Filipiz 1:9 - Bibl Koad 21: Ar Bibl e Brezhoneg evit ar Vretoned

⁹ Pediñ a ran evit kement-mañ, evit ma kresko ho karantez muioc’h muiañ e pep anaoudegezh hag e pep skiant,

Testamant Nevez 1897 (Jenkins)

⁹ Hag ar pez a c’houlennan, eo ma cresko ho karantez mui‐ouz‐mui en gwiziegez hag en pep skiant;

Filipiz 1:9 Referencias Cruzadas

Levr Job 17:9

Met an den reizh a gendalc'ho gant e hent, hag an hini glan e zaouarn a greñvaio muioc'h-muiañ.

Salmoù 119:66

Desk din kaout furnez ha skiant, rak kredet em eus da c'hourc'hemennoù.

Krennlavarioù 4:18

met gwenodenn ar re reizh a zo evel ar sklêrijenn lugernus, a gresk he sked betek an deiz peurvat.

1 Korintiz 14:20

Breudeur, na vezit ket bugale er pezh a sell ouzh ho prederioù, met bezit bugale vihan e-keñver an droug hag, e-keñver ho prederioù, bezit tud c’hraet.

2 Korintiz 8:7

Evel ma fonnit e pep tra, e feiz, e ger, en anaoudegezh, e gred a bep doare, e karantez evidomp, fonnit ivez en oberenn-mañ a c’hras.

Efeziz 5:17

Dre-se na vezit ket hep poell, met komprenit petra eo bolontez an Aotrou.

Koloseiz 1:9

Setu perak ivez, abaoe an deiz ma hon eus klevet kement-se, n’hon eus ket paouezet da bediñ evidoc’h ha da c’houlenn ma vefec’h leuniet eus anaoudegezh e volontez, e pep furnez ha klevidigezh speredel,

Koloseiz 3:10

hag o vezañ gwisket an den nevez a zo nevesaet en anaoudegezh, hervez skeudenn e Grouer.

1 Tesalonikiz 3:12

ha ra lakaio ac’hanoc’h an Aotrou da greskiñ ha da fonnañ er garantez an eil e-keñver egile hag e-keñver an holl, evel ma hon eus-ni en ho keñver,

1 Tesalonikiz 4:1

A-hend-all, breudeur, goude bezañ desket ganeomp e peseurt doare eo ret en em ren evit plijout da Zoue, ni ho ped hag hoc’h ali start en Aotrou Jezuz ma fonnot e kement-se bepred muioc’h-muiañ.

2 Tesalonikiz 1:3

Breudeur, ret eo deomp trugarekaat Doue dalc’hmat evidoc’h, evel ma’z eo dereat, abalamour ma kresk ho feiz muioc’h-muiañ ha ma fonn ar garantez hoc’h eus an eil e-keñver egile,

Filemon 1:6

evit ma vo efedus oberenn da feiz nerzhus en ur lakaat da c’houzout an holl vat en em ra en ho touez e Jezuz-Krist.

Hebreed 5:14

Met ar boued kreñv a zo evit an dud en oad, evit ar re hag o deus dre gustum o skiant doareet da ziforc’hiñ ar mad diouzh an droug.

1 Pêr 1:22

O vezañ sentet ouzh ar wirionez dre ar Spered, hoc’h eus glanaet hoc’h eneoù evit kaout ur garantez a vreur didroidell. En em garit gant dalc’h an eil egile gant ur galon c’hlan,

2 Pêr 3:18

Met kreskit e gras hag en anaoudegezh hon Aotrou ha Salver Jezuz-Krist. Dezhañ ra vo ar gloar, bremañ hag evit ar beurbadelezh! Amen.