Ezdra 1:1 - Bibl Koad 21: Ar Bibl e Brezhoneg evit ar Vretoned

¹ D'ar c'hentañ bloaz eus Kiruz roue Persia, evit ma vefe sevenet komz an AOTROU lavaret dre Jeremiaz, an AOTROU a zihunas spered Kiruz roue Persia, a reas embann en e holl rouantelezh, ha zoken dre skrid, un urzh a lavare:

Ezdra 1:1 Referencias Cruzadas

Ezdra 1:5

Neuze pennoù tadoù Juda ha Benjamin, an aberzhourien hag al Levited, an holl re a zihunas Doue o spered, a savas evit pignat da sevel ti an AOTROU a zo e Jeruzalem.

Ezdra 4:3

Met Zorobabel, Jezua hag ar pennoù tadoù all eus Israel a lavaras dezho: N'eo ket dereat e savfemp, c'hwi ha ni, un ti d'hon Doue. Met ni hon-unan en savo d'an AOTROU Doue Israel, evel m'en deus gourc'hemennet deomp Kiruz roue Persia.

Ezdra 6:14

Henaourien ar Yuzevien a vañsone hag a rae berzh hervez profediezh Hagai ar profed ha Zakaria mab Iddo. Sevel a rejont eta hag e peurechujont, hervez urzh Doue Israel, hag hervez urzh Kiruz, Dariuz hag Artakserksez roue Persia.

Ezdra 6:22

Hag e lidjont gant levenez gouel ar bara hep goell e-pad seizh devezh, rak an AOTROU en doa o laouenaet, o vezañ distroet war-zu enno kalon roue Asiria, evit nerzhekaat o daouarn e labour ti Doue, Doue Israel.

Ezdra 6:3

Er bloaz kentañ eus ar roue Kiruz, ar roue Kiruz a roas an urzh-mañ diwar-benn ti Doue e Jeruzalem: Ra vo adsavet an ti-se evit bezañ ul lec'h ma vo kinniget aberzhoù, ha ra vo diazezet kreñv. E uhelder a vo tri-ugent ilinad hag e hirder tri-ugent ilinad,

Ezdra 7:27

Benniget ra vo an AOTROU, Doue hon tadoù, en deus lakaet kement-se e kalon ar roue evit enoriñ ti an AOTROU a zo e Jeruzalem,

Salmoù 106:46

Lakaet en deus anezho da gavout truez e-kichen an holl re o dalc'he er sklavelezh.

Krennlavarioù 21:1

Kalon ar roue a zo e dorn an AOTROU evel un dour-red, he zreiñ a ra da gement a fell dezhañ.

Izaia 44:28

me a lavar diwar-benn Kiruz: Va mesaer eo, kas a raio da benn va holl youl, lavarout a raio da Jeruzalem: Adsavet e vi, ha d'an templ: Diazezet e vi.

Izaia 45:1

Evel-henn e komz an AOTROU ouzh e olevad, ouzh Kiruz, an hini am eus kroget en e zorn dehou, evit mestroniañ dirazañ ar broadoù, evit dizeren gourizoù ar rouaned, evit digeriñ dirazañ an dorojoù, hag an dorojoù ne vint ket serret:

Jeremiaz 1:1

Komzoù Jeremiaz mab Hilkija, unan eus aberzhourien Anatod, e bro Venjamin.

Jeremiaz 29:10

Rak evel-henn e komz an AOTROU: Pa vo sevenet an dek vloaz ha tri-ugent evit Babilon, e weladennin ac'hanoc'h hag e sevenin va c'homz vat en ho keñver, evit ober deoc'h distreiñ d'al lec'h-mañ.

Ezekiel 38:5

Tud eus Persia, Kush ha Pud a zo ganto, o tougen skoedoù ha tokarnoù holl anezho.

Daniel 1:21

Evel-se e voe Daniel betek kentañ vloaz ar roue Kiruz.

Daniel 2:1

D'an eil bloaz eus ren Nebukadnezar, en doe Nebukadnezar huñvreoù. E spered a oa trubuilhet ha ne c'helle ken kousket.

Daniel 6:25

Neuze ar roue Dariuz a skrivas d'an holl bobloù, broadoù ha yezhoù, a oa o chom war an douar holl: Ra vo kresket ar peoc'h ganeoc'h!

Daniel 9:2

er c'hentañ vloaz eus e ren, me, Daniel, a gomprenas dre al levrioù penaos niver ar bloavezhioù en doa an AOTROU komzet diwarno dre ar profed Jeremia, evit kas da benn glac’haroù Jeruzalem, a oa dek vloaz ha tri-ugent.

Sant Ian 1:23

Eñ a lavaras: Me eo mouezh an hini a gri el lec’h distro: Grit eeun hent an Aotrou, evel m’en deus lavaret ar profed Izaia.