Geneliezh 1:12 - Bibl Koad 21: Ar Bibl e Brezhoneg evit ar Vretoned

¹² An douar a broduas glasvez, geot o tougen o had hervez o rumm, gwez o tougen frouezh hag o doa o had enno o-unan hervez o rumm. Doue a welas e oa mat kement-se.

Geneliezh 1:12 Referencias Cruzadas

Geneliezh 1:11

Doue a lavaras: Ra broduo an douar glasvez, geot o tougen had, gwez-frouezh o tougen o frouezh hervez o rumm hag o devo o had enno o-unan war an douar. Hag evel-se e voe.

Geneliezh 1:13

Hag un abardaez, hag ur beure, a voe an trede deiz.

Salmoù 104:14

Lakaat a ra ar foenn da ziwanañ evit al loened, hag ar geot evit servij an den, o lakaat ar bevañs da zont eus an douar,

Izaia 61:11

Evel ma laka an douar da vountañ e ziwan, evel ma laka ul liorzh da greskiñ ar pezh a hader enni, evel-se an Aotrou AOTROU a lakaio ar reizhder hag ar veuleudi da greskiñ dirak an holl vroadoù.

Sant Marc 4:28

Rak an douar a ro anezhañ e-unan, da gentañ ar geot, goude an dañvouezenn, hag ar c’hreunenn en dañvouezenn.

Sant Lucas 6:44

Rak pep gwezenn a anavezer diouzh he frouezh hec’h-unan. Ne zastumer ket fiez diwar spern ha ne vendemer ket rezin diwar drez.

2 Korintiz 9:10

Hogen an hini a ro an had d’an hader ha bara dezhañ da zebriñ, a roio deoc’h hag a gresko deoc’h an had, hag e lakaio da greskiñ frouezh ho reizhder

Galated 6:7

N’en em dromplit ket, ne reer ket goap eus Doue. Ar pezh en devo un den hadet, a vedo ivez.

Hebreed 6:7

Rak un douar douret gant ar glav a gouezh warnañ alies hag a ro geot mat d’ar re a labour anezhañ, a resev ur vennozh digant Doue,