Geneliezh 13:8 - Bibl Koad 21: Ar Bibl e Brezhoneg evit ar Vretoned

⁸ Abram a lavaras da Lot: Gant na vo ket, me az ped, tabut etre me ha te, nag etre va mesaerien ha da vesaerien, rak ni a zo breudeur.

Geneliezh 13:8 Referencias Cruzadas

Geneliezh 13:9

Ha n'emañ ket dirazout an holl vro? Pella eta diouzhin: mar kemerez a-gleiz, mont a rin a-zehou, ha mar kemerez a-zehou, mont a rin a-gleiz.

Geneliezh 14:14

Pa glevas Abram e oa prizoniad e vreur, ec'h armas tri c'hant triwec'h eus e dud leal, ganet en e di, hag ez eas war-lerc'h ar rouaned-se betek Dan.

Geneliezh 45:24

Kas a reas eta e vreudeur kuit, ha pa'z ejont e lavaras dezho: Na dabutit ket en hent.

Geneliezh 46:34

e lavarot: Da servijerien o deus maget dalc'hmat loened abaoe hon yaouankiz betek bremañ, ni hag hon tadoù. Evel-se e chomot e bro C'hoshen, rak an Ejipsianed o deus euzh ouzh an holl vesaerien.

Salmoù 133:1

Kanaouenn ar "Maalod"; eus David. Setu, pegen brav, pegen dous eo evit breudeur chom unanet asambles.

Ermaeziadeg 2:13

Mont a reas er-maez an deiz war-lerc'h, ha setu e oa daou zen hebreat ouzh en em gannañ. Lavarout a reas d'an hini a oa ar gaou gantañ: Perak e skoez war da nesañ?

Krennlavarioù 15:1

Ur respont habask a sioula ar fulor, met ur gomz kalet a atiz ar gounnar.

Krennlavarioù 15:18

An den taer a atiz an tabutoù, met an hini a zo gorrek da gounnariñ a sioula ar stourmadegoù.

Krennlavarioù 20:3

Un enor eo evit un den en em virout diouzh an tabutoù, met pep diskiant en em ro dezho.

Mazhev 5:9

Eürus ar re a zegas ar peoc’h, rak bugale Doue e vint galvet!

Actou an Ebestel 7:26

An deiz war-lerc’h, en em ziskouezas dezho e-pad ma en em gannent hag ec’h alias anezho da vezañ e peoc’h o lavarout: Tud, breudeur oc’h, perak en em wallgasit an eil egile?

Romaned 12:10

E-keñver ar garantez a vreur, bezit leun a deneridigezh an eil evit egile. En em ziaraogit oc’h en em enoriñ an eil egile.

Filipiz 2:14

Grit pep tra hep grozmolat na tabutal,

1 Tesalonikiz 4:9

E keñver ar garantez etre breudeur, n’hoc’h eus ket ezhomm e vefe skrivet deoc’h, rak hoc’h-unan hoc’h eus desket digant Doue karout an eil egile,

Hebreed 12:14

Klaskit ar peoc’h gant an holl hag ar santelezh na welo den hepti an Aotrou,

Hebreed 13:1

Ra bado ar garantez a vreudeur.

1 Pêr 1:22

O vezañ sentet ouzh ar wirionez dre ar Spered, hoc’h eus glanaet hoc’h eneoù evit kaout ur garantez a vreur didroidell. En em garit gant dalc’h an eil egile gant ur galon c’hlan,

1 Pêr 2:17

Enorit an holl dud, karit an holl vreudeur, doujit Doue, enorit ar roue.

1 Pêr 3:8

A-hend-all, bezit holl eus un hevelep santad, truezus, oc’h en em garout evel breudeur, leun a drugarez, a volontez vat,

1 Pêr 4:8

Dreist-holl, ho pet an eil evit egile ur garantez birvidik, rak ar garantez a c’holoio un niver bras a bec’hedoù.

2 Pêr 1:7

gant an doujañs-Doue ar vadelezh a vreur, gant ar vadelezh a vreur ar garantez.

1 Yann 4:7

Re garet-mat, en em garomp an eil egile, rak ar garantez a zeu eus Doue, ha piv bennak a gar a zo ganet a Zoue hag a anavez Doue.

Ar Varnerien 9:26

Gaal mab Ebed a zeuas gant e vreudeur hag ez ejont betek Sichem. Pennoù Sichem a fizias ennañ.