Daniel 1:2 - Bibl Koad 21: Ar Bibl e Brezhoneg evit ar Vretoned

² An AOTROU a lakaas etre e zaouarn Jojakim roue Juda ha darn eus listri ti Doue, a gasas da vro Shinear, da di e zoue. Lakaat a reas al listri-mañ e ti teñzor e zoue.

Daniel 1:2 Referencias Cruzadas

Geneliezh 10:10

Deroù e rouantelezh a voe Babel, Erek, Akkad ha Kalne, e Bro Shinear.

Geneliezh 11:2

Met c'hoarvezout a reas penaos, o vezañ aet eus tu ar sav-heol, e kavjont ur blaenenn e bro Shinear hag e chomjont eno.

2 Rouned 24:1

En e amzer, Nebukadnezar roue Babilon a bignas, ha Jojakim a voe sujet dezhañ tri bloaz. Met en em sevel a reas a-nevez a-enep dezhañ.

2 Danevelloù 36:5

Pemp bloaz warn-ugent e oa Jojakim pa zeuas da roue, hag e renas unnek vloaz e Jeruzalem. Ober a reas ar pezh a zo fall dirak daoulagad an AOTROU e Zoue.

2 Danevelloù 36:7

Nebukadnezar a gasas ivez gantañ da Vabilon listri eus ti an AOTROU, hag a lakaas anezho en e dempl e Babilon.

Ezdra 1:7

Ar roue Kiruz a gasas er-maez listri ti an AOTROU, ar re en doa kaset kuit Nebukadnezar eus Jeruzalem, hag en doa lakaet e ti e zoue.

Izaia 11:11

En deiz-se ec'h astenno an AOTROU e zorn c'hoazh, evit un eil gwech, da zasprenañ an nemorant eus e bobl, ar re a vo bet manet en Asiria, en Ejipt, e Patroz, e Kush, e Persia, e Shinear, en Hamad, hag en inizi ar mor.

Izaia 42:24

Piv en deus roet Jakob da vezañ diwisket, hag Israel d'ar breizhadeg? Ha n'eo an AOTROU, hon eus pec'het a-enep dezhañ? Rak n'eo ket bet fellet deomp heuliañ e hentoù, na sentiñ ouzh e lezenn.

Jeremiaz 25:1

Ar gomz a voe disklêriet da Jeremiaz evit holl bobl Juda, d'ar pevare bloaz eus Jojakim mab Jozia roue Juda, a oa bloaz kentañ Nebukadnezar roue Babilon,

Jeremiaz 27:16

Hag e komzis ouzh an aberzhourien hag ouzh an holl bobl, hag e lavaris: Evel-henn e komz an AOTROU: Na selaouit ket ouzh komzoù ho profeded a zo o profediñ deoc'h, o lavarout: Setu, traoù ti an AOTROU a vo prest kaset en-dro eus Babilon. Rak e profedont gevier deoc'h.

Jeremiaz 28:3

A-benn c'hoazh daou vloaz, hag e kasin en-dro d'al lec'h-mañ an holl draoù eus ti an AOTROU, en devoa Nebukadnezar roue Babilon lamet eus al lec'h-mañ ha kaset da Vabilon.

Jeremiaz 35:11

Ha pa'z eo pignet Nebukadnezar roue Babilon a-enep ar vro-mañ, hon eus lavaret: Deuit, eomp da Jeruzalem pell diouzh arme ar Galdeiz hag arme Siria, hag ez omp chomet e Jeruzalem.

Jeremiaz 50:2

Disklêriit e-touez ar broadoù hag embannit kement-se, savit ar banniel, embannit kement-se, na guzhit netra, lavarit: Babilon a zo tapet, Bel a zo mezhekaet, Merodak a zo torret. Hec'h idoloù a zo mezhekaet, he zoueoù a zo torret.

Jeremiaz 51:44

Kastizañ a rin Bel e Babilon, hag e tennin eus e c'henoù ar pezh en doa lonket, hag ar broadoù ned aint ken etrezek ennañ. Moger Vabilon zoken a zo kouezhet.

Daniel 5:13

Neuze Daniel a voe degaset dirak ar roue. Ar roue a gomzas, o lavarout da Zaniel: Hag ez out an Daniel-se, a-douez harluidi Juda bet degaset gant ar roue va zad eus Juda?

Daniel 5:18

O roue, roet en doa an Doue Uhel-Meurbet da Nebukadnezar da dad ar rouantelezh, ar veurdez, ar c'hloar hag an enor.

Habakuk 1:16

Setu perak ec'h aberzh d'e roued hag e laka da vogediñ d'e lasoù, rak drezo eo druz e lodenn ha saourus e voued.

Zakaria 5:11

Lavarout a reas din: Da sevel un ti dezhañ e bro Shinear; ha pa vo kempennet, e vo lakaet eno war e ziazez.

Adlezenn 32:30

Penaos en defe gallet unan redek war-lerc'h mil, ha daou redek war-lerc'h dek mil, nemet en defe o roc'h o gwerzhet, hag an AOTROU o deroet?

Ar Varnerien 2:14

Fulor an AOTROU en em danas a-enep Israel, hag e lakaas anezho etre daouarn preizhataerien o freizhas, hag e werzhas anezho etre daouarn o enebourien tro-dro, ha ne c'helljont ken derc'hel dirak o enebourien.

Ar Varnerien 3:8

Fulor an AOTROU en em danas a-enep Israel, hag e werzhas anezho etre daouarn Kushan-Rishataim roue Mezopotamia. Hag e voe mibien Israel sujet da Gushan-Rishataim e-pad eizh vloaz.

Ar Varnerien 4:2

Setu perak an AOTROU a werzhas anezho etre daouarn Jabin roue Kanaan, a rene en Hazor. Penn e arme a oa Sisera, hag a oa o chom en Haroshed-Goim.

1 Samuel 5:2

Ar Filistined a gemeras arc'h Doue, hag he c'hasjont da di Dagon, hag he lakajont e-kichen Dagon.