Ezdra 1:4 - Bibl Koad 21: Ar Bibl e Brezhoneg evit ar Vretoned

⁴ An holl re a van, e pep lec'h bennak ma'z emaint, ra sikouro tud al lec'h-se anezho gant arc'hant, aour, madoù, loened, en tu-hont d'ar profoù a youl vat a vo kinniget evit an ti eus Doue a zo e Jeruzalem.

Ezdra 1:4 Referencias Cruzadas

1 Danevelloù 29:17

Gouzout a ran, va Doue, e furchez ar galon hag e kavez plijadur en eeunder. En eeunder va c'halon eo em eus kinniget a-youl-vat an holl draoù-se, ha gwelet em eus gant levenez da bobl en em gav amañ, kinnig dit profoù a-youl-vat.

1 Danevelloù 29:3

Ha c'hoazh, em c'harantez evit ti va Doue, e roan evit ti va Doue, ouzhpenn an holl draoù am eus kempennet evit ti ar santual, aour hag arc'hant eus va zeñzor din va-unan:

1 Danevelloù 29:9

Ar bobl a voe laouen gant ar profoù a-youl-vat-se, rak ober a raent a-greiz o c'halon o frofoù a-youl-vat d'an AOTROU . Hag ar roue David a voe laouen-kenañ ivez.

2 Danevelloù 31:14

Al Leviad Kore mab Jimna, porzhier etrezek ar sav-heol, en doa mererezh ar profoù a-youl-vat kinniget da Zoue, evit lodennañ ar profoù savet d'an AOTROU hag an traoù santel-meurbet.

Ezdra 1:3

Piv ac'hanoc'h a zo eus e bobl? Ra vo e Zoue gantañ, ra bigno da Jeruzalem a zo e Juda, ra savo ti an AOTROU, Doue Israel, an Doue a zo e Jeruzalem.

Ezdra 1:5

Neuze pennoù tadoù Juda ha Benjamin, an aberzhourien hag al Levited, an holl re a zihunas Doue o spered, a savas evit pignat da sevel ti an AOTROU a zo e Jeruzalem.

Ezdra 9:15

AOTROU Doue Israel, te a zo reizh! Menel a reomp ur restad ac'hanomp oc'h achap, evel ma vez gwelet hiziv. Setu ni dirak da zremm gant hor pec'hed, ha ne c'hellfemp ket chom dirazout en abeg da-se.

Ermaeziadeg 35:29

Mibien Israel a zegasas d'an AOTROU profoù a volontez vat, ar wazed hag ar gwragez a lakae o c'halon anezho da lodenniñ el labour holl en doa gourc'hemennet an AOTROU dre c'henoù Moizez.

Izaia 10:21

An nemorant a zistroio, an nemorant eus Jakob, ouzh an Doue kreñv.

Actou an Ebestel 24:17

Goude meur a vloavezh, on deuet evit ober da’m broad aluzenoù ha profoù.

Galated 6:2

Dougit bec’hioù an eil egile hag e peurc’hrot evel-se lezenn Krist.