Geneliezh 1:3 - Bibl Koad 21: Ar Bibl e Brezhoneg evit ar Vretoned

³ Doue a lavaras: Ra vo ar sklêrijenn. Hag ar sklêrijenn a voe.

Geneliezh 1:3 Referencias Cruzadas

Geneliezh 2:4

Setu ginivelezhioù an neñvoù hag an douar pa voent krouet, en deiz ma reas an AOTROU Doue an douar hag an neñvoù.

Levr Job 36:30

Setu, astenn a ra en-dro dezhañ e sklêrijenn, hag e c'holo donder ar morioù.

Levr Job 38:19

Pelec'h emañ hent chomlec'h ar gouloù? Pelec'h emañ chomlec'h an deñvalijenn,

Salmoù 104:2

En em baket er sklêrijenn evel un dilhad, ec'h astenn an neñvoù evel un deltenn,

Salmoù 118:27

An AOTROU eo Doue hag en deus hor sklêrijennet. Liammit gant kerdin loen an aberzh, degasit anezhañ betek kerniel an aoter.

Salmoù 148:5

Ra veulint anv an AOTROU, rak urzhiet en deus hag int bet krouet.

Salmoù 33:6

An neñvoù a zo bet graet dre gomz an AOTROU, hag o holl arme dre c'hwezh e c'henoù.

Salmoù 33:9

Rak komz a ra hag an dra a zo graet, gourc'hemenn a ra hag e c'hoarvez.

Salmoù 97:11

Ar sklêrijenn a zo hadet evit an hini reizh, hag al levenez evit ar re a zo eeun a galon.

Izaia 45:7

Me a stumm ar sklêrijenn, me a grou an deñvalijenn, me a ra an eurvad, me a grou ar gwalleur, me an AOTROU a ra kement-se.

Izaia 60:19

An heol ne vo ken da sklêrijenn e-pad an deiz, gouloù al loar ne sklêrijenno ket ac'hanout, met an AOTROU a vo evidout ur sklêrijenn beurbadus, ha da Zoue a vo da c'hloar.

Mazhev 8:3

Jezuz a astennas e zorn, en stokas hag a lavaras dezhañ: Fellout a ra din, bez glanaet. Ha diouzhtu e lorgnez a voe glanaet.

Sant Ian 1:5

Ar sklêrijenn a lugern en deñvalijenn hag an deñvalijenn n’he deus ket he degemeret.

Sant Ian 1:9

ar sklêrijenn wirion hag a sklaera kement den a zeu er bed.

Sant Ian 11:43

Goude bezañ lavaret kement-se, e krias a vouezh uhel: Lazar, deus er-maez!

Sant Ian 3:19

Ha setu ar varnedigezh: ar sklêrijenn a zo deuet er bed hag an dud o deus karet muioc’h an deñvalijenn eget ar sklêrijenn, abalamour ma oa fall o oberoù.

2 Korintiz 4:6

Rak Doue, hag en deus lavaret: Ra sklêrijenno ar gouloù eus an deñvalijenn, a sklêrijenn hor c’halonoù evit lakaat anaoudegezh gloar Doue da lugerniñ war dremm Jezuz-Krist.

Efeziz 5:14

Dre-se eo lavaret: Dihun, te a zo kousket, sav a-douez ar re varv, ha Krist a lugerno warnout.

Efeziz 5:8

Rak gwechall e oac’h teñvalijenn, met bremañ oc’h sklêrijenn en Aotrou. Kerzhit eta evel bugale ar sklêrijenn,

1 Timote 6:16

an hini a zo dezhañ hepken an divarvelezh, a chom en ur sklêrijenn dreistdiraez, ne wel ket den ha ne c’hell ket den gwelout, a zo dezhañ an enor hag ar galloud peurbadus! Amen.

1 Yann 1:5

Kement-mañ eo an disklêriadur hon eus klevet digantañ hag a roomp da anavezout deoc’h: Doue a zo sklêrijenn ha n’eus teñvalijenn ebet ennañ.

1 Yann 2:8

Met ivez e skrivan deoc’h ur gourc’hemenn nevez, a zo gwir ennañ hag ennoc’h, rak an deñvalijenn a dremen hag ar sklêrijenn wirion a lugern dija.