Galated 1:7 - Bibl Koad 21: Ar Bibl e Brezhoneg evit ar Vretoned

⁷ n’eo ket ma’z eus unan all, met bez’ ez eus tud ouzh ho trubuilhañ hag a fell dezho fallaat Aviel Krist.

Testamant Nevez 1897 (Jenkins)

⁷ n’eo ket ma’z euz eun aviel all, mes beza ez euz tud hag a laka ac’hanoc’h e nec’hamant, hag a fell dezhe distrei var an tugin Aviel ar C’hrist.

Galated 1:7 Referencias Cruzadas

Jeremiaz 23:26

Betek pegoulz e vo kement-se e kalon ar brofeded a zo o profediñ ar gaou? Profediñ a reont touellerezh o c'halon,

Jeremiaz 23:36

Met ne reot ken meneg eus: Diougan an AOTROU, rak komz pep hini a vo e ziougan; direizhet hoc'h eus komzoù an Doue bev, AOTROU an armeoù, hon Doue.

Mazhev 24:24

Rak fals-kristed ha fals-profeded a savo, hag e raint sinoù bras ha burzhudoù en hevelep doare ma tromplint, ma vije gallet, ar re zibabet o-unan.

Actou an Ebestel 13:10

hag a lavaras: O te, leun a bep tromplerezh hag a bep fallentez, mab an diaoul, enebour da bep reizhder, ha ne baouezi ket da zireizhañ hentoù eeun an Aotrou?

Actou an Ebestel 15:24

Evel ma hon eus anavezet penaos hiniennoù deuet eus hon touez o deus trubuilhet ac’hanoc’h gant o frezegennoù, o vrañsellat hoc’h eneoù en ur lavarout eo ret bezañ amdroc’het ha mirout al lezenn, ar pezh n’hon eus ket gourc’hemennet dezho,

Actou an Ebestel 20:30

ha penaos e savo en ho touez tud a brezego deoc’h kelennadurezhioù fall evit sachañ diskibien war o lerc’h.

2 Korintiz 11:13

Rak hevelep tud a zo fals-ebestel, labourerien tromplus dic’hizet en ebestel Krist.

2 Korintiz 2:17

Rak ne falsomp ket ger Doue evel ma henn gra kalz, met e komzomp evel gant gwirionded, evel a-berzh Doue, e Krist, dirak Doue.

2 Korintiz 4:2

Taolet hon eus kuit an traoù mezhus a guzher, o tremen hep bevañ dre droidell hag hep falsañ ger Doue, hag en em erbedomp hon-unan da bep koustiañs den dirak daoulagad Doue en ur ziskuliañ ar wirionez.

Galated 1:6

Souezhet on ho pefe dilezet ken buan an hini en deus ho kalvet da c’hras Krist evit heuliañ un aviel all,

Galated 2:4

Ha kement-se a c’hoarvezas abalamour d’ar fals-vreudeur antreet e kuzh en hon touez, deuet e-barzh evit spiañ al librentez hon eus e Jezuz-Krist, hag evit hol lakaat e sklaverezh.

Galated 4:17

Gredus int evidoc’h met nann gant eeunder, ha fellout a ra dezho ho tistagañ diouzhimp evit ma viot gredus evito.

Galated 5:10

Ar fiziañs-mañ am eus ennoc’h en Aotrou penaos ne soñjot ket en un doare all. Met an hini a drubuilh ac’hanoc’h a zougo ar poan a gement-se, n’eus forzh piv bennak eo.

Galated 5:12

Ra vo lamet kuit ar re a drubuilh ac’hanoc’h!

Galated 6:17

A-hend-all na zeuio den d’ober poan din, rak dougen a ran em c’horf merkoù an Aotrou Jezuz.

2 Timote 2:18

a zo en em bellaet diouzh ar wirionez en ur lavarout e vefe dija erruet an adsavidigezh a varv, hag e tiskaront feiz hiniennoù.

1 Yann 2:26

Skrivet em eus deoc’h an traoù-mañ diwar-benn ar re a douell ac’hanoc’h.

1 Yann 4:1

Re garet-mat, na gredit ket da bep spered, met amprouit ar speredoù evit gouzout hag int a zo a-berzh Doue, rak meur a fals-profed a zo deuet er bed.

2 Yann 1:10

Mar deu unan bennak d’ho kavout ha ne zegas ket gantañ ar gelennadurezh-se, na zegemerit ket anezhañ en ho ti ha na saludit ket anezhañ,

2 Yann 1:7

Rak meur a doueller a zo deuet e-barzh ar bed ha n’anzavont ket ez eo deuet Jezuz-Krist er c’hig. Hennezh eo an toueller hag an enepkrist.

S. Jud 1:4

Rak en em silet ez eus en ho touez hiniennoù a zo skrivet abaoe pell ’zo o c’hondaonidigezh, tud na zouj ket Doue, a dro gras hon Doue e dirollerezh, hag a zinac’h Doue ar Mestr hepken ha Jezuz-Krist hon Aotrou.

Apocalyps 12:9

An aerouant bras a voe taolet kuit, an naer gozh anvet an diaoul ha Satan, an hini a douell ar bed holl, taolet e voe war an douar hag e aeled a voe taolet gantañ.

Apocalyps 13:14

Touellañ a reas ar re a chome war an douar dre ar burzhudoù a oa bet roet dezhañ d’ober dirak al loen, o lavarout da dud an douar ober ur skeudenn d’al loen, an hini a oa c’hoazh bev goude bezañ resevet an taol digant ar c’hleze.

Apocalyps 19:20

Al loen a voe paket ha gantañ ar fals-profed, eñ hag en doa graet burzhudoù dirazañ hag en doa touellet drezo ar re o doa degemeret merk al loen hag azeulet e skeudenn. O daou e voent taolet bev er stank a dan o teviñ e-barzh ar soufr.

Apocalyps 2:2

Anavezout a ran da oberoù, da labour ha da basianted. Gouzout a ran penaos ne c’hellez ket gouzañv ar re zrouk, penaos ec’h eus amprouet ar re en em lavar ebestel ha n’int ket, hag ec’h eus kavet anezho gaouiat.

Apocalyps 2:20

Met traoù bennak am eus a-enep dit: lezel ar wreg Jezabel, en em lavar profedez, da gelenn ha da douellañ va servijerien evit o lakaat da gouezhañ er c’hadaliezh ha da zebriñ traoù aberzhet d’an idoloù.

Apocalyps 2:6

Koulskoude ec’h eus kement-mañ: kasaat a rez oberoù an Nikolaidi, a gasaan ivez.

Apocalyps 20:3

Teurel a reas anezhañ en donder hag e serras o lakaat ur siell warnañ, evit na douellje ken ar broadoù betek ma vije tremenet ar mil bloavezh. Goude-se, e tle bezañ diereet evit un nebeud amzer.