h en em dromplañ, nag ar re hudur, nag an idolourien, nag an avoultrerien, nag ar sodomiz, nag ar skilbaotred,

1 Korintiz 7:38

Evel-se, an hini a zimez anezhi a ra mat, hag an hini n’he dimez ket a ra gwelloc’h.

1 Korintiz 9:5

Ha n’hon eus ket ar gwir da gas ganeomp ur c’hoar a vefe hor pried, evel ma ra an ebestel all ha breudeur an Aotrou ha Kefaz?

2 Korintiz 5:10

Rak ret eo deomp holl mont dirak lez-varn Krist, evit ma resevo pep hini hervez ar mad pe an droug en devo graet o vezañ en e gorf.

Galated 5:19

Hogen oberoù ar c’hig a zo anat: bez’ int avoultriezh, loustoni, hudurniezh, gadaliezh,

Galated 5:21

avioù, muntroù, mezventi, dirolladegoù, hag traoù heñvel outo. Lavarout a ran deoc’h en a-raok evel ma em eus dija lavaret, penaos ar re a ra ar seurt traoù-se n’o devo ket rouantelezh Doue da hêrezh.

Efeziz 5:5

Rak anavezout a rit kement-mañ, penaos den gadal ebet, pe hudur, pe gwallc’hoantek hag a zo un idolour, n’en deus lod en hêrezh rouantelezh Krist ha Doue.

Adlezenn 22:22

Pa vo kavet un den o kousket gant ur wreg dimezet d'ur gwaz, e varvint o-daou, an den en devo kousket gant ar wreg hag ar wreg. Evel-se e vo lamet an droug diouzh Israel.

1 Tesalonikiz 4:6

ra chomo pep hini hep touellañ pe droukc’hoantaat e vreur en aferioù, rak an Aotrou eo ar veñjer eus an holl draoù-se evel ma hon eus henn lavaret hag henn testeniet deoc’h.

1 Timote 3:12

Ra vo an diagoned pried da ur wreg hepken, o c’houarn mat o bugale hag o ziegezh o-unan,

1 Timote 3:2

Ret eo eta d’an eskob bezañ didamall, pried d’ur wreg hepken, poellek, fur, kempenn, degemerus, gouest da gelenn,

1 Timote 3:4

o c’houarn mat e di e-unan, o terc’hel e vugale er sentidigezh hag e pep onestiz,

1 Timote 4:3

o tifenn dimeziñ hag o c’hourc’hemenn tremen hep boued krouet gant Doue evit bezañ kemeret en ur drugarekaat gant an dud feal hag ar re o deus anavezet ar wirionez.

1 Timote 5:14

Me a fell din eta ma timezfe ar re yaouank, m’o defe bugale, ma c’houarnfent o ziegezh, ha ma ne rofent d’an enebour lec’h ebet da zroukkomz,

Titus 1:6

mar en em gav unan bennak eno hag a vefe divlam, dimezet d’ur wreg hepken, o kaout bugale feal na vefent ket tamallet a ziroll nag a zisentidigezh.

Hebreed 12:16

ha ra ne vo gastaouer ebet na zisakr ebet evel Ezaü, a werzhas e zroed a vab henañ evit ur meuz.

Apocalyps 22:15

Met er-maez e vo ar chas, ar sorserien, ar re hudur, ar vuntrerien, an idolourien, ha piv bennak a gar hag a ra ar gaou.